ការរកឃើញវៀតណាម

19/06/2024

សារមន្ទីរសារព័ត៌មានវៀតណាម៖ ទីកន្លែងដែលនិទានរឿងអំពីប្រវត្តិសាស្ត្រសារព័ត៌មានតាមរយៈវត្ថុអនុស្សាវរីយ៍

(VOVWORLD) - កាលពី៤ឆ្នាំមុន នាថ្ងៃទី ១៩ ខែមិថុនា ឆ្នាំ ២០២០ សារមន្ទីរសារព័ត៌មានវៀតណាម ដែលស្ថិតនៅក្នុងអគារសមាគមអ្នកកាសែតវៀតណាម តាមវិថី Duong Dinh Nghe រដ្ឋធានីហាណូយ បានបើកសម្ពោធជាផ្លូវការដើម្បីទទួលស្វាគមអ្នកទស្សនា។ វត្ថុអនុស្សាវរីយ៍ជាង ២ ម៉ឺន ត្រូវបានតាំងបង្ហាញប្រកបដោយភាពច្នៃប្រឌិត និងរស់រវើកលើផ្ទៃដី ១៥០០ ម៉ែត្រការ៉េនៅសារមន្ទីរ ប្រៀបប្រដូចជាខ្សែភាពយន្តមួយអំពីដំណាក់កាលនីមួយៗក្នុងដំណើរការអភិវឌ្ឍរបស់សារព័ត៌មានវៀតណាម។

12/06/2024

Mu Cang Chai ក្នុងរដូវទឹកធ្លាក់ - ផ្ទាំងគំនូរដ៏ស្រស់បំព្រងនៅតំបន់ភ្នំ ភាគពាយ័ព្យ

(VOVWORLD) - ក្នុងអំឡុងខែឧសភានិងខែមិថុនា ជារៀងរាល់ឆ្នាំ ទេសភាពនៃវាលស្រែកាំជណ្ដើរនៅស្រុក Mu Cang Chai (ខេត្ត Yen Bai) ប្រៀបប្រដូចជាផ្ទាំងគំនូរដ៏ស្រស់បំព្រងមួយផ្ទាំងអញ្ចឹង។ នោះជាពេលដែលបងប្អូនជនជាតិ Mong នាំទឹកហូរចូលទៅវាលស្រែកាំជណ្ដើរ ដែលធ្វើឲ្យវាលស្រែទាំងនេះមើលទៅដូចកញ្ចក់យក្សមួយផ្ទាំង ឆ្លុះបញ្ចាំងពីរូបភាពពពក ព្រៃភ្នំ និងដើមឈើ។ អាស្រ័យហេតុនេះ រដូវទឹកធ្លាក់បានក្លាយជារដូវដ៏ស្រស់ស្អាតបំផុតប្រចាំឆ្នាំនