ເສດຖະກິດ

16/05/2023

ບັນດາໂຄງການເສັ້ນທາງຄວາມໄວສູງ ສ້າງການເຊື່ອມຕໍ່ ແລະ ສ້າງກຳລັງຫນູນພັດທະນາເສດຖະກິດປະເທດຊາດ

(VOVWORLD) -ບັນດາຄາດໝາຍພັດທະນາໄດ້ວາງອອກໃນມະຕິກອງປະຊຸມໃຫຍ່ຄັ້ງທີ XIII ຂອງພັກກອມມູນິດ ຫວຽດນາມ ສືບຕໍ່ຢັ້ງຢືນການສ້າງລະບົບພື້ນຖານໂຄງລ່າງຢ່າງຄົບຊຸດ ແມ່ນຫນຶ່ງໃນ 3 ເສົາຄ້ຳບຸກທະລຸຍຸດທະສາດ. ສະນັ້ນ ການກໍ່ສ້າງພື້ນຖານໂຄງລ່າງຄົມມະນາຄົມຂົນສົ່ງ ດ້ວຍທິດນຳ “ໄປກ່ອນເພື່ອເປີດທາງ” ໄດ້ຮັບຖືວ່າແມ່ນປາຍແຫລມກະໂດດຂັ້ນ, ບຸລິມະສິດແຖວຫນ້າຂອງ ຫວຽດນາມ. ເລື່ອງພັດທະນາລະບົບເສັ້ນທາງຄວາມໄວສູງຢ່າງຄົບຊຸດ ໄດ້ປະກອບສ່ວນຊຸກຍູ້ເສດຖະກິດ ສັງຄົມ, ຍົກສູງກຳລັງຄວາມສາມາດແກ້ງແຍ່ງແຫ່ງຊາດ, ລົບລ້າງຄວາມອຶວຫິວຫລຸດຜ່ອນຄວາມທຸກຍາກ.

10/05/2023

VCCI ຮ່ວມເດີນທາງເພື່ອການພັດທະນາຂອງວິສາຫະກິດ ແລະ ປະເທດຊາດ

(VOVWORLD) -ໂດຍແມ່ນອົງການຕາງຫນ້າໃຫ້ປະຊາຄົມວິສາຫະກິດ, ໄລຍະຜ່ານມາ ຫ້ອງການການຄ້າ ແລະ ອຸດສາຫະກຳ ຫວຽດນາມ ປະຈຸບັນ ແມ່ນ ສະຫະພັນການຄ້າ ແລະ ອຸດສາຫະກຳຫວຽດນາມ (VCCI) ຍາມໃດກໍຮ່ວມເດີນທາງ, ຮັບຟັງຄຳຄິດເຫັນຂອງບັນດາວິສາຫະກິດ. ຈາກນັ້ນ ກໍ່ປະກອບສຽງເວົ້າສຳຄັນຂອງຕົນໄປເຖິງລັດຖະບານ, ບັນດາກະຊວງ, ຂະແຫນງການຂອງສູນກາງ ແລະ ທ້ອງຖິ່ນ, ແກ້ໄຂຄວາມຫຍຸ້ງຍາກ, ສ້າງສະພາບແວດລ້ອມແຫ່ງການລົງທຶນ, ດຳເນີນທຸລະກິດຢ່າງສະດວກ ກໍຄື ຊຸກຍູ້ການຮ່ວມມືກັບຫລາຍປະເທດໃນໂລກ. ຜ່ານນັ້ນ ກໍ່ປະກອບສ່ວນເຂົ້າໃນການເຕີບໃຫຍ່ຂອງປະຊາຄົມວິສາຫະກິດ, ນັກທຸລະກິດ ເວົ້າສະເພາະ ແລະ ວິວັດການພັດທະນາຂອງປະເທດຊາດ ເວົ້າລວມ.

