ឆ្លើយសំណួររបស់សារព័ត៌មានអំពីលទ្ធភាពនៃជំនួបរវាងមេដឹកនាំទាំងពីរនៅក្នុងប្រទេសទីបី លោក Ushakov បាននិយាយថា៖ “បច្ចុប្បន្ននេះ គ្មានអ្វីប្រាកដប្រជាទេ។ ភាគីនានាយល់ព្រមបែបណា វានឹងទៅជាបែបនោះ។ ប៉ុន្តែរហូតមកដល់ពេលនេះ គ្មាននរណាម្នាក់បានពិភាក្សាអំពីបញ្ហានេះទេ”។
ចាប់តាំងពីដើមឆ្នាំមក និងបន្ទាប់ពីលោក Donald Trump ឡើងកាន់តំណែងជាប្រធានាធិបតីអាមេរិក មេដឹកនាំនៃប្រទេសទាំងពីរបានជួបសន្ទនាតាមទូរស័ព្ទចំនួន ៥លើក។ នៅក្នុងការសន្ទនាលើកដំបូង ភាគីទាំងពីរបានយល់ព្រមរក្សាទំនាក់ទំនងផ្ទាល់ខ្លួន រួមទាំងការជួបប្រជុំផ្ទាល់មុខគ្នាផងដែរ។ វិមានក្រឹមឡាំងបានពន្យល់ថា កិច្ចប្រជុំកំពូលគឺចាំបាច់ "ដើម្បីបង្រួបបង្រួមនៅកម្រិតខ្ពស់បំផុតនូវលទ្ធផលដែលសម្រេចបានតាមរយៈការខិតខំប្រឹងប្រែងកាលពីមុន" ហើយរហូតដល់ "ការរៀបចំយ៉ាងហ្មត់ចត់" ត្រូវបានបញ្ចប់នោះ វាឆាប់ពេកក្នុងការនិយាយអំពីជំនួបរវាងមេដឹកនាំទាំងពីរ៕
