ដំណើរទស្សនកិច្ចផ្លូវរដ្ឋរបស់ប្រធានាធិបតីប្រេស៊ីលនៅវៀតណាមបើកចេញដំណាក់កាលអភិវឌ្ឍន៍ទ្វេភាគីយ៉ាងខ្លាំងក្លា

ឯកអគ្គរដ្ឋទូតវៀតណាមប្រចាំនៅប្រេស៊ីល Bui Van Nghi ក្នុងបទសម្ភាសន៍ជាមួយទីភ្នាក់ងារសារព័ត៌មានវៀតណាម  (រូបថត៖ ស្ថានទូតវៀតណាមប្រចាំប្រទេសប្រេស៊ីល)

ប្រការនេះត្រូវបាន ឯកអគ្គរដ្ឋទូតវៀតណាមប្រចាំនៅប្រេស៊ីល លោក Bui Van Nghi ក្នុងបទសម្ភាសន៍ជាមួយអ្នកយកព័ត៌មាន VOV ក្នុងអំឡុងដំណើរទស្សនកិច្ចនៅវៀតណាមរបស់ប្រធានាធិបតីប្រេស៊ីលលោក Luiz Inácio Lula da Silva តបតាមការអញ្ជើញរបស់ប្រធានរដ្ឋវៀតណាម លោក លឿង គឿង (ថ្ងៃទី ២៧ ដល់ថ្ងៃទី ២៩ ខែមីនា)។ លោកឯកអគ្គរដ្ឋទូត Bui Van Nghi បានឲ្យដឹងថា ដំណើរទស្សនកិច្ចរបស់ប្រធានានាធិបតី Lula da Silva នឹងជំរុញកិច្ចសហប្រតិបត្តិការជាក់ស្តែងលើគ្រប់វិស័យដូចជា៖ នយោបាយ - សន្តិសុខ សេដ្ឋកិច្ច - ពាណិជ្ជកម្ម - វិនិយោគ វិទ្យាសាស្ត្រ - បច្ចេកវិទ្យា - នវានុវត្តន៍ វប្បធម៌ - សង្គម និងការប្រែប្រួលអាកាសធាតុ។ នេះក៏ជាឱកាសសម្រាប់ថ្នាក់ដឹកនាំនៃភាគីទាំងពីរពិភាក្សា និងឈានដល់ការឯកភាពគ្នាលើខ្លឹមសារ នៃភាពជាដៃគូយុទ្ធសាស្ត្រ សម្រេចបាននូវការប្តេជ្ញាចិត្តនយោបាយ តាមរយៈកម្មវិធីសហប្រតិបត្តិការជាក់ស្តែង និងប្រកបដោយប្រសិទ្ធភាព ដែលនាំមកនូវផលប្រយោជន៍សម្រាប់ភាគីទាំងពីរ។

ដោយមានទំនុកចិត្តខ្ពស់ខាងនយោបាយ កិច្ចសហប្រតិបត្តិការជិតស្និទ្ធ និងចក្ខុវិស័យរយៈពេលវែង ដំណើរទស្សនកិច្ចរបស់លោកប្រធានាធិបតី Lula da Silva មកកាន់វៀតណាមលើកនេះ បើកចេញដំណាក់កាលនៃកិច្ចសហប្រតិបត្តិការ និងការអភិវឌ្ឍដ៏រឹងមាំ និរន្តរភាព និងមានប្រសិទ្ធភាពលើវិស័យជាច្រើន បំពេញសេចក្តីប្រាថ្នារបស់ប្រជាជននៃប្រទេសទាំងពីរ ក៏ដូចជាពង្រឹងនិងពង្រីកឋានៈ និងកិត្យានុភាពរបស់ប្រទេសនីមួយៗក្នុងតំបន់ និងលើឆាកអន្តរជាតិ៕