06/05/2023

ພັດທະນາຕົ້ນໂສມ ແລະ ວິທີສ້າງຄວາມຮັ່ງມີຂອງປະຊາຊົນເຂດພູສູງ ລາຍເຈົາ

(VOVWORLD) - ໄປພ້ອມກັບການພັດທະນາຂອງຕົ້ນຢາສະໝູນໄພທ້ອງຖິ່ນຄື ກະວານ (ໝາກແໜ່ງ), ຕີນຮຸ້ງດອຍ… ປັດຈຸບັນນີ້, ປະຊາຊົນເຂດພູສູງ ແຂວງ ລາຍເຈົາ ພວມໄດ້ສຸມໃສ່ເປີດກວ້າງເນື້ອທີ່ປູກຕົ້ນໂສມ. ມາຮອດປັດຈຸບັນ, ບັນດາວິສາຫະກິດ, ສ່ວນບຸກຄົນຢູ່ທ້ອງຖິ່ນ ປູກຕົ້ນໂສມໄດ້ກວ່າ 100 ເຮັກຕາ, ໃນເບື້ອງຕົ້ນ ກໍນຳມາເຊິ່ງສະມັດຕະພາບສູງດ້ານເສດຖະກິດ ເມື່ອທຽບໃສ່ການປູກຕົ້ນໄມ້ຊະນິດອື່ນໆ. ໄປຄຽງຄູ່ກັບການລົງທຶນເປີດກວ້າງເນື້ອທີ່ປູກແລ້ວ, ປະຊາຊົນເຂດພູສູງກຳລັງປູກຕົ້ນໂສມຕາມຂັ້ນຕອນແບບຄົບວົງຈອນ ເພື່ອນຳມາເຊິ່ງປະສິດທິຜົນແບບຍືນຍົງ.

02/05/2023

ເປີດອອກກາລະໂອກາດສົ່ງອອກບັນດາປະເພດສິນຄ້າຫລັກແຫລ່ງເຂົ້າຕະຫລາດ UAE

(VOVWORLD) -ສະຫະລັດ ອາຣັບ ເອມີເລດ(UAE)ໄດ້ຮັບຖືວ່າ ແມ່ນສູນການເງິນ, ການຄ້າຂອງພາກພື້ນ ຕາເວັນອອກກາງ, ແມ່ນປະຕູສຳຄັນເພື່ອສົ່ງສິນຄ້າຫວຽດນາມ ໄປຍັງຕາເວັນອອກກາງ, ອາຟິຼກາ, ເອີລົບ ແລະ ເປີດກວ້າງໄປຍັງທົ່ວໂລກ. ໃນຂະນະການສົ່ງອອກຂອງຫວຽດນາມ ໄປຍັງຕະຫລາດຫລາຍແຫ່ງບັນລຸລະດັບສູງແລ້ວ, UAEກໍໄດ້ຮັບການຕີລາຄາວ່າແມ່ນຕະຫລາດທີ່ມີຄວາມສາມາດບົ່ມຊ້ອນທີ່ສຸດ, ເປີດອອກກາລະໂອກາດໃຫ້ຫລາຍປະເພດສິນຄ້າຜະລິດຕະພັນກະເສດ, ສິນໃນນ້ຳຂອງຫວຽດນາມ,ເປັນຕົ້ນແມ່ນເມື່ອສັນຍາຄູ່ຮ່ວມມືເສດຖະກິດຮອບດ້ານລະຫວ່າງຫວຽດນາມແລະUAE(CEPA)ຫາກໍ່ເລີ່ມເຊື່ອມຕໍ່ການເຈລະຈາຢູ່ໃນຂັ້ນລັດຖະມົນຕີ ເມື່ອວັນທີ 6 ເມສາປີ 2023.

26/04/2023

ເປັນຄັ້ງທຳອິດແຂວງ ກວາງຈິ ສົ່ງອອກເຂົ້າສານໄປຍັງ ເອີລົບ

(VOVWORLD) - ຫວ່າງແລ້ວນີ້, ເປັນຄັ້ງທຳອິດງວດເຂົ້າສານOganic 15 ໂຕນຂອງຊາວກະສິກອນແຂວງກ໋ວາງຈິໄດ້ສົ່ງອອກໄປຍັງຕະຫຼາດເອີລົບ, ລວມມີບັນດາປະເທດ: ເຢຍລະມັນ, ສ.ເຊັກໂກ, ຊູແອັດ, ຝລັ່ງ. ນີ້ແມ່ນບາດລ້ຽວສ້າງແງ່ຫວັງການກໍ່ສ້າງເຂດປູກຕົ້ນເຂົ້າ ແລະ ເຂົ້າສານ Oganic ສົ່ງອອກເພື່ອໃຫ້ຂະແໜງກະສິກຳກວາງຈິພັດທະນາແບບຍືນຍົງ. TRANSLATE with x English

