ຮ່າໂນ້ຍ: ຮ້ານກາເຟທີ່​ມີ​ຄວາມເອກະລັກພິເສດ ປະດັບປະດາທຸງແດງດາວຄຳ ສະເຫຼີມສະຫຼອງ 80 ປີແຫ່ງວັນຊາດ ຫວຽດນາມ

(VOVWORLD) - ໃນຊຸມວັນຍາມລະດູໃບໄມ້ຫຼົ່ນແຫ່ງປະຫວັດສາດສະເຫຼີມສະຫຼອງ 80 ປີແຫ່ງວັນຊາດ ຫວຽດນາມ (2/9/1945-2/9/2025), ຮ້ານກາເຟ Cheka ຢູ່ເຂດຕົວເມືອງ ເຢືອງໂນ້ຍ, ຮ່າໂນ້ຍ ໄດ້ຮັບການປະດັບປະດາຢ່າງຟົດຟື້ນໄປດ້ວຍສີສັນທຸງຊາດສີແດງ...

Cheka ຄືໄດ້ຄຸມເສື້ອໃໝ່ທີ່ສວຍງາມດ້ວຍສີສັນອັນຮຸ່ງເຮືອງເຫຼືອງເຫຼື້ອມຂອງທຸງແດງດາວຄຳ, ແຕ່ລະມູມຂອງຮ້ານໄດ້ກາຍເປັນຄຳຕັກເຕືອນກ່ຽວກັບຄວາມເອກອ້າງທະນົງໃຈຂອງຊາດ.

ດ້ວຍບັນຍາກາດທີ່ພົ້ນເດັ່ນຂອງທຸງແດງດາວຄຳ, ສະຖານທີ່ແຫ່ງນີ້ໄດ້ກາຍເປັນໜຶ່ງໃນບັນດາຈຸດນັດພົບຂອງຫຼາຍຄົນພ້ອມກັບນ້ຳໃຈຮັກຊາດລວມ ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນຊາດ ທີ 2 ກັນຍາ,

ນະທີ່ນີ້, ຢູ່ແຕ່ລະມູມລ້ວນແຕ່ໄດ້ເຊື່ອມຕົວເຂົ້າກັບປະຫວັດສາດອັນອົງອາດກ້າຫານ, ເຊື້ອເຊີນລູກຄ້າມາຖ່າຍຮູບ ແລະ ຮູ້ສຶກໄດ້ເຖິງຄຸນຄ່າກ່ຽວກັບເອກະລາດ, ເສລີພາບຂອງຊາດຢ່າງເລິກເຊິ່ງກ່ວາ.

ເອື້ອຍ ຫງວຽນບາວເງິນ ເຈົ້າຂອງຮ້ານໃຫ້ຮູ້ວ່າ ບ່ອນ check-in ວິທະຍຸກະຈາຍສຽງ ຫວຽດນາມ ດຶງດູດຜູ້ຄົນຫຼາຍທີ່ສຸດ. ຢູ່ບ່ອນນີ້, ແຂກຍັງໄດ້ຮັບຟັງຄືນສຽງເວົ້າຂອງປະທານໂຮ່ຈີມິນ ອ່ານບົດຖະແຫຼງການປະກາດເອກະລາດ ແລະ ລາຍການກະຈາຍສຽງຂອງວິທະຍຸກະຈາຍສຽງ ຫວຽດນາມ ຈຳນວນໜຶ່ງ. ເອື້ອຍ ເງິນ ແບ່ງປັນດ້ວຍຄວາມຕື້ນຕັນໃຈວ່າ ບັນດາສະມາຊິກໃນຮ້ານ ຢາກຫັນສະຖານທີ່ໃນຊຸມວັນລະດູໃບໄມ້ຫຼົ່ນປະຫວັດສາດນີ້ກາຍເປັນຄຳຕັກເຕືອນກ່ຽວກັບຄວາມເອກອ້າງທະນົງໃຈຂອງຊາດ.

ບັນດາວັດຖຸ ຢູ່ສະຖານທີ່ check-in ວິທະຍຸກະຈາຍສຽງ ຫວຽດນາມ ໂດຍບັນດາສະມາຊິກໃນຮ້ານເລືອກ ແລະ ວາງສະແດງຢ່າງພິຖີພິຖັນ.

Cheka ບໍ່ພຽງແຕ່ແມ່ນສະຖານທີ່ນັດພົບຂອງຜູ້ມັກຮັກກາເຟເທົ່ານັ້ນ ຫາກຍັງແມ່ນສະຖານທີ່ເກັບຮັກສາ ແລະ ແຜ່ກະຈາຍນ້ຳໃຈຮັກຊາດອີກດ້ວຍ.

ສາຍຕາທີ່ລະມຸນຂອງພວກນ້ອງນ້ອຍໃນສະຖານທີ່ເຕັມໄປດ້ວຍສີສັນທຸງຊາດ.

ກຸ່ມເພື່ອນໜຸ່ມຮ້ອງໂຮດັງກ້ອງ “ຂ້ອຍຮັກ ຫວຽດນາມ” ແລະ ບັນທຶກຄວາມຊົງຈຳທີ່ເປັນໜ້າເອກອ້າງທະນົງໃຈໃນຊຸມວັນຂອງລະດູໃບໄມ້ຫຼົ່ນປະຕິວັດ.