 ប្រធានរដ្ឋ លោក លឿង គឿង និងថ្នាក់ដឹកនាំបក្ស និងរដ្ឋអញ្ជើញថតរូបជាមួយគណៈប្រតិភូ (រូបថត៖ VOV) |
អញ្ជើញថ្លែងមតិក្នុងពិធីនេះ ប្រធានរដ្ឋ លោក លឿង គឿង បានរំលឹកឡើងវិញនូវដំណើរ ៨០ ឆ្នាំនៃបដិវត្តន៍វៀតណាមចាប់តាំងពីថ្ងៃទី ២ ខែកញ្ញា ឆ្នាំ ១៩៤៥; ហើយលោកបានបញ្ជាក់ថា រាល់ជ័យជំនះរបស់ប្រទេសជាតិ គឺផ្តើមចេញពីកម្លាំងនៃសាមគ្គីភាព ឯកភាពជាតិ និងការលះបង់ដោយឥតឈប់ឈររបស់ប្រជាជនគ្រប់ស្រទាប់វណ្ណៈ ក្រោមការដឹកនាំដ៏ឈ្លាសវៃរបស់បក្ស។
លោកប្រធានរដ្ឋបានមានប្រសាសន៍ថា ឈានចូលយុគសម័យថ្មី ប្រឈមមុខនឹងកាលានុវត្តភាព ឱកាសល្អ ប៉ុន្តែពោរពេញដោយបញ្ហាប្រឈម គឺត្រូវជំរុញ ពង្រីកឲ្យបានខ្លាំងក្លានូវស្មារតីស្នេហាជាតិ ភាពវៃឆ្លាត និងសេចក្តីប្រាថ្នាស្ទុះឈានទៅមុខរបស់ប្រទេសជាតិទាំងមូល បន្តលើកតម្កើងតួនាទីដ៏ធំធេងរបស់វណ្ណៈកម្មករ កសិករ បញ្ញវន្ត ប្រជាជនគ្រប់ជាតិសាសន៍ សាសនា ពាណិជ្ជករ និងជនវៀតណាមនៅក្រៅប្រទេស ក្នុងបុព្វហេតុកសាងប្រទេសប្រកបដោយសម្បូររុងរឿង អរិយធម៌និងសុភមង្គល។ ក្នុងឱកាសនេះ ថ្នាក់ដឹកនាំបក្ស រដ្ឋ និងរណសិរ្សមាតុភូមិវៀតណាមបានជូនអំណោយដល់គណៈប្រតិភូ ដើម្បីទទួលស្គាល់ និងលើកទឹកចិត្តគំរូឆ្នើម ដែលបានរួមចំណែកកសាងផែនមហាសាមគ្គីជនជាតិទាំងមូល៕
