 ក្រុមភ្ញៀវទេសចរថៃមកទស្សនាតំបន់ទេសចរណ៍ Sun World Fansipan Legend។ |
ក្នុងដំណើរទស្សនកិច្ចការងារនៅប្រទេសវៀតណាម លោក Paladej Pinprateep ភ្ញៀវទេសចរថៃម្នាក់ បានចំណាយរយៈពេលមួយថ្ងៃដើម្បីទៅទស្សនា Sa Pa ហើយទីកន្លែងដែលលោកអន្ទះសារចង់ទៅទស្សនាដំបូងគេនោះគឺតំបន់ទេសចរណ៍ Sun World Fansipan Legend។
“នៅអឺរ៉ុប គោលដៅទេសចរណ៍បែបនេះមានច្រើនណាស់ ប៉ុន្តែនៅអាស៊ីអត់មានទេ ព្រោះថាអត់មានកន្លែងស្ថិតនៅកំពស់យ៉ាងដូច្នេះ។ ចំណុចលេចធ្លោនៃកន្លែងនេះគឺមានភ្នំខ្ពស់បំផុតនៅអាស៊ីអាគ្នេយ៍ ដែលនាំកន្លែងនេះក្លាយទៅជាកន្លែងអាជីវកម្មទេសចរណ៍ ដោយអនុវត្តន៍
បច្ចេកវិទ្យាពីប្រទេសស្វីស និងអាល្លឺម៉ង់។ ខ្ញុំមិនដឹងថា ការវិនិយោគសាងសង់បែបនេះចំណាយទឹកប្រាក់អស់ប៉ុន្មានលានដុល្លារទេ ប៉ុន្តែខ្ញុំគិតថាវាសក្តិសម។ ដោយសារតែការវិនិយោគនិង
សាងសង់បែបនេះនឹងនាំមកនូវប្រាក់ចំណេញ និងប្រាក់ចំណូល។ ហើយខ្ញុំឃើញថា រាប់ពីចំនួនភ្ញៀវទេសចរមកទីនេះ ច្បាស់ណាស់ថាភាគច្រើនគឺភ្ញៀវទេសចរថៃដែរ”។
Sun World Fansipan Legend ត្រូវបានសម្ព័ន្ធក្រុមហ៊ុន Sun Group វិនិយោគសាងសង់ ហើយដាក់ឱ្យដំណើរការនៅឆ្នាំ ២០១៦ នៅទីរួមខេត្ត Sa Pa ខេត្ត Lao Cai។ តំបន់ទេសចរណ៍នាំមក
ជូនភ្ញៀវទេសចរនូវដំណើរកម្សាន្តជាមួយនឹងបទពិសោធន៍រាប់មិនអស់ ដែលពោរពេញទៅដោយលក្ខណៈវប្បធម៌ និងសម្រស់ធម្មជាតិនៃតំបន់ភាគពាយ័ព្យ។ នោះគឺជាដំណើរឆ្លងកាត់ពពកដោយរថយន្តខ្សែកាប ៣ ខ្សែ វែងបំផុតលើពិភពលោក ដែលហោះហើរឆ្លងកាត់ព្រៃ Hoang Lien ធំល្វើងល្វើយ ដើម្បីទៅដល់ក្លោងទ្វារមេឃ Fansipan។ នោះគឺជាបរិវេណស្ថាបត្យកម្មវិញ្ញាណដ៏ស្អាតឆើត
ឆាយនៅលើ "ដំបូលឥណ្ឌូចិន" ជាមួយនឹងដំបូលវត្តផ្អៀងទល់នឹងចំណោទភ្នំថ្ម លាក់ខ្លួនក្នុងពពក ស្រស់ស្អាតដូចឋានសួគ៍។ រួមដំណើរជាមួយលោក Paladej Pinprateep ក្នុងដំណើរទៅទស្សនាកំពូលភ្នំ Fansipan លោក Banhan Bunkhet ភ្ញៀវទេសចរជនជាតិថៃម្នាក់ បានឲ្យដឹងថា នេះជាលើកទី២ហើយដែលលោកទៅដល់ Sa Pa ហើយលោកបានមើលឃើញយ៉ាងច្បាស់ពីការផ្លាស់ប្តូរនៃតំបន់ទេសចរណ៍ដ៏ល្បីល្បាញនេះ។
“លើកមុន ខ្ញុំទៅដល់ Sa Pa ប្រហែល ៦ ឆ្នាំមុន ពេលនោះ Sa Pa មិនរីកចម្រើនដូចសព្វថ្ងៃនេះទេ ហើយការធ្វើដំណើរពិបាកណាស់។ លើកមុនដែលខ្ញុំមកទីនេះ មិនមានរថភ្លើងឡើង Fansipan ទេ។ ខ្ញុំត្រូវដើរថ្មើជើងឡើង Fansipan ប៉ុន្តែនៅពាក់កណ្តាលផ្លូវ ខ្ញុំត្រូវចុះព្រោះហត់ណាស់។ លើកនេះ ទៅដល់ Sa Pa ពិតជាគួរឲ្យចាប់អារម្មណ៍យ៉ាងខ្លាំង។ ខ្ញុំបានអមដំណើរលោកសមាជិកព្រឹទ្ធសភាហើយក្រុមរបស់យើងបាន ដោតទង់ជាតិថៃនៅលើកំពូលភ្នំ Fansipan រួចហើយ។ នៅពេលដែលយើងចុះផ្សាយព័ត៌មានពីសកម្មភាពនេះ យើងទទួលបានសារជាច្រើនពីមនុស្សម្នានៅប្រទេសថៃដែលចាប់អារម្មណ៍លើព័ត៌មាននេះ”។
