 លោកស្រី លឺ ថៃ ទ្វៀន (ខាងឆ្វេងបំផុត) សមាជិកគណៈកម្មាធិការបក្ស អនុប្រធានសារមន្ទីរខេត្តឡឹមដុង (រូបថត៖ ដួន ស៊ី/VOV-ទីក្រុងហូជីមិញ) |
“នេះជាលើកដំបូងហើយដែលខ្ញុំត្រូវបានមន្ទីរវប្បធម៌ កីឡា និងទេសចរណ៍ខេត្តឡឹម ដុង ប្រជាជននៅទីប្រជុំជន គណៈកម្មាធិការរណសិរ្សមាតុភូមិវៀតណាមខេត្តឡឹ ដុង ឧទ្ទេសនាមតែងតាំងក្នុងបញ្ជីឈ្មោះបេក្ខជន សម្រាប់រដ្ឋសភានីតិកាលទី១៦ អាណត្តិ២០២៦-២០៣១។ នេះគឺជាកិត្តិយស និងជាទំនួលខុសត្រូវដ៏ធំធេងសម្រាប់ខ្ញុំ”។
ទាំងនេះគឺជាពាក្យពេចន៍សំណេះសំណាលរបស់លោកស្រី លឺ ថៃ ទ្វៀន នៅពេលដែលលោកស្រីឈរឈ្មោះជាសមាជិការរដ្ឋសភា។ លោកស្រី លឺ ថៃ ទ្វៀន គឺជាស្ត្រីជនជាតិចាម កើតនៅឆ្នាំ ១៩៨១ មកពីឃុំ បាក់ប៊ិញ ខេត្តឡឹម ដុង។ កើតមកនិងធំដឹងក្តីក្នុងគ្រួសារដែលមានប្រពៃណីវប្បធម៌ លោកស្រី លឺ ថៃ ទ្វៀន ដូច្នេះតាំងពីក្មេងមក លោកស្រីមានសេចក្តីស្រឡាញ់ និងចំណង់ចំណូលចិត្តយ៉ាងជ្រាលជ្រៅចំពោះសិប្បកម្មប្រពៃណី ដោយបន្តប្រពៃណី និងរួមចំណែកដល់ការអភិរក្សនិងអភិវឌ្ឍតម្លៃវប្បធម៌ជនជាតិ។ នៅក្នុងបរិបទដែលខេត្តឡឹម ដុងមានជនជាតិចំនួន ៤៩ ក្រុមរស់នៅជាមួយគ្នា និងជាកូនស្រីរបស់ក្រុមជនជាតិចាម លោកស្រី លឺ ថៃ ទ្វៀន យល់យ៉ាងច្បាស់អំពីតម្លៃនៃអត្តសញ្ញាណវប្បធម៌ជនជាតិ ជាពិសេសតម្លៃរបស់ជនជាតិចាម។ លោកស្រី លឺ ថៃ ទ្វៀន មានបទពិសោធន៍ជិត ២៣ ឆ្នាំក្នុងការធ្វើការក្នុងវិស័យវប្បធម៌ ជាមួយនឹងបទពិសោធន៍យ៉ាងទូលំទូលាយក្នុងការគ្រប់គ្រង ការពិគ្រោះយោបល់ និងការស្រាវជ្រាវក្នុងវិស័យបេតិកភណ្ឌវប្បធម៌ ជាពិសេសបេតិកភណ្ឌវប្បធម៌របស់ក្រុមជនជាតិភាគតិចនៅក្នុងតំបន់។ លោក ឌោន វ៉ាន ធួន អនុប្រធានសារមន្ទីរខេត្ត ឡឹម ដុង បានឲ្យដឹងថា នេះមិនត្រឹមតែជាកិត្តិយសសម្រាប់លោកស្រី ទ្វៀន ប៉ុណ្ណោះទេ ប៉ុន្តែនេះក៏ជាសេចក្តីរីករាយ និងកិត្តិយសសម្រាប់សារមន្ទីរខេត្ត ឡឹម ដុងផងដែរ។
