 ឧបនាយករដ្ឋមន្ត្រី លោក Bui Thanh Son និងប្រធានគណៈប្រតិភូ ដែលចូលរួមសន្និសីទរដ្ឋមន្ត្រីមហាអនុតំបន់ទន្លេមេគង្គលើកទី ៦ ស្តីពីការបង្ការនិងប្រយុទ្ធប្រឆាំងនឹងការជួញដូរមនុស្ស - IMM6 - រូបថត៖ VGP/Hai Minh |
អញ្ជើញចូលរួម និងថ្លែងនៅក្នុងសន្និសីទនេះ ឧបនាយករដ្ឋមន្ត្រី លោក Bui Thanh Son បានសង្កត់ធ្ងន់ថា វៀតណាម និងបណ្តាប្រទេសក្នុងមហាអនុតំបន់ទន្លេមេគង្គកំពុងប្រឈមមុខនឹងបញ្ហាប្រឈមសន្តិសុខមិនមែនប្រពៃណីជាច្រើនដែលកាន់តែស្មុគស្មាញនិងមិនអាចទាយទុកជាមុនបាន រួមទាំងបទល្មើសជួញដូរមនុស្សផងដែរ។ វៀតណាមបានកំណត់ការបង្ការ និងប្រយុទ្ធប្រឆាំងនឹងបទល្មើសជួញដូរមនុស្សជាភារកិច្ចស្នូល និងជាអចិន្រៃយ៍ ដែលទាមទារឱ្យមានកិច្ចខិតខំប្រឹងប្រែងរួមនៃប្រព័ន្ធនយោបាយទាំងមូល។ បក្ស រដ្ឋ និងរដ្ឋាភិបាលវៀតណាមបានអនុវត្តន៍ដំណោះស្រាយ ផែនការ កម្មវិធី និងគោលនយោបាយជាច្រើន រួមទាំងកម្មវិធីស្តីពីការបង្ការនិងប្រយុទ្ធប្រឆាំងនឹងការជួញដូរមនុស្សដំណាក់កាល ២០២១-២០២៥ និងចក្ខុវិស័យដល់ឆ្នាំ ២០៣០។ ជាពិសេស នៅថ្ងៃទី ២៨ ខែវិច្ឆិកា ឆ្នាំ ២០២៤ រដ្ឋសភាវៀតណាមបានអនុម័តលើច្បាប់ស្តីពីការបង្ការ និងប្រយុទ្ធប្រឆាំងនឹងការជួញដូរមនុស្ស។ ដោយផ្អែកលើមូលដ្ឋាននោះ ទីភ្នាក់ងារសមត្ថកិច្ចបានដាក់ពង្រាយវិធានការជាបន្តបន្ទាប់ និងទូលំទូលាយ ដើម្បីប្រយុទ្ធប្រឆាំងនឹងបទល្មើសជួញដូរមនុស្ស និងសម្រេចបានលទ្ធផលវិជ្ជមានជាច្រើន។
យោងតាមលោកឧបនាយករដ្ឋមន្ត្រី Bui Thanh Son ក្នុងបរិបទបច្ចុប្បន្ន វៀតណាម និងបណ្តាប្រទេសមហាអនុតំបន់ទន្លេមេគង្គត្រូវបន្តសហការគ្នា កៀរគរធនធាន និងស្វែងរកការគាំទ្រពីសហគមន៍អន្តរជាតិ ដើម្បីទប់ស្កាត់និងបង្ក្រាបបទល្មើសជួញដូរមនុស្ស ការពារជនរងគ្រោះ តាមបាវចនាថា យកជនរងគ្រោះជាចំណុចកណ្តាល រួមចំណែកដល់ការកសាងមហាអនុតំបន់ទន្លេមេគង្គប្រកបដោយស្ថិរភាព សុវត្ថិភាព អភិវឌ្ឍប្រកបដោយចីរភាពនិងវិបុលភាព៕
