អង់គ្លេសមានផែនការទទួលស្គាល់រដ្ឋប៉ាឡេស្ទីនប្រសិនបើអ៊ីស្រាអែលមិនបញ្ចប់ជម្លោះនៅហ្គាហ្សា

ប្រជាជនប៉ាឡេស្ទីនជម្លៀសចេញ ដើម្បីជៀសវាងជម្លោះនៅតំបន់ហ្គាហ្សា។ រូបថត៖ THX/TTXVN

ប្រសិនបើរឿងនេះកើតឡើង ចក្រភពអង់គ្លេសនឹងក្លាយជាមហាអំណាចលោក ខាងលិចទីពីរនៅក្រុមប្រឹក្សាសន្តិសុខអង្គការសហប្រជាជាតិ ដែលធ្វើដូច្នេះបន្ទាប់ ពីប្រទេសបារាំងកាលពីសប្តាហ៍មុន ក្នុងបរិបទដែលការវាយប្រហារនិងការបិទខ្ទប់ តំបន់ហ្គាហ្សារបស់អ៊ីស្រាអែល បានធ្វើឱ្យតំបន់នេះទទួលរងនូវសោកនាដកម្មមនុស្ស ធម៌ដ៏អាក្រក់បំផុត ហើយចំនួនជនប៉ាឡេស្ទីនដែលបានស្លាប់នៅទីនោះបានកើនឡើងដល់ជាង ៦ ម៉ឺននាក់។

សេចក្តីថ្លែងការណ៍របស់លោក Keir Starmer ត្រូវបានធ្វើឡើងបន្ទាប់ពី កិច្ចប្រជុំគណៈរដ្ឋមន្ត្រីនៅថ្ងៃដដែល ដើម្បីពិភាក្សាអំពីផែនការសន្តិភាពថ្មីមួយដែល កំពុងត្រូវបានបង្កើតឡើងជាមួយមេដឹកនាំអឺរ៉ុបផ្សេងទៀត និងវិធានការបង្កើនជំនួយ មនុស្សធម៌ដល់ប្រជាជននៅហ្គាហ្សា។

ក្រសួងការបរទេសអ៊ីស្រាអែលបានប្រឆាំងជំទាស់នឹងទង្វើនេះដោយចាត់ទុកថា ផែនការរបស់ចក្រភពអង់គ្លេសក្នុងការទទួលស្គាល់រដ្ឋប៉ាឡេស្ទីន គឺជា "រង្វាន់មួយ សម្រាប់ក្រុមហាម៉ាស" ហើយនឹងបង្កឲ្យមានការខូចខាតដល់កិច្ចខិតខំប្រឹងប្រែង ឈានដល់បទឈប់បាញ់នៅហ្គាហ្សា៕