 លោកស្រី លឺ ថៃ ទ្វៀន ក្នុងសកម្មភាពមួយនៅមជ្ឈមណ្ឌលតាំងពិព័រណ៍វប្បធម៌បាក់ប៊ិញចាម (រូបថត៖ ដួន ស៊ី/VOV-ទីក្រុងហូជីមិញ) |
“ការដែលលោកស្រី លឺ ថៃ ទ្វៀន ត្រូវបានទីភ្នាក់ងារតែងតាំងឈរឈ្មោះជាសមាជិការរដ្ឋសភាគឺសក្តិសមនឹងទទួលបានទាំងស្រុង។ នេះគឺជាកិត្តិយស និងជាប្រភពនៃមោទនភាពសម្រាប់លោកស្រីផ្ទាល់ ហើយក៏ជាការលើកទឹកចិត្តដើម្បីបន្តចូលរួមចំណែកបន្ថែមទៀតដល់ការអភិវឌ្ឍវិស័យវប្បធម៌ កីឡា និងទេសចរណ៍និយាយរួម ក៏ដូចជាវិស័យសារមន្ទីរនិយាយដោយឡែក។ ខ្ញុំជឿជាក់ថា លោកស្រី លឺ ថៃ ទ្វៀន នឹងបំពេញបានល្អនូវតួនាទីជាបេក្ខជនសមាជិការដ្ឋសភា”។
នៅក្នុងផែនការសកម្មភាពឈរឈ្មោះជាសមាជិករដ្ឋសភា លោកស្រី លឺ ថៃ ទ្វៀន មានគោលបំណងតំណាងឱ្យសំឡេងរបស់ជនជាតិភាគតិច ដោយ ផ្តោតលើការអភិរក្ស និងលើកកម្ពស់តម្លៃវប្បធម៌ប្រពៃណីរបស់ប្រជាជនជនជាតិខ្លួន។ យោងតាមលោកស្រី លឺ ថៃ ទ្វៀន ការអភិវឌ្ឍសេដ្ឋកិច្ចសង្គមក្នុងចំណោមមូលដ្ឋាននានាក្នុងខេត្ត ឡឹម ដុង នៅតែមិនស្មើគ្នា ខណៈពេលដែលចំនួនគ្រួសារក្រីក្រ និងគ្រួសារបន្ទាត់ក្រីក្របានថយចុះជារៀងរាល់ឆ្នាំ ប៉ុន្តែនៅតែមាន និងប្រមូលផ្តុំនៅក្នុងតំបន់ជនជាតិភាគតិច។ ដូច្នេះ ប្រសិនបើត្រូវបានជាប់ឆ្នោត លោកស្រីនឹងស្នើឱ្យរដ្ឋសភាយកចិត្តទុកដាក់ និងពន្លឿនការអនុវត្តកម្មវិធីគោលដៅជាតិរួមបញ្ចូលគ្នាកម្មវិធីគោលដៅជាតិចំនួន ៣ រួមមាន៖ កសាងជនបទថ្មី; កាត់បន្ថយភាពក្រីក្រប្រកបដោយចីរភាព; និងអភិវឌ្ឍន៍សេដ្ឋកិច្ចសង្គមនៅតំបន់ជនជាតិ ភាគតិចនិងតំបន់ភ្នំ ដោយចាត់ទុកថា នេះជាចំណុចរបត់ដ៏សំខាន់មួយដែលរួមចំណែកដល់ការអភិវឌ្ឍសេដ្ឋកិច្ចសង្គមនៃតំបន់នានានិងខេត្ត។ ជាមួយគ្នានេះ លោកស្រីនឹងបន្តផ្តល់យោបល់និងស្នើឱ្យរដ្ឋសភាយកចិត្តទុកដាក់លើការវិនិយោគ និងការអភិវឌ្ឍយ៉ាងទូលំទូលាយនូវតម្លៃ និងចំណុចខ្លាំងនៃវប្បធម៌និងប្រជាជនឡឹម ដុង រស់រាយរាក់ទាក់; ជំរុញការងារ ឌីជីថលូបនីយកម្មនៃបេតិកភណ្ឌមានគោលបំណងធានាការអភិរក្ស ជាអចិន្ត្រៃយ៍ បង្កើនភាពងាយស្រួលចូលប្រើប្រាស់ និងបង្កើនតម្លៃនៅក្នុងយុគសម័យឌីជីថល ដោយភ្ជាប់ជាមួយនឹងការអភិវឌ្ឍទេសចរណ៍វប្បធម៌ និងទេសចរណ៍សហគមន៍ ដើម្បីឱ្យប្រជាជនអាចចូលរួមដោយផ្ទាល់ និងមានជីវភាពរស់នៅប្រកបដោយចីរភាព។ សម្រាប់លោកស្រី លឺ ថៃ ទ្វៀន ជាលើកដំបូងដែលបានតែងតាំងជាតំណាងរបស់ប្រជាជននេះមិនត្រឹមតែជាកិត្តិយសប៉ុណ្ណោះទេ ថែមទាំងជាការទទួលខុសត្រូវដ៏ធំមួយរបស់លោកស្រីផងដែរ។
 លោកស្រី លឺ ថៃ ទ្វៀន បានសន្យាថា ប្រសិនបើលោកស្រីជាប់ឆ្នោត លោកស្រីនឹងចូលរួមចំណែកដល់ការអភិវឌ្ឍវិស័យទេសចរណ៍ រួមជាមួយនឹងការអភិរក្សទេសភាព និងវប្បធម៌នៅក្នុងតំបន់ (រូបថត៖ ដួនស៊ី/VOV-ទីក្រុងហូជីមិញ) |
"ប្រសិនបើអ្នកសួរថា តើមានសម្ពាធឬអត់ គឺគ្រាន់តែជាសម្ពាធនៃការបំពេញតាមការសន្យានៅក្នុងកម្មវិធីសកម្មភាព និងការដោះស្រាយយ៉ាងហ្មត់ចត់នូវកង្វល់ និងសេចក្តីប្រាថ្នារបស់ប្រជាជន និងអ្នកបោះឆ្នោតប៉ុណ្ណោះ។ ខ្ញុំជឿជាក់ថា សម្ពាធនេះនឹងក្លាយជាកម្លាំងចលករសម្រាប់ខ្ញុំក្នុងការកែលម្អខ្លួនឯង។ ខ្ញុំខិតខំប្រែក្លាយកិត្តិយសពេលបានក្រសួងវប្បធម៌ កីឡា និងទេសចរណ៍ជឿជាក់តែងតាំងបេក្ខភាព ទៅជាកម្លាំងចលករដើម្បីខិតខំ និងបំពេញតាមការប្តេជ្ញាចិត្តនៅក្នុងកម្មវិធីសកម្មភាពរបស់ខ្ញុំ នៅពេលក្លាយជាសមាជិកការសភានីតិកាលទី ១៦”។
ក្នុងវិស័យវប្បធម៌ អ្នកស្រី លឺ ថៃ ទ្វៀន គឺជាអ្នកជំនាញដែលមានការប្តេជ្ញាចិត្ត និងមានជំនាញខ្ពស់ ជាមួយនឹងបំណងប្រាថ្នាយ៉ាងខ្លាំងក្នុងការចូលរួមចំណែក។ ជាមួយនឹងការចូលរួមចំណែក ចំពោះវិស័យវប្បជម៌ លោកស្រី លឺ ថៃ ទ្វៀន បានទទួលប័ណ្ណសរសើរកម្រិតខេត្តចំនួនបួនផងដែរ៕
