 អ្នកស្រុក និងក្រុមសង្គ្រោះស្វែងរកសាកសព អ្នកថតរូបជនជាតិប៉ាឡេស្ទីនម្នាក់ ដែលបានស្លាប់ក្នុងការវាយប្រហារតាមអាកាសរបស់អ៊ីស្រាអែលលើមន្ទីរពេទ្យ Nasser ក្នុង Khan Younis នៅភាគខាងត្បូងតំបន់ហ្គាហ្សា ថ្ងៃទី ២៥ ខែសីហា ឆ្នាំ ២០២៥។ រូបថត៖ REUTERS/Hatem Khaled |
ការិយាល័យនាយករដ្ឋមន្ត្រី Netanyahu បាននិយាយថា ភ្នាក់ងារយោធាកំពុងធ្វើការស៊ើបអង្កេតយ៉ាងម៉ត់ចត់លើឧប្បត្តិហេតុសោកនាដកម្មនេះ។
អគ្គលេខាធិការអង្គការសហប្រជាជាតិ (UN) លោក Antonio Guterres បានថ្កោលទោសយ៉ាងខ្លាំងចំពោះការវាយប្រហារតាមអាកាស និងបានអំពាវនាវឱ្យមានការស៊ើបអង្កេតប្រកបដោយបរានុម័ត និងទាន់ពេលវេលាចំពោះឧប្បត្តិហេតុនេះ។ នៅពេលសួរអំពីការវាយប្រហារ ប្រធានាធិបតីអាមេរិក លោក ដូណាល់ ត្រាំ បាននិយាយថា លោក "មិនសប្បាយចិត្ត" និង "មិនចង់ឃើញរឿងនោះកើតឡើងទេ" ហើយបានសង្កត់ធ្ងន់ថា "យើងត្រូវបញ្ចប់សុបិន្តដ៏អាក្រក់នេះ"។ ប្រធានាធិបតីបារាំងលោក Emmanuel Macron បានហៅការវាយប្រហារតាមអាកាសរបស់អ៊ីស្រាអែល ដែលបានសម្លាប់មនុស្សយ៉ាងហោចណាស់ ២០ នាក់ថា "មិនអាចទទួលយកបានទេ"។ ទន្ទឹមនឹងនេះ រដ្ឋមន្ត្រីការបរទេសអង់គ្លេស លោក David Lammy បានអំពាវនាវឱ្យមានបទឈប់បាញ់ជាបន្ទាន់។
ទាក់ទិននឹងស្ថានការណ៍នៅមជ្ឈិមបូព៌ា ក្នុងសេចក្តីប្រកាសមួយទៅកាន់ប្រភពព័ត៌មាន ខាងលិចមួយចំនួនបន្ទាប់ពីការពិភាក្សាជាមួយប្រធានាធិបតីបណ្តោះអាសន្នស៊ីរី Ahmed Sharaa នៅរដ្ឋធានី Damascus ប្រទេសស៊ីរីកាលពីរសៀលម្សិលមិញ បេសកជនពិសេសរបស់សហរដ្ឋអាមេរិកទទួលបន្ទុកស៊ីរី លោក Thomas Barrack បាននិយាយថា ការចរចារវាងអ៊ីស្រាអែល និងស៊ីរីលើកិច្ចព្រមព្រៀងសន្តិសុខនៅតែត្រូវបានធ្វើឡើងយ៉ាងយកចិត្តទុកដាក់ និងដោយស្មោះត្រង់។ ទោះជាយ៉ាងណាក៏ដោយ ប្រទេសទាំងពីរមិនអាចឈានដល់កិច្ចព្រមព្រៀងក្នុងពេលឆាប់ៗនេះ ហើយចុះហត្ថលេខាលើកិច្ចព្រមព្រៀងនេះនៅចុងខែកញ្ញាឆ្នាំនេះ ដូចពាក្យចចាមអារ៉ាមមួយចំនួន៕
