វៀតណាមនិងស្រីលង្កា ស្វែងរកដំណោះស្រាយសម្រាប់បង្កើនកិច្ចសហប្រតិបត្តិការទ្វេភាគី

នាថ្ងៃទី ២០ មីនា នៅរដ្ឋធានី Colombo អនុប្រធានរដ្ឋសភាលោក Nguyen Duc Hai បានអញ្ជើញជួបសន្ទនាជាមួយនាយករដ្ឋមន្ត្រីស្រីលង្កាលោកស្រី Harini Amarasuriya; ជួបជាមួយប្រធានសភាស្រីលង្កា Jagath Wickramaratne; ជួបពិភាក្សាជាមួយអនុប្រធានសភាស្រីលង្កា Rizvie Salih។

អនុប្រធានរដ្ឋសភា Nguyen Duc Hai អញ្ជើញជួបសន្ទនាជាមួយនាយករដ្ឋមន្ត្រីស្រីលង្កា Harini Amarasuriya

ជួបជាមួយនាយករដ្ឋមន្ត្រីស្រីលង្កា Harini Amarasuriya ភាគីទាំងពីរបានឯកភាពពង្រឹងកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគ ហើយខិតខំនាំយកទំហំពាណិជ្ជកម្មទ្វេភាគីឲ្យបានឆាប់ដល់គោលដៅ ១ ពាន់លានដុល្លារអាមេរិក។

អនុប្រធានរដ្ឋសភា Nguyen Duc Hai ជួបសន្ទនាជាមួយប្រធានសភាស្រីលង្កា Jagath Wickramaratne

នៅក្នុងជំនួបជាមួយប្រធានសភាស្រីលង្កា លោក Jagath Wickramaratne ភាគីទាំងពីរបានឯកភាពថា សភានៃប្រទេសទាំងពីរចាំបាច់ត្រូវពង្រឹងកិច្ចសហប្រតិបត្តិការ និងចែករំលែកបទពិសោធន៍ ជាពិសេសក្នុងការកសាងស្ថាប័ននិងសុក្រិតប្រព័ន្ធច្បាប់សម្រាប់ការអភិវឌ្ឍសេដ្ឋកិច្ចឌីជីថលនិងសង្គមឌីជីថល។

អនុប្រធានរដ្ឋសភាលោក Nguyen Duc Hai ជួបសន្ទនាជាមួយអនុប្រធានសភាស្រីលង្កា Rizvie Salih

ក្នុងជំនួបរវាងអនុប្រធានរដ្ឋសភា Nguyen Duc Hai និងសមភាគី SriLanka Rizvie Salih ភាគីទាំងពីរបានសង្កត់ធ្ងន់ថា នេះគឺជាពេលវេលាអំណោយផលក្នុងការបន្ថែមសន្ទុះថ្មី ដើម្បីនាំទំនាក់ទំនងទ្វេភាគីឡើងកំពស់ថ្មី៕