ຮ່ວມມ່ວນຊື່ນກັບພໍ່ແມ່ພີ່ນ້ອງຊາວເຜົ່າ ຮ່າຍີ່, ແຂວງ ລາຍເຈົາ ໃນບຸນປີໃໝ່ ໂຮ່ຊຶຈ່າ

(VOVWORLD) - ໃນບັນຍາກາດທີ່ອົບອຸ່ນຍາມຕົ້ນປີ ໄລ່ຕາມຈັນທະປະຕິທິນ ຂອງເຜົ່າຕົນ, ພໍ່ແມ່ພີ່ນ້ອງຊາວເຜົ່າ ຮ່າຍີ່ ຢູ່ໝູ່ບ້ານແຫ່ງຕ່າງໆໆໃນເຂດຊາຍແດນເມືອງ ເມື່ອງແຕ່ (ແຂວງລາຍເຈົາ) ພວມມ່ວນຊື່ນກັບບຸນປີໃໝ່ ໂຮ່ຊຶຈ່າ, ດ້ວຍຄວາມປາດຖະໜາວ່າ ປີໃໝ່ຈະສະດວກດີ, ດິນຟ້າອຳນວຍຄວາມສະດວກ, ລະດູການປູກຝັງໄດ້ຮັບຜົນດີ.

ໃນວັນທີ 1 ເດືອນພະຈິກ ໄລ່ຕາມຈັນທະປະຕິທິນ, ໝູ່ບ້ານແຫ່ງຕ່າງໆຂອງຊາວເຜົ່າ ຮ່າຍີ່ ຢູ່ບັນດາຕາແສງເຂດຊາຍແດນ ເມືອງ ເມື່ອງແຕ່ (ແຂວງ ລາຍເຈົາ) ພາກັນຕ້ອນຮັບລະດູບານໃໝ່, ປີໃໝ່ ດ້ວຍຄວາມຄຶກຄື້ນມ່ວນຊື່ນ.

ຊາວເຜົ່າ ຮ່າຍີ່ ຢູ່ບັນດາໝູ່ບ້ານໃນຕາແສງ ຕ໊າປະ, ໝູ່ກ້າ, ທູຫຼູມ, ກາລັງຕ້ອນຮັບບຸນປີໃໝ່ທີ່ເປັນມູນເຊື້ອຂອງເຜົ່າຕົນ - ວັນບຸນ ໂຮ່ຊຶຈ່າ ດ້ວຍຄວາມເບີກບານມ່ວນຊື່ນ.

ຕອນເຊົ້າວັນທີ 1 ບຸນເຕັດ (ວັນທີ 1 ເດືອນ 11 ໄລ່ຕາມຈັນທະປະຕິທິນຂອງທຸກໆປີ), ຊາວເຜົ່າ ຮ່າຍີ່ ຈະພາກັນໄປຕັກນ້ຳຢູ່ບໍ່ນ້ຳແຕ່ເຊົ້າມາເຮັດພາເຂົ້າບູຊາ ແລະ ໃຊ້ໃນຊຸມວັນບຸນ.

ນັບແຕ່ຮຸ່ງເຊົ້າ, ພວກປ້າພວກແມ່ຈະໜຶ້ງເຂົ້າໜຽວ ເພື່ອກະກຽມເຮັດເຂົ້າໜົມໄຢ່

ເຂົ້າໜົມໄຢ່ໃນບຸນປີໃໝ່ຂອງຊາວເຜົ່າ ຮ່າຍີ່ ມີຮູບວົງມົນ ໝາຍເຖິງຟ້າ - ດິນ ແລະ ຫອມໜຽວ ຖືເອົາກິ່ນຫອມຂອງພູຜາປ່າໄມ້

ພາຍຫຼັງກະກຽມສຳເລັດ, ພໍ່ແມ່ພີ່ນ້ອງຊາວເຜົ່າ ຮ່າຍີ່ ຈະຖະຫວາຍເຄື່ອງຂອງບູຊາແດ່ບັນພະບຸລຸດ, ເທວະດາຟ້າແຖນ ເພື່ອສະແດງຄວາມຮູ້ບຸນຄຸນທີ່ໄດ້ອຸປະຖຳຄ້ຳຊູໃຫ້ປີເກົ່າມີຄວາມສະຫງົບສຸກ ແລະ ພາວະນາໃຫ້ປີໃໝ່ດິນຟ້າອາກາດເອື້ອອຳນວຍຄວາມສະດວກ, ລະດູການໄດ້ຮັບຜົນດີ.