18/04/2023

ອາຊີບຫັດຖະກຳທີ່ເປັນມູນເຊື້ອຂອງຮ່າໂນ້ຍ- ປະດິດຄິດສ້າງເພື່ອພັດທະນາ

(VOVWORLD) -ຫນຶ່ງໃນບັນດາຈຸດທີ່ເປັນເອກະລັກສະເພາະຂອງນະຄອນຫລວງຮ່າໂນ້ຍແຫ່ງອະລິຍະທຳນັບພັນປີແມ່ນຂີດໝາຍຂອງອາຊີບຫັດຖະກຳທີ່ເປັນມູນເຊື້ອ. ເຖິງຢ່າງໃດກໍຕາມປະຈຸບັນອາຊີບນີ້ຍັງຄົງຕ້ອງປະເຊີນຫນ້າກັບສິ່ງທ້າທາຍ ຍ້ອນຄວາມນິຍົມຂອງລູກຄ້າກໍ່ຄືການແກ້ງແຍ່ງຂອງບັນດາຜະລິດຕະພັນອຸດສາຫະກຳ. ຕົວຈິງນັ້ນຮຽກຮ້ອງໃຫ້ ຮ່າໂນ້ຍ ຕ້ອງຮັກສາຄຸນຄ່າທີ່ເປັນມູນເຊື້ອຂອງແຕ່ລະອາຊີບທັງຕ້ອງປະດິດຄິດສ້າງ, ປ່ຽນໃຫມ່ຜະລິດຕະພັນເພື່ອພັດທະນາ.

12/04/2023

ການສົ່ງອອກຜ່ານຜ່າສິ່ງທ້າທາຍເພື່ອສຳເລັດຄາດໝາຍການເຕີບໂຕຢູ່ໃນລະດັບ 6%

(VOVWORLD) -ໃນໄຕມາດ 1 ປີນີ້, ຍອດວົງເງິນສົ່ງອອກ ນຳເຂົ້າສິນຄ້າຂອງຫວຽດນາມ ບັນລຸກ່ວາ 154 ຕື້ USD. ເຖິງວ່າ ວົງເງິນສົ່ງອອກຫລຸດລົງກວ່າ 13% ເມື່ອທຽບໃສ່ໄລຍະດຽວກັນຂອງປີກາຍ, ແຕ່ ຫວຽດນາມ ຍັງຄົງຮັກສາດຸນການຄ້າ ແລະ ການສົ່ງອອກເກີນດຸນກວ່າ 4 ຕື້ USD, ສູງກວ່າລະດັບ 1,9 ຕື້ USD ຂອງປີ 2022 ແລະ 2,5 ຕື້ USD ຂອງປີ 2021. ນີ້ແມ່ນສັນຍານຕັ້ງຫນ້າເພື່ອໃຫ້ ຫວຽດນາມ ສຳເລັດຄາດໝາຍການເຕີບໂຕສົ່ງອອກ 6% ໃນປີນີ້. TRANSLATE with x English Arabic Hebrew Polish Bulgarian Hindi

04/04/2023

ຕ້ອງມີກຳລັງໜູນສຳລັບການເຕີບໂຕເສດຖະກິດໃນປີ 2023 ຫຼາຍກ່ວາອີກ

(VOVWORLD) - GDP ໄຕມາດທີ 1 ຂອງ ຫວຽດນາມ ພຽງແຕ່ເພີ່ມຂຶ້ນກ່ວາ 3,3% ແມ່ນໄດ້ສ່ອງແສງສອງບັນຫາໃຫຍ່. ທີໜຶ່ງເສດຖະກິດ ຫວຽດນາມ ໄດ້ຮັບຜົນກະທົບຢ່າງແຮງຈາກວິກິດການດ້ານເສດຖະກິດທົ່ວໂລກ. ສິ່ງນີ້ສະແດງໃຫ້ເຫັນຢ່າງຈະແຈ້ງ ເມື່ອວົງເງິນການສົ່ງອອກໃນໄຕມາດທີ 1 ຄາດວ່າບັນລຸກ່ວາ 79 ຕື້ USD, ຫຼຸດລົງເກືອບ 12%, ວົງເງິນການນຳເຂົ້າຄາດວ່າບັນລຸ 75 ຕື້ USD, ຫຼຸດລົງ 14,7%, ອັດຕາການເຕີບໂຕຂອງບັນດາຂະແໜງອຸດສາຫະກຳປຸງແຕ່ງ, ປະດິດແຕ່ງລ້ວນແຕ່ຫຼຸດລົງເມື່ອທຽບໃສ່ໄລຍະດຽວກັນຂອງປີກາຍ. ທີສອງ, ຄວາມໄວໃນການເພີ່ມ GDP ສະແດງໃຫ້ເຫັນກຳລັງພາຍໃນຂອງພື້ນຖານເສດຖະກິດພວມມີຂໍ້ບົກຜ່ອງ ໃນການບໍລິຫານຄຸ້ມຄອງແຫຼ່ງເງິນ, ເຊິ່ງກໍ່ຜົນກະທົບທາງລົບຕໍ່ຕະຫຼາດພັນທະບັດ ແລະ ບັນດາຂະແໜງການກໍ່ສ້າງ, ອະສັງຫາລິມະຊັບ. ດັ່ງນັ້ນ, ການບັນລຸໄດ້ເປົ້າໝາຍການເຕີບໂຕ 6,5%ຂອງພື້ນຖານເສດຖະກິດໃນປີ 2023ແມ່ນບໍ່ງ່າຍດາຍ. ທ່ານນາງ ຫງວຽນທິເຮືອງ, ຫົວໜ້າກົມໃຫຍ່ສະຖິຕິ, ກະຊວງແຜນການ ແລະ ການລົງທຶນ ຫວຽດນາມ ໃຫ້ຂໍ້ສັງເກດວ່າ: TRANSLATE with x English Arabic Hebrew Polish