 ទង់ជាតិវៀតណាមបក់រវីកៗលើកំពូលភ្នំ Fansipang។ |
Sa Pa ក៏ទាក់ទាញភ្ញៀវទេសចរ អាស្រ័យដោយមានពិធីបុណ្យក្នុងអំឡុងរដូវទាំង៤ ដែលត្រូវបានប្រារព្ធឡើងជាបន្តបន្ទាប់នៅតំបន់ទេសចរណ៍ Sun World Fansipan Legend ដែលនាំមកជូនភ្ញៀវទេសចរនូវបទពិសោធន៍ដ៏រស់រវើកបំផុតអំពីជីវភាពរបស់ប្រជាជននៅតំបន់ព្រៃភ្នំ ជាមួយ
នឹងស្នូរសម្លេងនៃត្រែស្លឹក ជាមួយនឹងសម្លៀកបំពាក់ចរបាប់ចម្រុះពណ៌ ឬរសជាតិដ៏ទាក់ទាញនៃមុខម្ហូបប្រចាំតំបន់ខ្ពង់រាប។ ដូច្នេះហើយ ក្នុងរយៈពេលត្រឹមមួយថ្ងៃឡើងកំពូលភ្នំ Fansipan ទស្សនាសំណង់វប្បធម៌ព្រលឹងវិញ្ញាណនិងទេសភាពនៅតំបន់ទេសចរណ៍ដ៏ល្បីល្បាញនេះតែប៉ុណ្ណោះ ភ្ញៀវទេសចរថៃទាំងអស់បានសម្តែងការចាប់អារម្មណ៍ចំពោះសំណង់ដ៏ប្រណិត ក៏ដូចជាទេសភាពដ៏ស្រស់បំព្រងនៅទីនេះ។
“នាពេលបច្ចុប្បន្ននេះ ភ្ញៀវទេសចរថៃប្រហែលជាមិនសូវស្គាល់ច្រើនពីគោលដៅទេសចរណ៍ Fansipan នេះទេ ប៉ុន្តែឆ្លងកាត់ពេលវេលា តាមរយៈការឧទ្ទេសនាម ការណែនាំ ប្រជាជនថៃនឹងមកដល់ទីនេះកាន់តែច្រើន។ ព្រោះថានៅទីនេះមានកន្លែងទេសចរណ៍ទាំងធម្មជាតិនិងវប្បធម៌ ក៏ដូចជារបៀបរស់នៅរបស់ជនជាតិភាគតិចផងដែរ។ ទីនេះមានភ្នំខ្ពស់បំផុតនៅឥណ្ឌូចិន ដូច្នេះក៏ទាក់ទាញភ្ញៀវទេសចរលើទូទាំងពិភពលោកផងដែរ។ ទីនេះជាកន្លែងរស់នៅរបស់ជនជាតិ Mong ដែលជាជនជាតិភាគតិចនៃប្រទេសវៀតណាម។ ពួកគេមានស្រែកាំជណ្ដើរ មានវប្បធម៌ពិសេស មានសិល្បៈប៉ាក់ និងមុខម្ហូបប្លែកៗ។ រដ្ឋាភិបាលបានសាងសង់តំបន់ទេសចរណ៍នេះ ប៉ុន្តែជនជាតិ Mong នៅតែរស់នៅ ហើយរបៀបរស់នៅរបស់គេនៅតែត្រូវបានរក្សាដដែល។ ប្រសិនបើភ្ញៀវទេសចររាប់លាននាក់មកទីនោះ ពួកគេនឹងរីករាយជាមួយអាហារនៅទីនេះ និងផលិតផល
ពីវាលស្រែរាបស្មើរបស់ជនជាតិ Mong។
“ខ្ញុំសប្បាយចិត្តណាស់ដោយឃើញប្រជាជនថៃដើរលេងវៀតណាមយ៉ាងច្រើន ជាពិសេសនៅ Sa Pa។ រហូតដល់រាប់លាននាក់ក្នុងមួយឆ្នាំ។ វៀតណាម និងថៃជាបងប្អូន។ ខ្ញុំចូលចិត្តប្រទេសវៀតណាមខ្លាំងណាស់ ម្ហូបក៏ឆ្ងាញ់ អាកាសធាតុស្រួល ហើយទេសភាពធម្មជាតិក៏ស្រស់ស្អាតណាស់”។
នាពេលថ្មីៗនេះ នាយករដ្ឋមន្ត្រីរដ្ឋាភិបាលវៀតណាមបានយល់ស្របនឹងផែនការកសាងអាកាសយានដ្ឋាន Sa Pa ឲ្យក្លាយជាអាកាសយានដ្ឋានអន្តរជាតិ។ ផែនការនេះនឹងជាជំហានទម្លុះទម្លាយក្នុងការអភិវឌ្ឍន៍ហេដ្ឋារចនាសម្ព័ន្ធគមនាគមន៍នៃតំបន់ភាគពាយ័ព្យទាំងមូល ដែលជះឥទ្ធិពលជាវិជ្ជមានដល់ការទទួលភ្ញៀវទេសចរ ជាពិសេសភ្ញៀវទេសចរអន្តរជាតិដែលមកដល់ Sa Pa ក៏ដូចជាតំបន់ទេសចរណ៍ Sun World Fansipan Legend។ គម្រោងនេះបានបើកការដ្ឋានសាងសង់នៅខែមីនា ឆ្នាំ ២០២២ ហើយគ្រោងនឹងដាក់ឲ្យដំណើរការនៅឆ្នាំ ២០២៦៕
