សម្របខ្លួនប្រកបដោយភាពបត់បែន និងមានប្រសិទ្ធភាពចំពោះស្ថានភាពជាក់ស្តែង ដើម្បីសម្រេចបានកំណើន ៨,៣-៨,៥%

នាយករដ្ឋមន្ត្រី លោក ហ្វាម មិញ ជិញ អញ្ជើញដឹកនាំកិច្ចប្រជុំគណៈកម្មាធិការអចិន្ត្រៃយ៍រដ្ឋាភិបាលស្តីពីស្ថានភាពសេដ្ឋកិច្ចសង្គម (រូបថត៖ VGP/Nhat Bac)

លោកនាយករដ្ឋមន្ត្រីក៏បានសង្កត់ធ្ងន់លើភារកិច្ច និងដំណោះស្រាយសំខាន់ៗ របកគំហើញក្នុងវិស័យផ្សេងៗ ដើម្បីបន្តជំរុញកំណើនប្រពៃណីនិងជំរុញកម្លាំងចលករសម្រាប់កំណើនថ្មី។  ទន្ទឹមនឹងនោះ ដំណើរការដោយរលូនអាជ្ញាធរមូលដ្ឋានពីរកម្រិត កាត់បន្ថយបែបបទរដ្ឋបាល លើកកម្ពស់វិមជ្ឈការ និងវិសហមជ្ឈការ ដើរទន្ទឹមនឹងការបែងចែកធនធាន ពង្រឹងអធិការកិច្ច និងការត្រួតពិនិត្យ។ រួមជាមួយគ្នានោះ រៀបចំឱ្យបានល្អនូវសកម្មភាពអបអរសាទរខួបលើកទី៨០ នៃបដិវត្តន៍ខែសីហា និងទិវាបុណ្យជាតិ ថ្ងៃទី២ ខែកញ្ញា; រៀបចំសម្រាប់ឆ្នាំសិក្សាថ្មី; អភិវឌ្ឍ ន៍និងអនុវត្តន៍គម្រោងដើម្បីការពារ និងទប់ទល់នឹងការរអិលបាក់ដី គ្រោះរាំងស្ងួត និងទឹកជំនន់នៅតំបន់ព្រៃភ្នំភាគខាងជើង និងដីសណ្ដទន្លេ Cuu Long...។

ទិដ្ឋភាពនៃកិច្ចប្រជុំ (រូបថត៖ VGP/Nhat Bac)

ក្នុងកិច្ចប្រជុំនេះផងដែរ របាយការណ៍បានបង្ហាញថា ស្ថានភាពសេដ្ឋកិច្ចសង្គមបានបន្តរក្សានិន្នាការវិជ្ជមាន ដោយបង្កើតមូលដ្ឋានដើម្បីខិតខំសម្រេចបាននូវគោលដៅកំណើនប្រចាំឆ្នាំពី ៨,៣-៨,៥%។ សេដ្ឋកិច្ចបន្ត កើនឡើង ម៉ាក្រូសេដ្ឋកិច្ចមានស្ថិរភាពជាមូលដ្ឋាន អតិផរណាស្ថិតក្រោមការគ្រប់គ្រង សមតុល្យសំខាន់ៗត្រូវបានធានា  សូចនាករសំខាន់ៗជាច្រើនមានភាពល្អប្រសើរជាងខែមុន បើប្រៀបធៀបជាមួយរយៈពេលដូចគ្នាកាលពីឆ្នាំមុន។ គួរកត់សម្គាល់ថា ការបញ្ជាទិញថ្មីបានកើនឡើងម្តងទៀត សន្ទស្សន៍អ្នក រគ្រប់គ្រងកាទិញ (PMI) នៅក្នុងខែកក្កដាបានឈានដល់ ៥២,៤ ពិន្ទុដែលជាខែដំបូងលើសពី ៥០ ពិន្ទុ ចាប់តាំងពីដើមត្រីមាសទីពីរមក៕