ພາຍຫຼັງພິທີໄຫວ້ບູຊາບັນພະບຸລຸດ, ລູກຫຼານຈະເລືອກເອົາເຄື່ອງຂອງບູຊາທີ່ແຊບທີ່ສຸດເພື່ອຕ້ອນປູຍ່າ, ພໍ່ແມ່ ເພື່ອສະແດງຄວາມກະຕັນຍູຍາມຕົ້ນປີ

ຊີ້ນໝູຢ້າງແມ່ນເຍື່ອງອາຫານແຊບ ແລະ ຂາດບໍ່ໄດ້ໃນຊຸມວັນບຸນເຕັດຂອງຊາວເຜົ່າ ຮ່າຍີ່

ເອື້ອຍນ້ອງແມ່ຍິງກະກຽມຊຸດອາພອນໃໝ່, ສວຍງາມທີ່ສຸດ ເພື່ອນຸ່ງຕ້ອນຮັບລະດູບານໃໝ່, ພົບປະໝູ່ເພື່ອນ

ບຸນເຕັດຂອງຊາວເຜົ່າ ຮ່າຍີ່ ຢູ່ ເມື່ອງແຕ່ ປົກກະຕິດຳເນີນພາຍໃນ 5 ວັນ ດ້ວຍກິດຈະກຳລະຫຼີ້ນ, ອວຍພອນເຊິ່ງກັນ ແລະ ກັນໃຫ້ພົບແຕ່ສິ່ງດີໆໃນປີໃໝ່

ບໍ່ຈຳແນກອາຍຸ, ຜູ້ເຖົ້າຫຼືຜູ້ໜຸ່ມ, ໃຜໆກໍເປົ່າແຄນໃບໄມ້ເພື່ອເຊີນຊ່ວນກັນ, ສຽງແຄນດັງຂຶ້ນທົ່ວເຂດພູຜາປ່າໄມ້

ຍ່າກັບຫຼານຊາວເຜົ່າ ຮ່າຍີ່ ຢູ່ບ້ານ ແມ໊ຢອງ, ຕາແສງ ກາລັງ ຕ້ອນຮັບລະດູບານໃໝ່ດ້ວຍຄວາມມ່ວນຊື່ນ

ແລກປ່ຽນວັດທະນະທຳ, ສະແດງສິລະປະ ແມ່ນການເຄື່ອນໄຫວທີ່ຂາດບໍ່ໄດ້ໃນຊຸມວັນບຸນເຕັດຂອງຊາວເຜົ່າ ຮ່າຍີ່

ທ່ານ ຫວູແມ້ງຮ່າ ກຳມະການສຳຮອງຄະນະບໍລິຫານງານສູນກາງພັກ, ຮອງເລຂາຜູ້ປະຈຳການຄະນະພັກແຂວງ ລາຍເຈົາ ມອບຂອງຂວັນອວຍພອນບຸນເຕັດທີ່ເປັນປະເພນີຂອງຊາວເຜົ່າ ຮ່າຍີ່ ຢູ່ບ້ານ ແໝ໊ຢ໊ອງ, ຕາແສງ ກາລັງ

ໃນຊຸມວັນບຸນເຕັດ, ບັນດາໝູ່ບ້ານຂອງຊາວເຜົ່າ ຮ່າຍີ່ ຕ້ອນຮັບແຂກມາຮ່ວມມ່ວນຊື່ນ, ຄົ້ນຫາ, ຊອກຮູ້ວັດທະນະທຳເປັນຈຳນວນຫຼາຍ

ສີສັນລະດູບານໃໝ່ໃນໝູ່ບ້ານແຫ່ງຕ່າງໆຂອງຊາວເຜົ່າ ຮ່າຍີ່ ຢູ່ເມືອງ ເມື່ອງແຕ່, ແຂວງ ລາຍເຈົາ