ប្រទេសដំបូងគេដែលហាមឃាត់ការប្រើប្រាស់បណ្តាញសង្គមសម្រាប់កុមារអាយុក្រោម ១៦ ឆ្នាំ

(VOVWORLD) - នាថ្ងៃទី ១០ ខែធ្នូ ប្រទេសបានក្លាយជាប្រទេសដំបូងបង្អស់នៅលើពិភពលោកដែលបានហាមឃាត់កុមារមិនឱ្យប្រើប្រាស់បណ្តាញសង្គម។ រដ្ឋាភិបាលអូស្ត្រាលីសង្ឃឹមថា ការសម្រេចចិត្តនេះនឹងកាត់បន្ថយផលប៉ះពាល់អវិជ្ជមាននៃបណ្តាញសង្គមលើកុមារ។

គណនីបណ្តាញសង្គមរាប់សែនរបស់កុមារអាយុក្រោម ១៦ ឆ្នាំនៅអូស្ត្រាលីត្រូវបានបិទចាប់តាំងពីច្បាប់កំណត់អាយុនៃការប្រើប្រាស់បណ្តញសង្គមបានចូលជាធរមាន។ វេទិកាបណ្តាញសង្គមចំនួន១០ ត្រូវបានទាមទារឱ្យអនុវត្តន៍បទប្បញ្ញត្តិនេះ រួមមាន៖ Facebook, Instagram, Kick, Reddit, Snapchat, Threads, TikTok, X, YouTube និង Twitch។

នាយករដ្ឋមន្ត្រីអូស្ត្រាលី លោក Anthony Albanese បានបញ្ជាក់ថា បទប្បញ្ញត្តិថ្មីនឹងជួយកុមារឱ្យអភិវឌ្ឍក្នុងបរិយាកាសដែលមានសុវត្ថិភាពជាង និងមានពេលវេលាដើម្បីអភិវឌ្ឍជំនាញជីវិត ទំនាក់ទំនងដោយផ្ទាល់ជាមួយមិត្តភក្តិ និងក្រុមគ្រួសារ។

ចាប់តាំងពីព្រឹកថ្ងៃទី ១០ ខែធ្នូ ឆ្នាំ ២០២៥ មក កុមារអាយុក្រោម ១៦ ឆ្នាំបានទទួលការជូនដំណឹងថា គណនីបណ្តាញសង្គមរបស់ពួកគេត្រូវបានបិទ។ កុមារអាយុក្រោម ១៦ ឆ្នាំក៏មិនអាចបង្កើតគណនីថ្មីបានដែរ៕