អគ្គលេខាបក្សកុម្មុយនិស្តវៀតណាមលោក តូ ឡឹម អញ្ជើញជួបសវនការជាមួយនាយករដ្ឋមន្ត្រីជប៉ុន

អគ្គលេខាបក្សកុម្មុយនិស្តវៀតណាមលោក តូ ឡឹម ជួបសវនាការជាមួយប្រធានគណបក្សប្រជាធិបតេយ្យសេរី នាយករដ្ឋមន្ត្រីជប៉ុន លោក Ishiba Shigeru។ (រូបថត៖ VOV)

នៅឯជំនួបនេះ លោកអគ្គលេខាបក្ស តូ ឡឹម បានស្នើទិសដៅធំៗចំនួនប្រាំពីរ ដើម្បីពង្រឹងកិច្ចសហប្រតិបត្តិការយុទ្ធសាស្ត្ររវាងវៀតណាម និងជប៉ុននាពេលខាងមុខ រួមទាំងការបន្តបង្កើនការជឿទុកចិត្តផ្នែកនយោបាយ និងពង្រឹងកិច្ចសហប្រតិបត្តិការសន្តិសុខ និងការពារជាតិប្រកបដោយប្រសិទ្ធភាព និងជាក់ស្តែង; ការពង្រឹងកិច្ចសហ ប្រតិបត្តិការសេដ្ឋកិច្ចលើមូលដ្ឋានវិទ្យាសាស្ត្រ បច្ចេកវិទ្យា និងធនធានមនុស្សប្រកប ដោយគុណភាពខ្ពស់; ស្នើឱ្យជប៉ុនចូលរួមយ៉ាងសកម្មក្នុងគម្រោងហេដ្ឋារចនាសម្ព័ន្ធ សំខាន់ៗ តាមរយៈដើមទុនជំនួយអភិវឌ្ឍន៍ផ្លូវការ (ODA) ជំនាន់ថ្មី។ លោកអគ្គលេខា បក្សក៏បានស្នើឲ្យ ភាគីទាំងពីរទាញយកសក្តានុពលថ្មីក្នុងកិច្ចសហប្រតិបត្តិការពលកម្ម ការផ្លាស់ប្តូរបៃតង ការផ្លាស់ប្តូរថាមពល និងកសិកម្មបច្ចេកវិទ្យាខ្ពស់; ធ្វើឲ្យស៊ីជម្រៅ ថែមទៀតនូវកិច្ចសហប្រតិបត្តិការថ្នាក់មូលដ្ឋាន ការផ្លាស់ប្ដូររវាងប្រជាជននិងការផ្លាស់ ប្ដូរវប្បធម៌។

រីឯខ្លួនវិញ លោកនាយករដ្ឋមន្ត្រី Ishiba Shigeru បានអះអាងថា វៀតណាមជា ដៃគូមិនអាចខ្វះបានរបស់ជប៉ុន ដោយសង្កត់ធ្ងន់ថា ជប៉ុននឹងបន្តរួមដំណើរ និងជួយ ឧបត្ថម្ភវៀតណាមក្នុងការកសាងសេដ្ឋកិច្ចឯករាជ្យ ខ្លួនទីពឹងខ្លួន អនុវត្តន៍ឧស្សាហូប នីយកម្ម ទំនើបកម្ម និងអនុវត្តន៍គោលដៅយុទ្ធសាស្ត្រនានា ផែនការអភិវឌ្ឍន៍សេដ្ឋកិច្ច សង្គមក្នុងយុគសម័យអភិវឌ្ឍន៍ថ្មី ព្រមទាំងសម្របសម្រួលយ៉ាងជិតស្និទ្ធ ដើម្បីនាំ ទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយវៀតណាម - ជប៉ុន ចូលទៅក្នុងដំណាក់ កាលថ្មី។ លោកនាយករដ្ឋមន្ត្រី Ishiba បានសន្យាថា ជប៉ុននឹងធ្វើឱ្យស៊ីជម្រៅថែមទៀត នូវកិច្ចសហប្រតិបត្តិការសេដ្ឋកិច្ច ODA ការវិនិយោគ បង្កើនកិច្ចសហប្រតិបត្តិការ សន្តិសុខ-ការពារជាតិ សន្តិសុខតាមអ៊ីនធឺណិត ការរក្សាសន្តិភាព វប្បធម៌ ការផ្លាស់ប្តូរ រវាងប្រជាជននិងប្រជាជន ហើយជំរុញកិច្ចសហប្រតិបត្តិការលើវិស័យថ្មីៗដូចជា ការ ផ្លាស់ប្តូរឌីជីថល នវានុវត្តន៍ និង semiconductors; ឯកភាពគាំទ្រការបណ្តុះបណ្តាល ធនធានមនុស្សប្រកបដោយគុណភាពខ្ពស់នៅប្រទេសជប៉ុន និងនៅសាកលវិទ្យាល័យ វៀតណាម-ជប៉ុន ដែលជានិមិត្តរូបនៃកិច្ចសហប្រតិបត្តិការរវាងប្រទេសទាំងពីរ។ លោកនាយករដ្ឋមន្ត្រីជប៉ុនក៏បានឲ្យដឹងថា នឹងបន្តជួយឧបត្ថម្ភ និងបង្កលក្ខណៈងាយ ស្រួលសម្រាប់សហគមន៍ជនវៀតណាមជាង ៦០ ម៉ឺន នាក់ដែលកំពុងរស់នៅ សិក្សា និងធ្វើការនៅប្រទេសជប៉ុនផងដែរ៕