មណ្ឌលកេរ្តិ៍ដំណែលលោកប្រធានហូជីមិញនៅវិមានប្រធានរដ្ឋ បានបើកការតាំងពិព័រណ៌ក្រោមប្រធានបទ “ជ័យជំនះប្រវត្តិសាស្ត្រ Dien Bien Phu - វីរចម្រៀងនៃសម័យហូជីមិញ”។ ការតាំងបង្ហាញបានឧទ្ទេសនាមរូបថតឯកសារចំនួន ១៣០ ដែលបង្ហាញទស្សនៈនិងការវាយតម្លៃប្រកបដោយសត្យានុម័ត អំពីតម្លៃប្រវត្តិសាស្ត្រ ឋានៈ និងសារៈសំខាន់នៃយុទ្ធនាការ Dien Bien Phu និងអំពីគោលនយោបាយដ៏ត្រឹមត្រូវរបស់បក្សកុម្មុយនិស្តវៀតណាមក្រោមការដឹកនាំរបស់លោកប្រធានហូជីមិញ។ ការតាំងពិព័រណ៍នេះបានប្រព្រឹត្តិទៅរហូតដល់ចុងខែកញ្ញា។
 គណៈប្រតិភូបានទស្សនាការតាំងពិព័រណ៌ប្រធានបទ “ជ័យជំនះប្រវត្តិសាស្ត្រ Dien Bien Phu - វីរចម្រៀងនៃសម័យហូជីមិញ”។ រូបថត៖ nhandan.vn |
នៅទីក្រុងហូជីមិញ គណៈកម្មាធិការរៀបចំការប្រារព្ធពិធីបុណ្យធំៗនៅទីក្រុងហូជីមិញបានរៀបចំការតាំងពិព័រណ៌ “ជ័យជំនះ Dien Bien Phu - កម្លាំងរបស់វៀតណាម ភាពរឹងមាំនៃយុគសម័យ” នៅទីតាំងចំនួន ៣៖ វិថីដើរថ្មើរជើង Nguyen Hue វិថី Dong Khoi និងទល់មុខឧទ្យាន Chi Lang ។ ពិព័រណ៍នេះបានប្រព្រឹត្តីទៅរហូតដល់ថ្ងៃទី១២ ខែឧសភា។
 ពិព័រណ៍ “ជ័យជំនះ Dien Bien Phu - កម្លាំងរបស់វៀតណាម ភាពរឹងមាំនៃសម័យកាល” នៅវិថីដើរថ្មើរជើង Nguyen Hue ទីក្រុងហូជីមិញ។ រូបថត៖ TTXVN |
នាយប់ថ្ងៃដដែល នៅវិមាន Cam Tu (ខ័ណ្ឌ Hoan Kiem ទីក្រុងហាណូយ) បានប្រព្រឹត្តិទៅការបញ្ចាំងផ្ទាំងគំនូរ "យុទ្ធនាការ Dien Bien Phu" ដោយប្រើប្រាស់បច្ចេកវិទ្យា 3D។ នេះជាផ្ទាំងគំនូរបែប Panorama ដែលបង្ហាញឡើងវិញនូវប្រវត្តិសាស្ត្រវីរភាព ជួយប្រជាជនក្នុងស្រុក និងមិត្តភក្កិអន្តរជាតិឱ្យមានអារម្មណ៍ និងយល់កាន់តែច្បាស់អំពីដំណើរការ និងសារៈសំខាន់ប្រវត្តិសាស្ត្រនៃជ័យជំនះ Dien Bien Phu។ កម្មវិធីនេះ បានប្រព្រឹត្តិទៅរហូតដល់ថ្ងៃទី ០៥ ខែឧសភា៕
