ពានរង្វាន់ ABU គឺជាពានរង្វាន់ជំនាញវិទ្យុ-ទូរទស្សន៍អន្តរជាតិដ៏មានកិត្យានុភាពដែលបានរៀបចំជារៀងរាល់ឆ្នាំដោយសមាគមវិទ្យុ-ទូរទស្សន៍អាស៊ីប៉ាស៊ីហ្វិក (ABU)។ ពានរង្វាន់ ABU លើកតម្កើងស្នាដៃវិទ្យុ និងទូរទស្សន៍ឆ្នើមរបស់ស្ថានីយ៍សមាជិក ABU ដែលចូលរួមការប្រកួតផ្នែកវិទ្យុចំនួន ៧ ប្រភេទ ផ្នែកទូរទស្សន៍ចំនួន ៧ ប្រភេទ និងផ្នែកសារព័ត៌មានឌីជីថល។
 |
អ្នកនិពន្ធ Thi Uyen បង្ហាញពីអារម្មណ៍របស់ខ្លួនបន្ទាប់ពីទទួលបានពានរង្វាន់ Winner សម្រាប់ស្នាដៃ "ផ្លូវតូច"
ពានរង្វាន់ ABU មានអត្ថន័យជាច្រើនខាងជំនាញសារព័ត៌មាន ដោយសារតែលក្ខណៈវិនិច្ឆ័យក្នុងការផ្តល់រង្វាន់ មានភាពតឹងរ៉ឹងខ្លាំង។ ស្នាដៃដែលឈ្នះរង្វាន់ត្រូវតែមានវិធីអភិក្រម រចនាសម្ព័ន្ធ និងរចនាបថសរសេរដ៏ពិសេសដោយឡែក ដែលបង្កប់នូវតម្លៃមនុស្សសាស្ត្រ និងទស្សន៍ទាយយ៉ាងជ្រាលជ្រៅ។ ការទទួលបានពានរង្វាន់នេះមិនត្រឹមតែជាកិត្តិយសរបស់អ្នកនិពន្ធប៉ុណ្ណោះទេ ថែមទាំងក៏ជាកិត្យានុភាពរបស់ទីភ្នាក់ងារសារព័ត៌មានផងដែរ។
 |
 |
ស្នាដៃ៖ “Bon” Phuc (លោកប៉ា Phuc) របស់អ្នកនិពន្ធ Hoang Van An និង Tran Huu Hung - ប៉ូស្តិ៍ VOV១ បានឈ្នះរង្វាន់ Winner ផ្នែកវិទ្យុ ក្នុងប្រភេទបទយកការណ៍។
ស្នាដៃ “ផ្លូវតូច” របស់អ្នកនិពន្ធ Nguyen Thi Uyen កាសែត VOV អនឡាញបានឈ្នះពានរង្វាន់ Winner ផ្នែកសារព័ត៌មានឌីជីថល។
 |
រូបថត៖ ទិដ្ឋភាពពិតនៃស្នាដៃ "ផ្លូវតូច" នៅទីក្រុងហូជីមិញ
“កុំដួល” - ស្នាដៃរបស់អ្នកនិពន្ធ Nguyen Sy Hao និងក្រុមអ្នកយកព័ត៌មាន នៃកាណាល់ផ្សាយជាភាសាជនជាតិភាគតិច (VOV៤) បានឈ្នះរង្វាន់លើកទឹកចិត្ត ផ្នែកវិទ្យុ ក្នុងប្រភេទ ទស្សនៈស្ដីពីប្រធានបទឆ្នាំ ២០២២ “ភាពធន់”។
 |
រូបថត៖ ក្រុមអ្នកនិពន្ធនិងតួអង្គក្នុងស្នាដៃ "កុំដួល"
វាយតម្លៃពីស្នាដៃដែលបានឈ្នះពានរង្វាន់ របស់វិទ្យុសម្លេងវៀតណាម លោកស្រី Olya Booyar ប្រធានផ្នែកវិទ្យុ គណៈកម្មការទទួលបន្ទុកខ្លឹមសារ ABU បានឲ្យដឹងថា៖ “ស្នាដៃ ដែលឈ្នះពានរង្វាន់គឺជាការភ្ញាក់ផ្អើលដ៏ធំមួយសម្រាប់ខ្ញុំ ។ ខ្ញុំសប្បាយចិត្តណាស់ដែលបានស្ដាប់ស្នាដៃមួយស្តីពីការងារអភិរក្សធម្មជាតិ ដោយពិពណ៌នាវីរបុរសប្រចាំថ្ងៃម្នាក់។ ស្នាដៃនេះក៏ត្រូវបានអនុវត្តន៍យ៉ាងល្អិតល្អន់ផងដែរ។ ជាពិសេស វាបានបង្កើតឡើងការរំភើបចិត្តនិងចំណាប់អារម្មណ៍យ៉ាងខ្លាំងដល់បេះដូងរបស់សមាជិកនីម្នាក់ៗនៃគណៈមេប្រយោគ។ មានស្នាដៃតែ ១ របស់ VOV និងស្នាដៃ ៣ របស់ស្ថានីយ៍ចិនផ្សេងគ្នាចំនួន ៣ ទៀត បានចូលវគ្គផ្តាច់ព្រ័ត្រ។ ហើយមានតែស្នាដៃរបស់វិទ្យុសំឡេងវៀតណាមប៉ុណ្ណោះដែលបានឈ្នះ។ នេះគឺជាការភ្ញាក់ផ្អើលដ៏ធំមួយ។”
 |
អ្នកនិពន្ធ Hoang An ទទួលពានរង្វាន់ Winner ផ្នែកវិទ្យុ ក្នុងប្រភេទបទយកការណ៍សម្រាប់ស្នាដៃ "Bon" Phuc (លោកប៉ា Phuc)។
វត្តមានរបស់អ្នកនិពន្ធ VOV នៅក្នុងពិធីប្រគល់ពានរង្វាន់ ABU ឆ្នាំ២០២២ បានបង្ហាញពីការចូលរួមយ៉ាងសកម្ម ប្រកបដោយគុណភាពរបស់វិទ្យុសម្លេងវៀតណាម នៅក្នុង ABU ដោយមានការចូលរួមនៅក្នុងកម្មវិធីទាំងអស់របស់ ABU៕