02/04/2023

ວິສາຫະກິດ ຫວຽດນາມ ສ້າງແນວຄວາມຄິດສີຂຽວ, ການກະທຳສີຂຽວ ເພື່ອພັດທະນາແບບຍືນຍົງ

(VOVWORLD) -ເສດຖະກິດສີຂຽວ, ເສດຖະກິດໝູນວຽນ ນັບມື້ນັບໄດ້ເວົ້າເຖິງແລະ ປະຕິບັດຫຼາຍຂຶ້ນ. ໃນສະພາບການປ່ຽນແປງຂອງດິນຟ້າອາກາດ ໄດ້ສົ່ງຜົນກະທົບຢ່າງໃຫຍ່ຫຼວງຕໍ່ການຜະລິດດຳເນີນທຸລະກິດ ແລະ ປະສົບກັບຄວາມຫຍຸ້ງຍາກຫຼາຍຢ່າງ ຍ້ອນລະບົບສະໜອງຖືກຕັດຕອນ, ຄ່າວັດຖຸດິບເພີ່ມຂຶ້ນ ແລະ ມູນຄ່າການຜະລິດກໍ່ເພີ່ມຂຶ້ນ, ການຜະລິດສີຂຽວ ແມ່ນວິທີທີ່ດີເພື່ອໃຫ້ວິສາຫະກິດໝູນໃຊ້ວັດຖຸດິບ, ເພີ່ມມູນຄ່າຂອງການຜະລິດ ເພື່ອນຳມາເຊິ່ງລາຄາແກ້ງແຍ້ງໃຫ້ແກ່ຜະລິດຕະພັນ. ເພາະສະນັ້ນ, ນັບແຕ່ວິສາຫະກິດຂະໜາດນ້ອຍ, ຂະໜາດກາງ ຕະຫຼອດຮອດວິສາຫະກິດຂະໜາດໃຫຍ່ ລ້ວນແຕ່ປະຕິບັດ ແລະ ພວມມຸ່ງໄປສູ່ການຜະລິດສີຂຽວ.

28/03/2023

ການວາງແຜນຜັງ ແຂວງ ກວ໋າງນິງ: ຊຸກຍູ້ການເຕີບໂຕສີຂຽວ ແລະ ການຮ່ວມສຳພັນເຂດ

(VOVWORLD) -ກວ໋າງນິງ ແມ່ນແຂວງທຳອິດໃນເຂດທົ່ງພຽງແມ່ນ້ຳແດງທາງພາກເຫນືອ ທີ່ໄດ້ຮັບການເຊັນອະນຸມັດແຜນຜັງແຂວງ ໄລຍະແຕ່ປີ 2021 – 2030, ວິໄສທັດຮອດປີ 2050. ບໍ່ພຽງແຕ່ກຳນົດທິດພັດທະນາໃຫ້ກາຍເປັນທ້ອງຖິ່ນເຕີບໂຕສີຂຽວ ແລະ ຍືນຍົງເທົ່ານັ້ນ ຫາກການວາງແຜນຜັງຍັງສະແດງໃຫ້ເຫັນບົດບາດກຳລັງຫນູນຂອງແຂວງ ກວ໋າງນິງ ໃນທົ່ວເຂດເສດຖະກິດຈຸດສຸມຂອງພາກເຫນືອຢ່າງຈະແຈ້ງອີກດ້ວຍ.