សម្រស់នៃរបរតម្បាញសិប្បកម្មប្រពៃណីរបស់ជនជាតិ Lu

(VOVWORLD) - នៅពេលទំនេរពីការងារស្រែចំការ ស្ត្រីជនជាតិ Lu នៅឃុំ Ban Hon ស្រុក Tam Duong (ខេត្ត Lai Chau) តែងតែប្រមូលផ្តុំគ្នានៅជុំវិញចង្ក្រានដុតអុស ដើម្បីប៉ាក់ និងត្បាញក្រណាត់។ សកម្មភាពនេះមិនត្រឹមតែជួយបងប្អូនរក្សាបាននូវរបរសិប្បកម្មប្រពៃណីប៉ុណ្ណោះទេ ថែមទាំងអាចរកប្រាក់ចំណូលបានបន្ថែមដើម្បីរក្សាលំនឹងជីវភាពប្រចាំថ្ងៃទៀតផង។

ជនជាតិ Lu នៅ Lai Chau មានចំនួនប្រជាជនជិត ៦.៨០០ នាក់ ភាគច្រើនរស់នៅភូមិចំនួន ៤ ក្នុងឃុំ Ban Hon ស្រុក Tam Duong។ នេះគឺជាជនជាតិមួយក្នុងចំណោមជនជាតិដែលមានប្រជាជនតិចជាង ១០ ពាន់នាក់នៅក្នុងប្រទេស។

ថ្វីត្បិតតែជីវភាពនៅមានការលំបាកជាច្រើនក៏ដោយ ប៉ុន្តែបងប្អូនជនរួមជាតិ Lu រស់នៅប្រកបដោយសុទិដ្ឋិនិយម ហើយយកចិត្តទុកដាក់ជានិច្ចដល់ការរក្សាលក្ខណៈវប្បធម៌ប្រពៃណីរបស់ជនជាតិខ្លួន។

ស្ត្រីវ័យកណ្តាលជនជាតិ Lu ភាគច្រើនលាបធ្មេញពណ៌ខ្មៅ។

គ្រួសារជនជាតិ Lu ភាគច្រើននៅ Ban Hon មានកីតម្បាញ និងឧបករណ៍រវៃសសៃអំបោះដើម្បីធ្វើសំលៀកបំពាក់ប្រពៃណីផ្ទាល់ខ្លួន។

វត្ថុធាតុស្នូលសម្រាប់ធ្វើសំលៀកបំពាក់ប្រពៃណីគឺកប្បាសដែលគេដាំដោយខ្លួនឯង ឬយកចេញពីព្រៃឈើ។

មុននឹងរៀបការ ក្រមុំជនជាតិ Lu ត្រូវចេះប៉ាក់ និងតម្បាញយ៉ាងស្ទាត់ជំនាញដើម្បីធ្វើសម្លៀកបំពាក់សម្រាប់សមាជិកគ្រប់គ្នាក្នុងក្រុមគ្រួសារ។

ការជ្រលក់ពណ៌អំបោះ ដើម្បីត្បាញក្រណាត់

ផលិតផលតម្បាញរបស់ស្ត្រីជនជាតិ Lu មានច្រើនប្រភេទដូចជា សំពត់ អាវ កន្សែង កាបូប...

សំលៀកបំពាក់របស់ជនជាតិ Lu មានលក្ខណៈប្លែកពីគេ ដោយមានក្បូរក្បាច់ដ៏ខុសប្លែក។

ក្នុងឱកាសពិធីបុណ្យទាននានា ឬពេលក្រុមគ្រួសារទទួលភ្ញៀវ ស្ត្រីជនជាតិ Lu នឹងស្លៀកសំពត់ ២ ស្រទាប់ ជាមួយការក្បូរក្បាច់រចនាយ៉ាងស្រស់ស្អាត រំលេចដោយធ្មេញខ្មៅប្រពៃណី។

រួមជាមួយនឹងសំលៀកបំពាក់ប្រពៃណី សំលៀកបំពាក់សម្តែងរបស់ជនជាតិ Lu ត្រូវបានវាយតម្លៃថា ជាសំលៀកបំពាក់ពិសេសបំផុតក្នុងចំណោមជនជាតិភាគតិចនៅខេត្ត Lai Chau ។

ទេសភាពរហោស្ថាន និងស្ងប់ស្ងាត់នៃ Ban Hon ក៏ជាចំណុចលេចធ្លោមួយដែលបានទាក់ទាញភ្ញៀវទេសចរកាន់តែច្រើនឡើងៗក្នុងប៉ុន្មានឆ្នាំថ្មីៗនេះ។

អាស្រ័យដោយការគោរពវប្បធម៌ប្រពៃណី និងការអភិរក្សទេសភាព ភូមិជនជាតិ Lu នៅ Ban Hon បានក្លាយជាគោលដៅសម្រាប់ភ្ញៀវទេសចរជាតិ និងអន្តរជាតិជាច្រើន។

របរតម្បាញសិប្បកម្មប្រពៃណី និងវប្បធម៌អរូបីដ៏សម្បូរបែបកំពុងទាក់ទាញភ្ញៀវទេសចរកាន់តែច្រើនឡើងមកទស្សនា Ban Hon និយាយដោយឡែក និងខេត្ត Lai Chau និយាយរួម៕