 ការព្យាករណ៍ដំណើររបស់ព្យុះទីហ្វុង Ragasa ។ រូបថត៖ chinhphu.vn |
នាថ្ងៃទី ២២ ខែកញ្ញា ព្យុះទីហ្វុង Ragasa ដែលមានកម្លាំងខ្យល់បក់ ២១៥ គីឡូម៉ែត្រ/ម៉ោង អាចឡើងរហូតដល់ ២៦៥ គីឡូម៉ែត្រ/ម៉ោង កំពុងខិតមកជិតកោះ Luzon យ៉ាងឆាប់រហ័ស។ ប្រទេសហ្វីលីពីនបានបញ្ជាឱ្យបិទសាលារៀន និងការិយាល័យទាំងអស់នៅក្នុងរដ្ឋធានីម៉ានីល និងខេត្តចំនួន ២៩ នៅទូទាំងប្រទេស។ ជើងហោះហើរក្នុងស្រុក និងផ្លូវសាឡាងជាច្រើនត្រូវបានលុបចោល ដើម្បីធានាសុវត្ថិភាព។
នៅកោះតៃវ៉ាន់(ចិន) អាជ្ញាធរមូលដ្ឋានបានអនុវត្តន៍ការជម្លៀសខ្នាតតូចនៅតំបន់ភ្នំភាគខាងកើត ហើយបានចេញការព្រមានលើដីគោកនិងលើសមុទ្រ។
ក្នុងពេលនោះ ហុងកុង (ចិន) កំពុងរៀបចំវិធានការយ៉ាងតឹងរឹងមិនធ្លាប់មានក្នុងរយៈពេលជាច្រើនឆ្នាំកន្លងមក ដោយពិចារណាលើការផ្អាកជើងហោះហើរពាណិជ្ជកម្មទាំងអស់រយៈពេល ៣៦ ម៉ោង ចាប់ពីយប់ថ្ងៃទី ២៣ ខែកញ្ញា ដល់ព្រឹកថ្ងៃទី ២៥ ខែកញ្ញា នៅពេលដែលព្យុះទីហ្វុង Ragasa ត្រូវបានព្យាករណ៍ថា កំពុងខិតមកជិត។ នៅក្នុងតំបន់រដ្ឋបាលពិសេសម៉ាកាវរបស់ចិន អាជ្ញាធរកំពុងណែនាំប្រជាជនឱ្យស្តុកទុកទឹកដប អាហារ ពិល និងថ្នាំពេទ្យ ហើយសាកថ្មទូរស័ព្ទ និងឧបករណ៍បម្រុងផងដែរ។
នៅខេត្តក្វាងទុង(ចិន) ចាប់តាំងពីម៉ោង ១០ព្រឹកថ្ងៃនេះ កប៉ាល់ជាង ១០.០០០គ្រឿង ត្រូវបានផ្លាស់ទីទៅកន្លែងសុវត្ថិភាព។ ទន្ទឹមនឹងនោះ អាជ្ញាធរទីក្រុង Shenzhen គ្រោងនឹងជម្លៀសប្រជាជនចំនួន ៤០០.០០០នាក់ទៅកាន់ទីជម្រកសុវត្ថិភាព៕
