នាព្រឹកថ្ងៃទី ១១ មិថុនា នៅទីក្រុងប៉ារីស ប្រទេសបារាំង នាយករដ្ឋមន្ត្រី វៀតណាមលោក ហ្វាម មិញជីញ បានដាក់កម្រងផ្កានៅមណ្ឌលរំលឹកខួបអនុ ស្សាវរីយ៍លោកប្រធានហូជីមិញនៅទីក្រុង Montreuil; ចូលរួមវេទិកាធុរកិច្ចវៀតណាម - បារាំង និងទទួលជួបសហគ្រាសបារាំងមួយចំនួន។ នេះជាសកម្មភាពចុងក្រោយរបស់ គណៈប្រតិភូជាន់ខ្ពស់វៀតណាមនៅប្រទេសបារាំង។
នៅរសៀលថ្ងៃដដែល (ម៉ោងក្នុងតំបន់) លោកនាយករដ្ឋមន្ត្រី និងលោកជំទាវ រួមជាមួយគណៈប្រតិភូជាន់ខ្ពស់វៀតណាម បានចាកចេញពីសាធារណរដ្ឋបារាំង បញ្ចប់ដំណើរទស្សនកិច្ច តបតាមការអញ្ជើញរបស់ប្រធានាធិបតីបារាំង លោក Emmanuel Macron។
ទីបង្អង់ដំណើរបន្ទាប់របស់គណៈប្រតិភូជាន់ខ្ពស់វៀតណាមគឺព្រះរាជាណាចក្រស៊ុយអែត។ នេះជាដំណើរទស្សនកិច្ចលើកដំបូងរបស់នាយករដ្ឋមន្ត្រីវៀតណាមទៅ កាន់ស៊ុយអែតក្នុងរយៈពេល៧ឆ្នាំកន្លងមក។ ចាប់ពីថ្ងៃទី ១១ ដល់ថ្ងៃទី ១៣ មិថុនា នៅប្រទេសស៊ុយអែត នាយករដ្ឋមន្ត្រីវៀតណាមលោក ហ្វាម មិញជីញ នឹងចូលរួម សកម្មភាពទ្វេភាគីមួយចំនួន តាមនោះបង្កើតកម្លាំងចលករដល់កិច្ចសហប្រតិបត្តិការ អភិវឌ្ឍន៍រវាងប្រទេសទាំងពីរលើវិស័យជាច្រើន៕
