អញ្ជើញចូលរួមក្នុងពិធីនេះ មានតំណាងអាជ្ញាធរមូលដ្ឋាន ភ្នាក់ងារតំណាងវៀតណាមប្រចាំនៅឡាវ និងប្រជាជនវៀតណាមយ៉ាងច្រើនកុះករ ដែលកំពុងរស់នៅនិងធ្វើការនៅប្រទេសឡាវ។
 អាណិកជនវៀតណាមយ៉ាងច្រើនកុះករ ក្នុងខេត្ត Khammouane និងទូទាំងប្រទេសឡាវ អុជធូបនៅមណ្ឌលអនុស្សាវរីយ៍លោកប្រធានហូជីមិញ ក្នុងឱកាសទិវាកំណើតរបស់លោក។ រូបថត៖ VOV |
ក្នុងបរិយាកាសដ៏ឧឡារិក គណៈប្រតិភូបានចូលដាក់កម្រងផ្កា អុជធូបរំលឹកវិញ្ញាណក្ខន្ធ ថ្លែងអំណរគុណនិងសម្តែងការគោរពយ៉ាងជ្រាលជ្រៅចំពោះលោកប្រធានហូជីមិញ។ ក្នុងពិធីនេះ លោក Somsaath Ounsida អនុប្រធានខេត្ត Khammouane បានថ្លែងអំណរគុណនិងមោទនភាពចំពោះការរួមវិភាគទានដ៏ធំធេងរបស់លោកប្រធានហូជីមិញ ក្នុងការរួមចំណែកពូនជ្រុំទំនាក់ទំនងមិត្តភាព សាមគ្គីភាពពិសេស និងកិច្ចសហប្រតិបត្តិការលើគ្រប់វិស័យរវាងឡាវនិងវៀតណាមនិយាយរួម និងរវាងខេត្ត Khammouane និងវៀតណាមនិយាយដោយឡែក ឲ្យកាន់តែរីកចម្រើនថែមទៀត។
នាថ្ងៃដដែលនោះ គណៈប្រតិភូបានទៅអុជធូបនៅវិមានសម្ព័ន្ធមិត្តប្រយុទ្ធឡាវ-វៀតណាម និងបានទៅទស្សនាមណ្ឌលអនុស្សាវរីយ៍លោកប្រធានហូជីមិញ ផងដែរ៕
