នាយករដ្ឋមន្ត្រីវៀតណាមលោក ហ្វាម មិញជីញ នឹងអញ្ជើញទៅបំពេញទស្សនកិច្ចការងារនៅប្រទេសបារាំង អេស្តូនី និងស៊ុយអែត

ក្រសួងការបរទេសវៀតណាម នាថ្ងៃទី២ ខែមិថុនា បានចេញសេចក្តីប្រកាសព័ត៌មានដោយបញ្ជាក់ថា៖ តបតាមការអញ្ជើញរបស់អគ្គលេខាធិការអង្គការសហប្រជាជាតិ លោក Antonio Guterres និងប្រធានាធិបតីបារាំង លោក Emmanuel Macron នាយករដ្ឋមន្ត្រីអេស្តូនីលោក Kristen Michal និងនាយករដ្ឋមន្ត្រីស៊ុយអែត លោក Ulf Kristersson នាយករដ្ឋមន្ត្រីវៀតណាមលោក ហ្វាម មិញជីញ និងភរិយា រួមជាមួយនឹងគណៈប្រតិភូជាន់ខ្ពស់វៀតណាម នឹងអញ្ជើញចូលរួមកិច្ចប្រជុំកំពូលលើកទី៣ នៃអង្គការសហប្រជាជាតិសម្រាប់ការគាំទ្រការអនុវត្តគោលដៅអភិវឌ្ឍន៍ប្រកបដោយចីរភាពលេខ ១៤៖ អភិរក្ស និងប្រើប្រាស់ប្រកបដោយចីរភាពនូវមហាសមុទ្រ សមុទ្រ និងធនធានសមុទ្រដើម្បីការអភិវឌ្ឍប្រកបដោយចីរភាព (ត្រូវបានគេស្គាល់ថាជាកិច្ចប្រជុំមហាសមុទ្រលើកទី ៣ របស់អង្គការសហប្រជាជាតិ) ធ្វើសកម្មភាពទ្វេភាគីនៅប្រទេសបារាំង និងបំពេញទស្សនកិច្ចផ្លូវការនៅសាធារណរដ្ឋអេស្តូនី និងព្រះរាជាណាចក្រស៊ុយអែត។

ដំណើរទស្សនកិច្ចការងាររបស់លោកនាយករដ្ឋមន្ត្រី ហ្វាម មិញជីញ នឹងប្រព្រឹត្តទៅចាប់ពីថ្ងៃទី ៥ ដល់ថ្ងៃទី ១៤ ខែមិថុនា៕