(VOVWORLD) -ຊົນເຜົ່າ ລາຮາ ແມ່ນໜຶ່ງໃນບັນດາຊົນເຜົ່າທີ່ມີພົນລະເມືອງໜ້ອຍ, ດຳລົງຊີວິດຢູ່ບາງເມືອງແຄມແມ່ນ້ຳດາ ຂອງແຂວງ ເຊີນລາ ແລະ ລາຍເຈົາ. ສັງຄົມນັບມື້ນັບພັດທະນາ, ຊີວິດການເປັນຢູ່ນັບມື້ນັບມີການປ່ຽນແປງ ແຕ່ພໍ່ແມ່ປະຊາຊົນຊາວເຜົ່າ ລາຮາ ຍັງຄົງຮັກສາຮີດຄອງປະເພນີທີ່ເປັນມູນເຊື້ອໄວ້ໄດ້, ໃນນັ້ນ ມີງານບຸນ “ປາງອາ”ເຊິ່ງແມ່ນພິທີພາວະນາຂໍຄວາມໂຊກດີ, ເຊິ່ງແມ່ນຈຸດວັດທະນະທຳທີ່ເປັນເອກະລັກສະເພາະຂອງຊົນເຜົ່າຕົນ. ບົດຂຽນຂອງ ເລື່ອງແຫ້ງ, ນັກຂ່າວ VOV
(VOVWORLD) -ເຂດພູພຽງ ມົກເຈົາ, ແຂວງ ເຊີນລາ ທາງພາກເຫນືອ ຫວຽດນາມ ແມ່ນສະຖານທີ່ທີ່ມີຊາວເຜົ່າຜູ້ໄທ ດຳລົງຊີວິດເປັນຈຳນວນຫລວງຫລາຍ, ບໍ່ພຽງແຕ່ເປັນການຮູ້ຈັກເຖິງວ່າ ແມ່ນເຂດດິນແດນມີດອກໄມ້ຫລາຍຊະນິດມີສີສັນຫລາກຫລາຍທີ່ສວຍສົດງົດງາມ ແລະ ມີອາກາດປອດໂປ່ງເຢັນສະບາຍເທົ່ານັ້ນ ຫາກຍັງມີບັນດາເຍື່ອງອາຫານທີ່ແຊບນົວ ແລະ ເປັນຫນ້າສົນໃຈຂອງແຂກທ່ອງທ່ຽວນຳອີກ. ໃນບັນດາເຍື່ອງອາຫານຂອງຊາວເຜົ່າຜູ້ໄທ ຢູ່ ມົກເຈົາ ນັ້ນ, ເຍື່ອງອາຫານສົ້ມຫນັງຄວາຍ ກໍແມ່ນເຍື່ອງອາຫານຫນຶ່ງທີ່ແຊບນົວ ເຊິ່ງເປັນເຍື່ອງອາຫານພິເສດ ຢູ່ດິນແດນແຫ່ງນີ້.
(VOVWORLD) -ໃນທ່າມກາງພູຜາປ່າໄມ້ຂຽວອຸ່ມທຸ່ມອັນກ້ວາງໃຫຍ່ໄພສານ ຢູ່ ແຂວງ ລາຍເຈົາ, ຫວຽດນາມ ມີໂງ່ນຫີນຄວາດທີ່ກຳເນີດຈາກທຳມະຊາດຕັ້ງຢູ່ກາງຈອມພູ ຢູ່ບ້ານ ປາຖັງ, ຕາແສງ ທູຫລູມ, ເມືອງ ເມື່ອງແຕ່ ຄ້າຍຄືກັບເປັນຫລັກຫມາຍຊາຍແດນຕັ້ງຢູ່ສຸດຂອບຟ້າທາງທິດຕາເວັນຕົກສ່ຽງເຫນືອ (ໄຕບັກ). ຕາມຄວາມສຳນຶກຂອງຊາວເຜົ່າ ຮ່າຍີ່ ຢູ່ຕາແສງ ທູຫລູມ, ເມືອງ ເມື່ອງແຕ່, ແຂວງ ລາຍເຈົາແລ້ວ, ຫີນໂງ່ນນັ້ນຮັບຖືວ່າແມ່ນ “ອາພໍ່ອູພູ” - ໝາຍເຖິງພໍ່ເຖົ້າຜົມຂາວ ໂດຍພະອິນໄດ້ແຕ່ງຕັ້ງໃຫ້ລົງມາຊ່ວຍຊາວເຜົ່າ ຮ່າຍີ່ ປ້ອງກັນເຂດຊາຍແດນ. ບົດຂຽນຂອງ ຮົ່ງຍຸງ, ນັກຂ່າວ VOV.
