ទូរទស្សន៍ Channel ១២ របស់អ៊ីស្រាអែលបានរាយការណ៍នៅយប់ថ្ងៃទី ១៣ ខែកក្កដាថា នាយករដ្ឋមន្ត្រីលោក Benjamin Netanyahu នាពេលថ្មីៗនេះបានសន្យាថា អ៊ីស្រាអែលនឹងបើកការប្រយុទ្ធ ប្រឆាំងនឹងចលនាអ៊ីស្លាមហាម៉ាសនៅតំបន់ហ្គាហ្សា បន្ទាប់ពីបទឈប់បាញ់រយៈពេល ៦០ ថ្ងៃដែលស្នើរឡើងដោយសហរដ្ឋអាមេរិកនិងកំពុងត្រូវបានចរចានៅប្រទេសកាតា បានផុតកំណត់។ នាយករដ្ឋមន្ត្រី លោក Benjamin Netanyahu បានបញ្ជាក់ថា បន្ទាប់ពីបទឈប់បាញ់ អ៊ីស្រាអែលនឹងរុញប្រជាជននៅតំបន់ហ្គាហ្សា ទៅភាគខាងត្បូង ដើម្បីឡោមព័ទ្ធ និងធ្វើការប្រយុទ្ធនៅតំបន់ភាគខាងជើង។
 នាយករដ្ឋមន្ត្រីអ៊ីស្រាអែល លោក Benjamin Netanyahu។ រូបថត៖ THX/TTXVN |
ជាមួយគ្នានេះដែរ ក្នុងរយៈពេល ២៤ ម៉ោងកន្លងមក ការវាយប្រហាររបស់អ៊ីស្រាអែលនៅតំបន់ហ្គាហ្សាបានបណ្តាលឲ្យមនុស្សយ៉ាងហោចណាស់ ១៣៩ នាក់បានស្លាប់ រួមទាំងកុមារ និងស្ត្រីរាប់សិបនាក់ផងដែរ៕
