កិច្ចសហប្រតិបត្តិការធុរកិច្ចរវាងវៀតណាម-អាមេរិកក្នុងវិស័យកសិកម្ម

(VOVWORLD) - គណៈប្រតិភូក្រសួងកសិកម្ម និងបរិស្ថាន និងបណ្ដាសមាគម និងសហគ្រាស កសិកម្មវៀតណាម ដឹកនាំដោយរដ្ឋមន្ត្រីក្រសួងកសិកម្ម និងបរិស្ថាន លោក Do Duc Duy បានទៅបំពេញទស្សនកិច្ចការងារនៅទីក្រុង Columbus រដ្ឋ Ohio សហរដ្ឋអាមេរិក ចាប់ពីថ្ងៃទី ១ ដល់ថ្ងៃទី ៧ ខែមិថុនា។ ក្នុងដំណើរទស្សនកិច្ចនេះ លោក Brian Baldridge រដ្ឋមន្ត្រីកសិកម្មនៃរដ្ឋ Ohio បានជួបពិភាក្សាទ្វេភាគីជាមួយលោករដ្ឋមន្ត្រី Do Duc Duy។

កិច្ចចរចាតភ្ជាប់ធុរកិច្ចវៀតណាម - Ohio។ (រូបថត៖ក្រសួងកសិកម្មនិងបរិស្ថាន)

ខណៈពេលដែលវៀតណាមនាំចេញផលិតផលត្រូពិចជាច្រើនដូចជា កាហ្វេ គ្រាប់ស្វាយចន្ទី ម្រេច ផ្លែឈើ គ្រឿងសង្ហារិមឈើ គឺសហរដ្ឋអាមេរិក និងរដ្ឋ Ohio ផ្គត់ផ្គង់ផលិតផលដូចជា សណ្តែកសៀង សាច់គោ ពោត ឈើ ទឹកដោះគោ និងផលិតផលពីទឹកដោះគោ។ កិច្ចសហប្រតិបត្តិការនឹងធ្វើពិពិធកម្មផលិតផល ធានាគុណភាព និងប្រភពដើមច្បាស់លាស់នៃផលិតផលកសិកម្ម និងគ្រឿងសង្ហារឹម ឈើនៅក្នុងបណ្តាញចែកចាយ។

ក្នុងកិច្ចចរចាតភ្ជាប់ធុរកិច្ចវៀតណាម - Ohio ក្នុងក្របខ័ណ្ឌនៃដំណើរទស្សនកិច្ច គណៈប្រតិភូទាំងអស់បានឯកភាពចាត់ទុកថា នៅមានសក្ដានុពលជាច្រើនដើម្បីពង្រីក កិច្ចសហប្រតិបត្តិការក្នុងវិស័យកសិកម្ម ជាពិសេសពាណិជ្ជកម្មកសិផលរវាងភាគី ទាំងពីរ។ ជាពិសេស ភាគីនានាបានពិភាក្សា និងចុះហត្ថលេខាលើអនុស្សរណៈនៃការ យោគយល់គ្នា (MoU) ស្តីពីការនាំចូលគ្រឿងផ្សំចំណីសត្វពីរដ្ឋ Ohio ដែលមានតម្លៃ សរុបជាង ៦០០លានដុល្លារអាមេរិក។ សហគ្រាសវៀតណាមជាច្រើនក៏បានតភ្ជាប់ជាមួយដៃគូរដ្ឋ Ohio ដើម្បីជំរុញការនាំចូលទំនិញដូចជា ឈើ ផ្លែឈើ និងសាច់ ផងដែរ៕