ក្នុងចំណោមបុគ្គលិកទាំង២០នាក់ដែលក្រុម Houthi បានឃុំខ្លួន មានបុគ្គលិកអន្តរជាតិចំនួន ១៥ នាក់។
អង្គការសហប្រជាជាតិកំពុងទាក់ទងជាមួយអាជ្ញាធរក្នុងរដ្ឋធានីសាណា និងប្រទេសសមាជិកពាក់ព័ន្ធ រួមជាមួយនឹងរដ្ឋាភិបាលយេម៉ែន ដើម្បីបញ្ចប់ការឃុំខ្លួនបុគ្គលិកទាំងអស់ និងស្ដារឡើងវិញនូវសិទ្ធិគ្រប់គ្រងលើទីស្នាក់ការរបស់អង្គការសហប្រជាជាតិនៅក្នុងទីក្រុងសាណា។ ក្រុម Houthi បានឆ្មក់ចូលការិយាល័យអង្គការសហប្រជាជាតិនៅទីក្រុង សាណា កាលពីថ្ងៃទី១៨ ខែតុលា ដោយចោទប្រកាន់បុគ្គលិកមួយចំនួនពីបទចារកម្ម។ លោក Stephane Dujarric អ្នកនាំពាក្យរបស់អគ្គលេខាធិការអង្គការសហប្រជាជាតិ បានថ្កោលទោសការចោទប្រកាន់របស់ក្រុម Houthi ជា "គ្រោះថ្នាក់ និងមិនអាចទទួលយកបានឡើយ" ៕
