លោកនាយករដ្ឋមន្ត្រី ហ្វាម មិញជីញ ចូលរួមទិវាមហាសាមគ្គីជនជាតិទាំងមូលនៅខេត្ត Gia Lai

លោកនាយករដ្ឋមន្ត្រី ហ្វាម មិញជីញ បានអញ្ជើញចូលរួមទិវាមហាសាមគ្គីជនជាតិទាំងមូល ជួយប្រជាពលរដ្ឋនៅ តំបន់លំនៅដ្ឋាន Thang Kien ឃុំ De Gi ខេត្ត Gia Lai។ (រូបថត៖ VOV)

នៅទិវាបុណ្យនេះ លោកនាយករដ្ឋមន្ត្រី ហ្វាម មិញជីញ បានសង្កត់ធ្ងន់ថា ព្រឹត្តិការណ៍ឆ្នាំនេះបានធ្វើឡើងក្នុងបរិបទខុសពីឆ្នាំមុនៗ ដោយ ការរួមបញ្ចូលគ្នានៃខេត្តក្រុងទូទាំងប្រទេស ការអនុវត្តគំរូអាជ្ញាធរមូលដ្ឋាន ២ កម្រិត ហើយព្យុះកាល់ ម៉ាហ្គីនាពេលថ្មីៗនេះ បានបង្កឱ្យមានផលវិបាកដែលមិនធ្លាប់មានពីមុនមកក្នុងប្រវត្តិ សាស្ត្រ។ ហេតុដូច្នេះ លោកនាយករដ្ឋមន្ត្រីបានវាយតម្លៃខ្ពស់ចំពោះចំណងសាមគ្គីភាពរវាងបងប្អូនជនរួមជាតិទូទាំងប្រទេស ដែលបានជួយគ្នាទៅវិញទៅមកដើម្បីជំនះ ពុះពារលើការលំបាក។ លោកនាយករដ្ឋមន្ត្រីក៏បានអះអាងផងដែរថា ការដែលរដ្ឋា ភិបាល មូលដ្ឋាន និងប្រជាជនរួមដៃគ្នាធ្វើសកម្មភាព នឹងបង្កើតកម្លាំងពលំដើម្បីជំនះ លើបញ្ហាប្រឈមទាំងអស់ រួមទាំងការដោះស្រាយផលវិបាកនៃព្យុះកាល់ម៉ាហ្គី នាពេលខាងមុខនេះ។ លោកនាយករដ្ឋមន្ត្រីបានលើកច្បាស់ថា៖

លោកនាយករដ្ឋមន្ត្រីប្រគល់អំណោយដល់ប្រជាជននៅក្នុងឃុំ De Gi។ (រូបថត៖ VOV)

«ជាដំបូង យើងត្រូវតែសាងសង់ផ្ទះឡើងវិញសម្រាប់គ្រួសារដែលផ្ទះត្រូវដួលរលំ ជួសជុលផ្ទះដែលខូចខាត ស្តារហេដ្ឋារចនាសម្ព័ន្ធដឹកជញ្ជូន សុខាភិបាល អប់រំ អគ្គិសនី និងទូរគមនាគមន៍ ព្រមទាំងសម្អាតបរិស្ថានឱ្យបានឆាប់រហ័សផងដែរ»៕