អគ្គលេខាបក្សកុម្មុយនិស្តវៀតណាមលោក តូ ឡឹម និងភរិយា រួមជាមួយនឹងប្រធានា ធិបតីបារាំងនិងភរិយាអញ្ជើញទៅទស្សនា Van Mieu – Quoc Tu Giam

អគ្គលេខាបក្សកុម្មុយនិស្តវៀតណាមលោក តូ ឡឹម និងប្រធានាធិបតីបារាំង លោក Emmanuel Macron ទៅទស្សនា Van Mieu - Quoc Tu Giam។ (រូបថត៖ VOV)

លោកអគ្គលេខាបក្ស តូ ឡឹម និងភរិយា រួមជាមួយនឹងប្រធានាធិបតីបារាំង លោក Emmanuel Macron និងភរិយា បានទៅទស្សនាកេរ្តិ៍ដំណែល Van Mieu - Quoc Tu Giam ដែលបានសាងសង់ឡើងកាលពីជិត ១០០០ ឆ្នាំមុន (ក្នុងឆ្នាំ ១០៧០) ដោយមានសំណង់ស្ថាបត្យកម្មដ៏បុរមបុរាណដូចជា ក្លោងទ្វារ Dai Trung វិមាន Dai Thanh និងសួនសិលាចារឹកបណ្ឌិត; ស្វែងយល់អំពីទីកន្លែងដែលថែរក្សា និងលើកតម្កើង ប្រពៃណី ក៏ដូចជាបង្ហាញយ៉ាងរស់រវើកបំផុតនូវគុណតម្លៃលេចធ្លោនៃវប្បធម៌វៀត ណាម; ទស្សនាការសម្ដែងអាយ៉ងទឹកនៅក្បែរអណ្តូង Thien Quang ទស្សនាតន្ត្រីរាជ វាំង Hue នៅទីធ្លាធំនៃ Van Mieu ហើយរីករាយជាមួយការសម្ដែងតន្ត្រី និងចម្រៀង ប្រជាប្រិយដែលពោរពេញទៅដោយអត្តសញ្ញាណវប្បធម៌វៀតណាម។ ប្រធានាធិបតីបារាំង លោក Emmanuel Macron បានអនុវត្តន៍ពិធីទូងស្គរនៅក្នុង Van Mieu – Quoc Tu Giam; ទស្សនាការតាំងពិព័រណ៍រូបថតអំពីព្រឹត្តិការណ៍សំខាន់ៗក្នុងទំនាក់ទំនងរវាង ប្រទេសទាំងពីរ។

នារសៀលថ្ងៃដដែល អគ្គលេខាបក្សកុម្មុយនិស្តវៀតណាមលោក តូ ឡឹម និង ប្រធានាធិបតីបារាំង លោក Emmanuel Macron បានអញ្ជើញដាំដើមឈើមិត្តភាពនៅ ក្នុងតំបន់កេរ្តិ៍ដំណែលលោកប្រធានហូជីមិញ ហើយថែមទាំងទស្សនាតំបន់កេរ្តិ៍ដំណែលលោក ប្រធានហូជីមិញផងដែរ៕