សហរដ្ឋអាមេរិកនិងចិនដាក់ចេញគោលដៅពន្យាពេលការផ្អាកដាក់ពន្ធគ្នាទៅវិញទៅមក

នាវាដឹកទំនិញចិន ចូលចតនៅកំពង់ផែ Long Beach នៅ Los Angeles សហរដ្ឋអាមេរិក។ (រូបថត៖ THX/TTXVN)

ជុំចរចាសេដ្ឋកិច្ចនិងពាណិជ្ជកម្មថ្មីបំផុតរវាងអាមេរិក និងចិន ដឹកនាំដោយឧប នាយករដ្ឋមន្ត្រីចិន លោក He Lifeng និងរដ្ឋមន្ត្រីក្រសួងរតនាគារអាមេរិក លោក Scott Bessent។ ទោះបីជាភាគីទាំងពីរ មិនបានបញ្ចេញព័ត៌មានលម្អិតណាមួយពីជុំចរចា រយៈពេលពីរថ្ងៃនេះទេ ប៉ុន្តែភាគីអាមេរិកបានបញ្ជាក់ថា ជុំចរចារនេះជាមួយចិន “មានលក្ខណៈស្ថាបនា” យ៉ាងខ្លាំង។

យោងតាមកិច្ចព្រមព្រៀងដែលសម្រេចបាននៅទីក្រុងហ្សឺណែវ (ស្វីស) កាលពី ខែឧសភាកន្លងទៅ សហរដ្ឋអាមេរិក និងចិន ដែលជាមហាអំណាចសេដ្ឋកិច្ចធំជាងគេ បំផុតទាំងពីរលើពិភពលោក បានព្រមព្រៀងគ្នាផ្អាកការដាក់ពន្ធ ៣០% របស់អាមេរិក លើទំនិញចិន ខណៈដែលចិនផ្អាកការដាក់ពន្ធសងសឹក ១០% លើទំនិញអាមេរិកក្នុង រយៈពេល ៩០ ថ្ងៃ។ កិច្ចព្រមព្រៀងនេះគ្រោងនឹងបញ្ចប់នៅថ្ងៃទី ១២ ខែសីហា ប៉ុន្តែ មានសញ្ញាជាច្រើនបង្ហាញថា ភាគីទាំងពីរកំពុងមានបំណងចង់ពន្យាពេលកិច្ចព្រម ព្រៀងនេះសម្រាប់រយៈពេល ៩០ ថ្ងៃទៀត៕