លោក ដូណាល់ ត្រាំ ជួបសន្ទនាតាមទូរស័ព្ទជាមួយមេដឹកនាំចក្រភពអង់គ្លេស បារាំង និងអាល្លឺម៉ង់អំពីជម្លោះនៅអ៊ុយក្រែន

ប្រធានាធិបតីអាមេរិក លោក លោក ដូណាល់ ត្រាំ ។ រូបថត៖ REUTERS/Jonathan Ernst

យោងតាមសេតវិមាន កិច្ចសន្ទនាតាមទូរស័ព្ទទាំងនេះបានប្រព្រឹត្តទៅ ក្នុងបរិបទដែលលោកប្រធានាធិបតី ត្រាំ បន្តជំរុញកិច្ចខិតខំប្រឹងប្រែងដើម្បីបញ្ចប់ជម្លោះ ហើយបានបង្ហាញពីការមន្ទិលសង្ស័យចំពោះលទ្ធភាពនៃ "ជ័យជម្នះរបស់ទីក្រុងគៀវ”។

សេតវិមានក៏បានឲ្យដឹងថា មេដឹកនាំសហរដ្ឋអាមេរិក ចក្រភពអង់គ្លេស បារាំង និងអាល្លឺម៉ង់ បានពិភាក្សាអំពីការវិវឌ្ឍថ្មីៗបំផុតនៅក្នុងកិច្ចចរចាសន្តិភាពដែលសម្របសម្រួលដោយសហរដ្ឋអាមេរិក ដោយស្វាគមន៍ចំពោះកិច្ចខិតខំប្រឹងប្រែងដើម្បីបញ្ចប់ជម្លោះ និងសម្រេចបាននូវសន្តិភាពប្រកបដោយយុត្តិធម៌ និងយូរអង្វែងសម្រាប់អ៊ុយក្រែន។ មេដឹកនាំនៃប្រទេសទាំងបួនបានឯកភាពគ្នាថា ការពិភាក្សាលើផែនការសន្តិភាពនឹងបន្តនាពេលខាងមុខ ហើយនេះជាពេលវេលាដ៏សំខាន់សម្រាប់អ៊ុយក្រែន ក៏ដូចជាសម្រាប់សន្តិសុខរួមនៃតំបន់អឺរ៉ុបផងដែរ៕