បើកសប្តាហ៍ហិរញ្ញវត្ថុនិងបច្ចេកវិទ្យាទីក្រុង Da Nang ឆ្នាំ ២០២៥

សប្តាហ៍ហិរញ្ញវត្ថុ និងបច្ចេកវិទ្យាទីក្រុង Da Nang គឺជាវេទិកាពិភាក្សាអំពីកិច្ចសហប្រតិបត្តិការទ្វេភាគី និងពហុភាគីរវាងវៀតណាម និងសហគមន៍អន្តរជាតិក្នុងវិស័យហិរញ្ញវត្ថុ រួមចំណែកលើកកំពស់ឋានៈរបស់មជ្ឈមណ្ឌល ហិរញ្ញវត្ថុអន្តរជាតិរបស់វៀតណាម។ វេទិកាក៏ជាឱកាសដើម្បីផ្សព្វផ្សាយសក្តានុពល គុណសម្បត្តិ កិច្ចសហប្រតិបត្តិការ និងកាលានុវត្តភាពវិនិយោគរបស់ទីក្រុង Da Nang និងវៀតណាមទៅកាន់សហគមន៍ធុរកិច្ច វិនិយោគិន និងអង្គការអន្តរជាតិនានា; ការភ្ជាប់សសរស្តម្ភទាំងបីនៃហិរញ្ញវត្ថុ - blockchain - មីក្រូឈីប semiconductor នៅក្នុងព្រឹត្តិការណ៍រួមបញ្ចូលគ្នាជាបន្តបន្ទាប់។

លោក Nguyen Van Quang លេខាគណៈកម្មាធិការបក្សទីក្រុង Da Nang ថ្លែងមតិនៅវេទិកា (រូបថត៖ Vinh Thong/VOV-ភូមិភាគកណ្តាល)

លោក Nguyen Van Quang លេខាគណៈកម្មាធិការបក្សទីក្រុង Da Nang បានសង្កត់ធ្ងន់ថា៖ “តាមរយៈវេទិកានេះ និងសកម្មភាពក្រៅឆាក សប្តាហ៍នេះនឹងបង្កើតសន្ទុះថ្មី របកគំហើញថ្មី និងកម្មវិធីសហប្រតិបត្តិការប្រកបដោយប្រសិទ្ធភាពថ្មី រួមចំណែកលើកកំពស់ជំហររបស់វៀតណាមលើផែនទីហិរញ្ញវត្ថុ និងបច្ចេកវិទ្យាសកល។ បន្ទាប់ពីសប្តាហ៍នេះ ទីក្រុង Da Nang មិនត្រឹមតែជាកន្លែងជួបជុំប៉ុណ្ណោះទេ ថែមទាំងជាចំណុចចាប់ផ្តើមសម្រាប់ដំណើរសហប្រតិបត្តិការយូរអង្វែង ប្រកបដោយនិរន្តរភាពក្នុងវិស័យហិរញ្ញវត្ថុ និងបច្ចេកវិទ្យា”។

ក្នុងក្របខ័ណ្ឌនៃសប្តាហ៍ហិរញ្ញវត្ថុ និងបច្ចេកវិទ្យាទីក្រុង Da Nang ឆ្នាំ ២០២៥ សកម្មភាពជាច្រើនទៀតនឹងប្រព្រឹត្តទៅដូចជា៖ ការតាំងពិព័រណ៍ស្តីពីហិរញ្ញវត្ថុ ប្លុកឆេន បច្ចេកវិទ្យា semiconductor ទេសចរណ៍ជាដើម៕