(VOVWORLD) -ຢູ່ຕາມບົນເສັ້ນທາງລຽບຕາມເປີ້ນພູຂຶ້ນໄປພູພຽງຫີນ ດົ່ງວັນ, ແມ່ວວາກ ຂອງແຂວງ ຮ່າຢາງ, ຍາມໃດກໍ່ດຶງດູດນັກທ່ອງທ່ຽວມາຢ້ຽມຊົມເປັນຈຳນວນຫລວງຫລາຍ ຍ້ອນທິວທັດທຳມະຊາດທີ່ໃຫຍ່ໂຕມະໂຫຖານ. ບໍ່ພຽງແຕ່ເທົ່ານັ້ນ, ເຂົາເຈົ້າຍັງຖືກດຶງດູດດ້ວຍຮູບພາບເຮືອນຊານບ້ານຊ່ອງທີ່ສວຍງາມຂອງພໍ່ແມ່ປະຊາຊົນບັນດາເຜົ່າ ປຸກສ້າງຕາມສະຖາປັດຕະຍະກຳເປັນເອກະລັກສະເພາະ, ໃນນັ້ນ ພົ້ນເດັ່ນກວ່າໝູ່ແມ່ນເຮືອນຝາດິນຂອງພໍ່ແມ່ພີ່ນ້ອງຊາວເຜົ່າ ມົ້ງ. ບັນດາເຮືອນດັ່ງກ່າວລ້ວນແຕ່ມີສີນ້ຳຕານເຂັ້ມຂອງຝາດິນ, ເຊິ່ງພົ້ນເດັ່ນຂຶ້ນໃນທ່າມກາງຮົ້ວຫີນສີຂີ້ເທົ່າ ອັນໄດ້ສ້າງເປັນຮູບພາບແບບປະຖົມປະຖານ, ລຶກລັບ, ເຮັດໃຫ້ບໍ່ວ່າຜູ້ໃດທີ່ໄປຜ່ານກໍຢາກແວ່ ຊົມເບິ່ງ.
(VOVWORLD) -ເມື່ອຮອດວັນທີ 4 ເດືອນ 4 (ໄລ່ຕາມຈັນທະປະຕິທິນ) ຂອງແຕ່ລະປີ ກໍແມ່ນງານບຸນ “ກຽງຢໍ” ຂອງຊາວເຜົ່າ ຢ້າວແທງຝານ ຢູ່ ເມືອງ ບິ່ງລຽວ, ແຂວງ ກວ໋າງນິງ. ນີ້ແມ່ນງານບຸນປະເພນີ, ແມ່ນບ່ອນຈັດຕັ້ງການເຄື່ອນໄຫວລະຫລີ້ນມ່ວນຊື່ນ, ທັງເປັນຈຸດນັດພົບຂອງຄວາມຮັກຄູ່ບ່າວສາວ. ປີນີ້, ງານບຸນ “ກຽງຢໍ” ໂດຍເມືອງ ບິ່ງລຽວ ຈັດຕັ້ງໃນຂອບຂະຫນາດຂັ້ນເມືອງ, ເຊິ່ງດຳເນີນໃນ 2 ວັນຄື ວັນທີ 18, 19 ພຶດສະພາ ຢູ່ຕາແສງ ດົ່ງວັນ. ນີ້ກໍແມ່ນຫນຶ່ງໃນບັນດາການເຄື່ອນໄຫວຕອບສະຫນອງໃຫ້ປີທ່ອງທ່ຽວແຫ່ງຊາດ ປີ 2018 - ຮ່າລອງ - ກວ໋າງນິງ.
