 នៅក្នុងសន្និសីទសារព័ត៌មានមួយនៅវិមាន Elysee ក្នុងទីក្រុងប៉ារីសកាលពីថ្ងៃទី ១៣ ខែមិថុនា ឆ្នាំ ២០២៥ ប្រធានាធិបតីបារាំងលោក Emmanuel Macron បានប្រកាសថាលោកនឹងពន្យារពេលសន្និសីទអង្គការសហប្រជាជាតិស្តីពីរដ្ឋប៉ាឡេស្ទីន (រូបថត៖ Michel Euler/Pool via REUTERS) |
ប្រទេសបារាំងនិងអារ៉ាប៊ីសាអូឌីត គ្រោងនឹងធ្វើជាសហប្រធានសន្និសីទដែលរៀបចំដោយមហាសន្និបាតអង្គការសហប្រជាជាតិនៅទីក្រុងញូវយ៉ក សហរដ្ឋអាមេរិក ចាប់ពីថ្ងៃទី ១៧ដល់ថ្ងៃទី ២០ ខែមិថុនា។ យ៉ាងណាក៏ដោយ ប្រធានាធិបតីបារាំងលោក Emmanuel Macron នៅថ្ងៃទី ១៣ មិថុនាបានឲ្យដឹងថា សន្និសីទនេះត្រូវបានពន្យារពេលដោយសារហេតុផល ដឹកជញ្ជូននិងសន្តិសុខ ហើយដោយសារតែតំណាងប៉ាឡេស្ទីនមួយចំនួនមិនអាចចូលរួមក្នុងព្រឹត្តិការណ៍នេះ។ ប្រធានាធិបតីបារាំងបានសង្កត់ធ្ងន់ថា ព្រឹត្តិការណ៍នេះនឹងត្រូវបានប្រារព្ធឡើងឱ្យបានឆាប់តាមដែលអាចធ្វើទៅបាន ហើយ ថា លោកកំពុងពិភាក្សាអំពីបញ្ហានេះជាមួយរាជទាយាទអារ៉ាប៊ីសា អូឌីត Mohammed bin Salman។
រហូតមកដល់ពេលនេះ មានប្រទេសជិត ១៥០ ក្នុងចំណោមប្រទេសសមាជិកអង្គការសហប្រជាជាតិចំនួន ១៩៣ បានទទួលស្គាល់រដ្ឋប៉ាឡេស្ទីន។ ប៉ាឡេស្ទីនចាត់ទុករដ្ឋរបស់ខ្លួនរួមបញ្ចូលតំបន់ Gaza Strip និង West Bank ដោយមានក្រុងហ្សេរុយសាឡឹមខាងកើតជារដ្ឋធានី៕
