នាយករដ្ឋមន្ត្រី លោក ហ្វាម​ មិញ ជិញ អញ្ជើញធ្វើជាប្រធានកិច្ចប្រជុំរដ្ឋាភិបាលប្រចាំខែ

នាយករដ្ឋមន្ត្រី លោក ហ្វាម មិញ ជិញ អញ្ជើញដឹកនាំកិច្ចប្រជុំរដ្ឋាភិបាលប្រចាំខែសីហា និងរយៈពេល ៨ ខែដើមឆ្នាំ ២០២៥ (រូបថត៖ Lai Hoa/VOV)

ថ្លែងក្នុងពិធីបើកកិច្ចប្រជុំ លោកនាយករដ្ឋមន្ត្រីបានវាយតម្លៃថា ស្ថានភាពសេដ្ឋកិច្ចសង្គមក្នុងរយៈពេល ៨ ខែដំបូងឆ្នាំ មានភាពល្អប្រសើរជាងរយៈពេលដូចគ្នាក្នុងឆ្នាំ ២០២៤ លើគ្រប់វិស័យ ជាពិសេសម៉ាក្រូសេដ្ឋកិច្ចមានស្ថិរភាព អតិផរណាត្រូវបានគ្រប់គ្រង ជំរុញកំណើននិងធានាតុល្យភាពសំខាន់ៗ។

ថ្វីត្បិតដូច្នេះក៏ដោយ លោកនាយករដ្ឋមន្ត្រីក៏បានស្នើការវិភាគអំពីសម្ពាធដែលបណ្តាលមកពីការកើនឡើងអតិផរណានិងអត្រាការប្រាក់។ ការប្រើប្រាស់ក្នុងស្រុក ការនាំចេញ និងការវិនិយោគសាធារណៈមាននិន្នាការធ្លាក់ចុះ។ ប្រតិបត្តិការនៃគំរូអាជ្ញាធរមូលដ្ឋាន ២ កម្រិតនៅតែប្រឈមនឹងការលំបាកក្នុងការផ្លាស់ប្តូរឌីជីថល…។

លោកនាយករដ្ឋមន្ត្រីបានស្នើថា បន្ទាប់ពីពិព័រណ៍ “៨០ឆ្នាំ ឯករាជ្យ-សេរីភាព-សុភមង្គល” បានបញ្ចប់ ត្រូវបន្តសិក្សានិងរៀបចំពិព័រណ៍សរទដូវ និងបុណ្យតេត ដើម្បីណែនាំ និងផ្សព្វផ្សាយទំនិញ និងផលិតផល ជំរុញការផ្លាស់ប្តូរ ផ្សារភ្ជាប់ផលិតកម្ម និងអាជីវកម្ម និងលើកកម្ពស់ការប្រើប្រាស់ក្នុងស្រុក។

លោកនាយករដ្ឋមន្ត្រី ក៏បានស្នើដល់ក្រសួង ស្ថាប័ននានា ត្រូវចាត់ការយ៉ាងមម៉ឺងមាត់នូវបាតុភូតអសកម្ម ទង្វើបើកដៃទីផ្សារ ការរត់ពន្ធទំនិញក្លែងក្លាយ …៕