(VOVWORLD) -ຊົນເຜົ່າ ໄຕ່ ຂຶ້ນກັບໝວດພາສາ ໄຕ່ - ຜູ້ໄທ, ແມ່ນຊົນເຜົ່າທີ່ມີປະຊາກອນຫລາຍກວ່າໝູ່ໃນບັນດາເຜົ່າສ່ວນໜ້ອຍຢູ່ ຫວຽດນາມ ດ້ວຍຈຳນວນປະມານ 1,6 ລ້ານຄົນດໍາເນີນຊີວິດເຕົ້າໂຮມກັນຢູ່ບັນດາເຂດພູດອຍທາງທິດຕາເວັນອອກສ່ຽງເໜືອ. ຢູ່ແຂວງ ຮ່າຢາງ, ຊົນເຜົ່າ ໄຕ່ ກວມ 25% ຈຳນວນປະຊາກອນໃນແຂວງ. ໂດຍຜ່ານການເວລາ, ວົງຄະນະຍາດຊາວເຜົ່າ ໄຕ່ ຢູ່ ຮ່າຢາງ ຍັງຄົງຮັກສາຈຸດວັດທະນະທຳ ທີ່ເປັນເອກະລັກສະເພາະໄວ້ໄດ້, ເຮັດໃຫ້ຊີວິດການເປັນຢູ່ທາງດ້ານວັດທະນະທຳຈິດໃຈຂອງວົງຄະນະຍາດບັນດາເຜົ່າ ຢູ່ ແຂວງ ຮ່າຢາງ ອຸດົມສົມບູນກວ່າອີກ. ບົດຂຽນຂອງ ໂຕຕ໋ວນ, ນັກຂ່າວ VOV.
(VOVWORLD) -ພິທີຂັບແທນ ແມ່ນການຖະຫວາຍເຫລົ້າ ແລະ ບັນດາປະເພດດອກໄມ້ຫອມ ໝາກໄມ້ຫວານໃຫ້ເທວະດາແທນ ຢູ່ເທິງເມືອງຟ້າ, ສະແດງເຖິງຈິດໃຈອັນບໍລິສຸດ ແລະ ເຄົາລົບນັບຖືຂອງບັນດາໝໍແທນຜູ້ຢູ່ໂລກມະນຸດເຊື້ອເຊີນ ເທວະດາແທນ ລົງມາໂລກມະນຸດ ເພື່ອຮັບເອົາເຄື່ອງບູຊາ ດົນບັນດານໂຊກລາບໃຫ້ທຸກຄົນ ແລະ ພ້ອມກັນມ່ວນຊື່ນກັບບັນດາໝໍແທນ ແລະ ປະຊາຊົນໃນໝູ່ບ້ານ
(VOVWORLD) -ພໍ່ແມ່ຂອງເຈົ້າສາວເອົາໄກ່ຜູ້ໄກ່ແມ່ຄູ່ໜຶ່ງໃຫ້ລູກສາວເພື່ອເຮັດແນວ, ດ້ວຍຄວາມປາດຖະໜາວ່າ ຊີວິດຂອງຄູ່ສ້າງຄອບຄົວໃໝ່ຈະມີຄວາມສຸກ
(VOVWORLD) -ຊົນເຜົ່າ ຜູ້ໄທ, ດຳລົງຊີວິດຕົ້ນຕໍຢູ່ເຂດທາງທິດຕາເວັນຕົກສ່ຽງເຫນືອ(ໄຕ່ບັກ ) ຫວຽດນາມ, ເປັນຊົນເຜົ່າທີ່ມີວັດທະນະທຳຫລາຍຮູບຫຼາຍສີ. ຊາວເຜົ່າ ຜູ້ໄທ ມີຈຸດວັດທະນະທຳອັນດີງາມຫຼາຍຢ່າງ, ພິເສດແມ່ນປະເພນີ ສູ່ຂໍ, ງານດອງ. ຕາມຮີດຄອງປະເພນີແລ້ວ, ການສູ່ຂໍ, ງານດອງ ແມ່ນສິ່ງທີ່ສຳຄັນຍິ່ງໃນຕະຫຼອດຊີວິດຂອງຄົນຜູ້ຫນຶ່ງ ສະນັ້ນ ທັງວົງຄະນະຍາດ ແລະ ບັນດາຄອບຄົວຊາວເຜົ່າຜູ້ໄທຖືເລື່ອງນີ້ແມ່ນສິ່ງສຳຄັນທີ່ສຸດ.
(VOVWORLD) -ເດັກນ້ອຍຈະມີຄວາມສະຫຼາດ, ມີສຸຂະພາບແຂງແຮງ ຫຼືບໍ່ ນັ້ນ ແມ່ນອາໄສການປົກປ້ອງຊ່ວຍເຫຼືອຂອງພະແມ່ 12 ອົງ ແລະ ມີຊື່ທີ່ເໝາະສົມກັບຊາຕາ
