 គណៈប្រតិភូវៀតណាមចូលរួមកិច្ចប្រជុំ CCPCJ34 នៅទីក្រុងវីយែន ប្រទេសអូទ្រីស ថ្ងៃទី ១៩ ឧសភា (រូបថត៖ ក្រសួងការបរទេស) |
អញ្ជើញថ្លែងមតិក្នុងសម័យបើក អនុរដ្ឋមន្ត្រី លោកស្រី Le Thi Thu Hang បានជម្រាបជូនអង្គសន្និសីទ អំពីកិច្ចខិតខំប្រឹងប្រែងរបស់រដ្ឋាភិបាល វៀតណាមក្នុងការសុក្រិតក្របខ័ណ្ឌច្បាប់ស្តីពីយុត្តិធម៌ព្រហ្មទណ្ឌ និងបង្កើនកិច្ចសហប្រតិបត្តិការអន្តរជាតិក្នុងការទប់ស្កាត់ឧក្រិដ្ឋកម្ម រួមទាំងគំនិតផ្តួចផ្តើមរបស់វៀតណាមធ្វើជាម្ចាស់ផ្ទះនៃពិធីចុះហត្ថលេខា លើអនុសញ្ញាទីក្រុងហាណូយ ដែលជាសក្ខីភាពបញ្ជាក់ពីការប្តេជ្ញាចិត្តរបស់វៀត ណាមក្នុងការក្លាយជាសមាជិកសកម្មរបស់សហគមន៍អន្តរជាតិ។
 អនុរដ្ឋមន្ត្រី លោកស្រី Le Thi Thu Hang អញ្ជើញជួបជាមួយអគ្គនាយក IAEA នាថ្ងៃទី ១៩ ឧសភា (រូបថត៖ ក្រសួងការបរទេស) |
នៅក្នុងសន្និសីទនេះ លោកស្រីអនុរដ្ឋមន្ត្រីក៏បានប្រកាសជាផ្លូវការអំពីកាលបរិច្ឆេទ នៃពិធីចុះហត្ថលេខាលើអនុសញ្ញានៅទីក្រុងហាណូយពីថ្ងៃទី ២៥-២៦ ខែតុលា ឆ្នាំ ២០២៥5។ លោកប្រធានរដ្ឋវៀតណាម លឿង គឿង និងអគ្គលេខាធិការអង្គការសហប្រជាជាតិលោក Antonio Guterres ត្រូវបានរំពឹងថា នឹងធ្វើជាសហប្រធាននៃព្រឹត្តិការណ៍នេះ។
ក្នុងក្របខ័ណ្ឌនៃសន្និសីទ គណៈប្រតិភូបានជួបប្រជុំឯកជនជាមួយអគ្គនាយក UNODC ដើម្បីពិភាក្សាអំពីការរៀបចំសម្រាប់ពិធីចុះហត្ថលេខា ក៏ដូចជាគំនិតផ្តួចផ្តើមដើម្បីជំរុញកិច្ចសហប្រតិបត្តិការវៀតណាម - UNODC ក្នុងការទប់ស្កាត់ឧក្រិដ្ឋកម្ម៕
