ការចូលជាសមាជិកអាស៊ានរបស់វៀតណាម រួមចំណែកពង្រឹងសាមគ្គីភាពនិងស្ថិរភាពក្នុងតំបន់

ឆ្មាំកិត្តិយសធ្វើពិធីបង្ហូតទង់អាស៊ាន។ (រូបថត៖ TTXVN)

វាយតំលៃអំពីការរួមចំណែករបស់វៀតណាមចំពោះអាស៊ាន លោកឯកអគ្គរដ្ឋទូត Jaya Ratnam បានឲ្យដឹងថា ការចូលជាសមាជិកអាស៊ានកាលពី ៣០ ឆ្នាំមុនមិន ត្រឹមតែជាចំណុចរបត់នៃដំណើរការសមាហរណកម្មរបស់វៀតណាមប៉ុណ្ណោះទេ ថែមទាំងបានរួមចំណែកពង្រឹងសាមគ្គីភាព និងស្ថិរភាពក្នុងតំបន់ទៀតផង។ វៀតណាមជានិច្ចកាលដើរតួនាទីសំខាន់ និងប្រកាន់នូវគោលការណ៍ក្នុងការធានានូវ មជ្ឈភាពរបស់អាស៊ាន។ អាស៊ានគឺជាអាទិភាពចម្បងក្នុងគោលនយោបាយកិច្ចការ បរទេសរបស់វៀតណាមហើយវៀតណាមបានម្ចាស់ការជំរុញអាស៊ានក្នុងការដើរតួនាទីនាំមុខក្នុងការដោះស្រាយបញ្ហាបន្ទាន់ក្នុងតំបន់ និងពិភពលោក។

យោងតាមលោកឯកអគ្គរដ្ឋទូត Jaya Ratnam វៀតណាមមិនត្រឹមតែបង្ហាញពី ការសន្យាតាមរយៈពាក្យសម្ដីប៉ុណ្ណោះទេ ថែមទាំងតាមរយៈសកម្មភាពជាក់ស្តែង ទៀតផង។ ក្នុងនាមជាប្រធានអាស៊ានឆ្នាំ ២០២០ វៀតណាមបានបង្ហាញយ៉ាងច្បាស់ពី តួនាទីជាអ្នកដឹកនាំរបស់ខ្លួន ដោយជំរុញយន្តការសហប្រតិបត្តិការប្រកបដោយ ប្រសិទ្ធភាព ដើម្បីតំបន់រួមគ្នាឆ្លើយតបទៅនឹងជំងឺរាតត្បាតកូវីដ-១៩។ វៀតណាម បានប្រកាន់យ៉ាងខ្ជាប់ខ្ជួននូវការការពារសណ្តាប់ធ្នាប់អន្តរជាតិដោយផ្អែកលើច្បាប់ ក្នុងបរិបទសកលនៃបញ្ហាប្រឈមជាច្រើន៕