វេទិការវៀតណាម-អូស្ត្រាលីឆ្នាំ២០២៥៖ “កសាងប្រព័ន្ធការងាររដ្ឋការឆ្នើមក្នុងយុគ សម័យអភិវឌ្ឍន៍ថ្មី”

ប្រតិភូចូលរួមវេទិកាវៀតណាម-អូស្ត្រាលីជាប្រចាំលើកទី៣។ (រូបថត៖ VOV)

ព្រឹត្តិការណ៍នេះមានការចូលរួមពីគណៈប្រតិភូជាង ៥០០ នាក់ ដែលជាថ្នាក់ដឹកនាំក្រសួង ស្ថាប័ន មូលដ្ឋាន ឯកអគ្គរដ្ឋទូត តំណាងស្ថានទូត និងអង្គការអន្តរជាតិ អ្នកតាក់តែងគោលនយោបាយ អ្នកប្រាជ្ញ និងអ្នកជំនាញការជាន់ខ្ពស់នៃប្រទេសទាំងពីរ។ អញ្ជើញថ្លែងសុន្ទរកថាបើកវេទិកា លោក Nguyen Xuan Thang នាយកបណ្ឌិត សភានយោបាយជាតិហូជីមិញ បានសង្កត់ធ្ងន់ថា វេទិការវៀតណាម-អូស្ត្រាលីបាន បង្ហាញនូវចក្ខុវិស័យរួម និងការប្តេជ្ញាចិត្តរបស់ប្រទេសទាំងពីរ និងរដ្ឋាភិបាលទាំងពីរ ក្នុងការកសាងប្រព័ន្ធការងាររដ្ឋការឆ្នើម ស្អាតស្អំ ទំនើប ច្នៃប្រឌិត និងសមាហរណ កម្មអន្តរជាតិ បម្រើឲ្យកាន់តែល្អចំពោះបុព្វហេតុអភិវឌ្ឍន៍ប្រទេសជាតិ និងសុភមង្គល របស់ប្រជាជន។

ដោយយល់ស្របនឹងមតិយោបល់ទាំងនេះ អគ្គទេសាភិបាលអូស្ត្រាលី លោកស្រី Sam Mostyn បានបញ្ជាក់ថា វៀតណាមកំពុងឈានចូលយុគសម័យថ្មី ជាមួយនឹងការប្តេជ្ញាចិត្តក្លាយជាប្រទេសដែលមានប្រាក់ចំណូលខ្ពស់នៅឆ្នាំ ២០៤៥។ ដើម្បីសម្រេចបាននូវចក្ខុវិស័យនេះ សេដ្ឋកិច្ចត្រូវតែមានភាពស្វាហាប់ ហើយវិស័យ ឯកជនត្រូវតែរីកចម្រើន ទន្ទឹមនឹងនោះ ទាមទារឱ្យមានស្ថាប័នការងាររដ្ឋការទំនើប រឹងមាំ និងមានលទ្ធភាពឆ្លើយតប។ យោងតាមអគ្គទេសាភិបាលអូស្ត្រាលី លោកស្រី Sam Mostyn នេះពិតជា គោលដៅនៃកម្មវិធីកំណែទម្រង់វិស័យសាធារណៈថ្មី របស់វៀតណាម ដែលជាកម្មវិធី ប្រកបដោយមហិច្ឆតាបំផុតចាប់តាំងពី បុព្វហេតុផ្លាស់ប្ដូរថ្មី ក្នុងឆ្នាំ ១៩៨៦ ហើយក៏ជា ប្រធានបទសំខាន់នៃវេទិកាឆ្នាំនេះផងដែរ៕