 សកម្មភាពនៃពិធីបុណ្យតេតដាំដើមឈើរ “ដឹងគុណលោកប្រធានហូជីមិញជារៀងរហូត” ឆ្នាំ២០២៣ |
ក្នុងសប្ដាហ៍កន្លងទៅគណៈកម្មការផ្សាយជាភាសារបរទេសនៃវិទ្យុសម្លេងវៀតណាមទទួលបានសំបុត្រ និង អ៊ីម៉ែលជាច្រើនរបស់មិត្តអ្នកស្ដាប។ ក្នុងនោះ កម្មវិធីផ្សាយជាភាសារខ្មែរទទួលបានសំបុត្រចំនួន ១០។ ប្រិយមិត្តជាច្រើនបានសរសេរសំបុត្រផ្ញើមកកាន់កម្មវិធីដោយបានជូនពរទិវាបង្កើតបក្សកុម្មុយនិស្តវៀតណាម (៣ កុម្ភៈ ឆ្នាំ ១៩៣០) និងឆ្នាំថ្មី ប្រពៃណីជាតិ ២០២៣។ ជាក់ស្ដែង មិត្តអ្នកស្ដាប់គឹម សំនៀង មកពីកម្ពុជាបានចែករំលែកថា៖ នៅពេលមកទស្សនាប្រទេសវៀតណាមម្ដងៗ ខ្ញុំពិតជាភ្ញាក់ផ្អើលខ្លាំងណាស់ ដោយសារប្រទេសវៀតណាមមានការផ្លាស់ប្ដូរយ៉ាងច្រើន។ ផ្លូវថ្នល់ពិតជាស្អាតបាតណាស់។ ខ្ញុំសង្ឈឹមថា នឹងមានឱកាសរួមជាមួយគ្រួសារមកទស្សនាវៀតណាម។ នៅក្នុងអ៊ីមែលដែលផ្ញើមកកាន់កម្មវិធី មិត្តអ្នកស្ដាប់ បុប្ផា សម្តែងការចាប់អារម្មណ៍ចំពោះពិធីបំផុសបុណ្យតេតដាំដើមឈើរ “ដឹងគុណលោកប្រធានហូជីមិញជារៀងរហូត” ឆ្នាំ២០២៣៖ “ការដាំដើមឈើ បានរួមចំណែកយ៉ាងសំខាន់ក្នុងការទប់ស្កាត់ និងប្រយុទ្ធប្រឆាំងនឹងគ្រោះធម្មជាតិ ការពារអាកាសធាតុ កែលម្អបរិស្ថាងអេកូឡូស៊ី តុបតែងលំអរទេសភាពធម្មជាតិស្រស់ស្អាត។ នេះជាប្រពៃណី និងទំនៀមទម្លាប់ដ៏ល្អរបស់ប្រជាជនវៀតណាម”។
មិត្តអ្នកស្ដាប់ជាទីមេត្រី។ ជាបន្តទៅនេះ សូមអញ្ជើញប្រិយមិត្តទៅទស្សនាគោលដៅមួយនៅវៀតណាម នោះគឺ ទឹកជ្រោះ Da Ban នៅឃុំ Cua Suong ស្រុកកោះ Phu Quoc- ខេត្ត Kien Giang ។នេះគឺជាគោលដៅទេសចរណ៍ដែលមិត្តអ្នកស្ដាប់ គីន សែនសុខ មកកម្ពុជា មានបំណងចង់ស្វែងយល់ផងដែរ។
