 ក្រុមការងារលេខ២៥ មកទស្សនាកោះ Truong Sa (រូបថត៖ VOV) |
ប្រធានសមាគមអ្នកកាសែតវៀតណាម លោក Le Quoc Minh បានឲ្យដឹងថា នៅឯគោលដៅនានារួមមានកោះ Da Thi កោះ Sinh Ton កោះ Co Lin កោះ Len Dao កោះ Da Tay (A), Truong Sa និងផ្ទះរន្ទារ DK1/19។ គណៈប្រតិភូបានធ្វើការ ទស្សនា លើកទឹកចិត្ត ផ្តល់អំណោយ ព្រមទាំងមានការផ្លាស់ប្តូរវប្បធម៌ជាមួយកងទ័ព ប្រជាជន និងកងកម្លាំងដែលបំពេញភារកិច្ចនៅលើកោះ និងផ្ទះរន្ទារ DK1/19; រៀបចំសកម្មភាព៖ គោរពទង់ជាតិ ពិនិត្យកងទ័ពនៅលើកោះ Truong Sa; ប្រារព្ធពិធីរំលឹកវិញ្ញាណក្ខន្ធដល់កម្មាភិបាលនិងយុទ្ធជនដែលពលីជីវិតក្នុងបុព្វហេតុការពារអធិបតេយ្យភាពសមុទ្រនិងកោះ; ទៅទស្សនាស្តូបរំលឹកវិញ្ញាក្ខ័ន្ធយុទ្ធជនពលីនិងវិមានរំលឹកវិញ្ញាណក្ខ័ន្ធលោកប្រធានហូជីមិញ នៅទីរួមស្រុក Truong Sa រួមទាំងសំណង់វប្បធម៌ និងវិញ្ញាណនៅលើកោះ ដាំដើមឈើ ...ជាដើម។
 អគ្គនាយករងនៃវិទ្យុសម្លេងវៀតណាម លោក Ngo Minh Hien ជូនអំណោយដល់កម្មាភិបាលនិងយុទ្ធជននៅកោះ Len Dao (រូបថត៖ VOV) |
ក្នុងឱកាសនេះ គណៈប្រតិភូបានឧបត្ថម្ភថវិកាចំនួន ១,៧ ពាន់លានដុង (ជាង ៦៥,៣ ពាន់ដុល្លារអាមេរិក) ដល់កងទ័ពជើងទឹក និងប្រគល់អំណោយជាក់ស្តែងផ្សេងទៀត ដែលមានតម្លៃជិត ១ ពាន់លានដុង (ប្រហែល ៣៨,៤ ពាន់ដុល្លារអាមេរិក) ដល់កម្មាភិបាល យុទ្ធជន និងប្រជាជននៅលើកោះ៕
