លោកអគ្គលេខាបក្ស តូ ឡឹម៖ ការដោះស្រាយចំណុចកកស្ទះក្នុងស្ថាប័នត្រូវតែជា ភារកិច្ចកំពូល

លោកអគ្គលេខាបក្ស តូ ឡឹម ថ្លែងនៅកិច្ចប្រជុំ។ (រូបថត៖ VOV)

នៅព្រឹកថ្ងៃទី១៥ ខែតុលា អញ្ជើញថ្លែងសន្និដ្ឋាននៅកិច្ចប្រជុំត្រួតពិនិត្យការ អនុវត្តសេចក្តីសម្រេចចិត្តលេខ៥៧ របស់ការិយាល័យនយោបាយ ស្តីពីរបកគំហើញ ក្នុងការអភិវឌ្ឍវិទ្យាសាស្ត្រ បច្ចេកវិទ្យា នវានុវត្តន៍ និងការផ្លាស់ប្តូរឌីជីថលជាតិក្នុង ត្រីមាសទី៣ និងភារកិច្ច និងដំណោះស្រាយសំខាន់ៗរហូតដល់ចុងឆ្នាំនេះ លោកអគ្គ លេខាបក្ស តូ ឡឹម ប្រធានគណៈកម្មាធិការមជ្ឈិមដឹកនាំការអភិវឌ្ឍវិទ្យាសាស្ត្រ បច្ចេកវិទ្យា នវានុវត្តន៍ និងការផ្លាស់ប្ដូរឌីជីថល បានសង្កត់ធ្ងន់ថា ត្រូវតែចាត់ទុកការ ដោះស្រាយចំណុចកកស្ទះក្នុងស្ថាប័ន ជាភារកិច្ចកំពូល។ លើសពីនេះ បង្កើតប្រព័ន្ធ អេកូឡូស៊ី ដោះសោធនធានសង្គម ដាក់សហគ្រាសជាស្នូល រំដោះ និងកៀរគរធនធាន ឯកជនជាអតិបរមាសម្រាប់ការអភិវឌ្ឍវិទ្យាសាស្ត្រ បច្ចេកវិទ្យា និងនវានុវត្តន៍។ លោក អគ្គលេខាបក្សបានស្នើថា៖

“ត្រូវតែបង្រួបបង្រួមនូវបាវចនាសកម្មភាព ដូចស្មារតីដឹកនាំនៃសន្និបាតលើកទី ១៣ របស់គណៈកម្មាធិការមជ្ឈិមបក្សនីតិកាលទី ១៣ ដែលថា៖ “ការផ្ដោតសំខាន់ ចំនួន៣ - ការប្រកាសជាសាធារណៈចំនួន ៣- រង្វាស់តែមួយ”។ ការផ្តោតសំខាន់ចំនួន ៣  រួមមាន ការធ្វើស្ថាប័នភាវូបនីយកម្មនូវសេចក្ដីសន្និដ្ឋានរបស់គណៈកម្មាធិការដឹកនាំ យ៉ាងឆាប់រហ័ស; រៀបចំការអនុវត្តយ៉ាងខ្លាំងក្លា ជាមួយនឹងផលិតផលជាក់លាក់; ត្រួតពិនិត្យ និងឃ្លាំមើលជាប្រចាំ ដោះស្រាយការជំពាក់ជំពិនឲ្យទាន់ពេលវេលា។ ការប្រកាសជាសាធារណៈចំនួន៣  រួមមាន ការប្រកាសវឌ្ឍនភាព; ការប្រកាសទំនួល ខុសត្រូវ និងការប្រកាសលទ្ធផលសម្រាប់សាធារណៈជននិងសង្គមត្រួតពិនិត្យ និងអមដំណើរ។ ចំណែករង្វាស់តែមួយនោះគឺ កម្រិតជីវភាព និងការជឿទុកចិត្ត របស់ប្រជាជន”៕