លោកអ្នកនាងជាទីមេត្រី ទឹកជ្រោះ Da Ban គឺជាគោលដៅទេសចរណ៍ ដែលត្រូវបានភ្ញៀវទេសចរទាំងជាតិ និងអន្តរជាតិអញ្ជើញមកទស្សនាក្នុងឱកាសបុណ្យតេត។ នេះគឺទឹកជ្រោះមួយនៅចំកណ្តាលកោះសមុទ្រដែលធ្វើឱ្យភ្ញៀវទេសចរជាច្រើនមានការភ្ញាក់ផ្អើល និងកោតសរសើរយ៉ាងខ្លាំង ដោយសារ សម្រស់រហោស្ថានធម្មជាតិ។ កោះ Phu Quoc មានភ្នំចំនួន ៩៩ ដែលលាតសន្ធឹងពីខាងជើងទៅខាងត្បូងនៃកោះ។ ទឹកជ្រោះ Da Ban មានប្រភពទឹកចេញពីជួរភ្នំ Ham Ninh ជាជួរភ្នំដែលវែងបំផុតនិងខ្ពស់បំផុតក្នុងចំណោមបណ្តាភ្នំទាំងនេះ។ ប្រភពទឹកពីភ្នំ Ham Ninh បានហូរចូលទៅកាន់បឹង Duong Dong Phu Quoc ដែលជាបឹងធំបំផុតនៅកោះ Phu Quoc ហើយបានផ្គត់ផ្គង់ទឹកសាបសម្រាប់កោះ ទាំងមូល ដោយមានអង្កត់ផ្ចិតជាង ៣,៥ គីឡូម៉ែត្រ មានជំរៅ ២០ ម៉ែត្រ ហើយអាចផ្ទុកបម្រុងទឹកប្រហែល ៥,៥ លានម៉ែត្រគូប ។ មូលហេតុដែលទឹកជ្រោះនេះហៅឈ្មោះថា ទឹកជ្រោះ Da Ban គឺដោយសារតែមានផ្ទាំងថ្មរាបស្មើធំ ៗ ជាច្រើនដូចជាផ្ទៃតុអញ្ចឹង។ ដូច្នេះហើយ ទឹកជ្រោះ Da Ban គឺត្រជាក់ស្រួល ហើយលើសពីនេះទៀតវាត្រូវបានផ្សារភ្ជាប់ជាមួយនឹងរឿងរ៉ាវអាថ៌កំបាំងនិងគួរឱ្យរំភើបចិត្ត ដូចគេបាននិទានថា នេះគឺជាកន្លែងដែលទេពអក្សរចុះ ងូតទឹករាល់ពេលដែលមកភពដែនដី។ នៅច្រកចូលទឹកជ្រោះ Da Ban មានស្ពានព្យួរឆ្លងកាត់ទឹកជ្រោះនេះ ហើយលោកអ្នកធ្វើដំណើរទៅមុខបន្តិចទៀត ទើបមកដល់កន្លែងស្រស់ស្អាតនៅទឹកជ្រោះ Da Ban។ ផ្លូវសង្ខាងត្រូវបានគ្របដណ្ដប់ដោយដើមឈើព្រៃ ដូច្នេះបរិយាកាសនៅទីនេះពិតជាត្រជាក់ និងបរិសុទ្ធណាស់។
 អបអរសាទរទិវាបង្កើតបក្សកុម្មុយនិស្តវៀតណាម (៣ កុម្ភៈ ឆ្នាំ ១៩៣០) |
មិត្តអ្នកស្តាប់ជាទីមេត្រី! នាទីប្រអប់សំបុត្ររបស់យើងខ្ញុំសូមបញ្ចប់នៅត្រឹមនេះ។ រាល់សំបុត្រ មតិ ឬសំណួររបស់អស់លោកអ្នក សូមផ្ញើមកកាន់អាស័យដ្ឋាន៖ កម្មវិធីផ្សាយជាភាសាខ្មែរ វិទ្យុសម្លេងវៀតណាម លេខ ៤៥ វិថី Ba Trieu រដ្ឋធានីហាណូយ ឬ Email៖[email protected]។ លោកអ្នកនាងអាចទាក់ទងជាមួយយើងខ្ញុំតាមរយៈទំព័រវែបសាយ Www.vovworld.vn ផងដែរ។ នាទីប្រអប់ សំបុត្រមិត្តអ្នកស្ដាប់សូមបញ្ចប់នៅត្រឹមនេះ។ សូមជួបអស់លោក អ្នកនាងនាសប្ដាហ៍ខាងមុខ។ សូមជំរាបលា៕
