 ផ្សែងហុយឡើងបន្ទាប់ពីការវាយប្រហារដោយមីស៊ីលលើអាកាសយានដ្ឋានអន្តរជាតិ Ben Gurion ក្នុងក្រុង Tel Aviv ប្រទេសអ៊ីស្រាអែល។ រូបថតឯកសារ៖ THX/TTXVN |
ទន្ទឹមនឹងនេះ យន្តហោះដ្រូនផ្សេងទៀតបានកំណត់គោលដៅទៅលើរោងចក្រថាមពលនៅ Hadera អាកាសយានដ្ឋាន Ben Gurion និងកំពង់ផែ Ashdod។
យោងតាមលោក Sarea កងកម្លាំង Houthi បានបង្ហោះយន្តហោះដ្រូនចំនួន ២ គ្រឿង និងមីស៊ីលនាំផ្លូវ ១គ្រាប់ សំដៅទៅលើកប៉ាល់កុងតឺន័រ MSC Aby នៅភាគខាងជើងសមុទ្រក្រហម ដោយចោទប្រកាន់ថា កប៉ាល់នេះរក្សាទំនាក់ទំនងពាណិជ្ជកម្មជាមួយកំពង់ផែសមុទ្រអ៊ីស្រាអែល។
ការវាយប្រហារថ្មីនេះបានកើតឡើងមួយថ្ងៃបន្ទាប់ពីក្រុម Houthi បានប្រកាសធ្វើការវាយប្រហារដោយមីស៊ីលនៅជិតកប៉ាល់ដឹកប្រេង Scarlet Ray នៅសមុទ្រក្រហមភាគខាងជើង។
ភាពតានតឹងកើនឡើងយ៉ាងខ្លាំងរវាងអ៊ីស្រាអែល និងក្រុម Houthi បន្ទាប់ពីអ៊ីស្រាអែលកាលពីថ្ងៃទី ២៨ ខែសីហា បានធ្វើការវាយប្រហារតាមផ្លូវអាកាសលើគោលដៅមួយចំនួនរបស់ក្រុម Houthi ក្នុងរដ្ឋធានី Sanaa ប្រទេសយេម៉ែន រួមទាំងកិច្ចប្រជុំមួយរបស់ថ្នាក់ដឹកនាំ Houthi ផងដែរ។ យោងតាមក្រុម Houthi យ៉ាងហោចណាស់មន្ត្រីជាន់ខ្ពស់ចំនួន ១២ នាក់នៃកម្លាំងនេះបានស្លាប់ ក្នុងនោះ រួមទាំងប្រមុខរដ្ឋអំណាច Houthi លោក Ahmed Ghaleb Nasser al-Rahawi ផងដែរ៕
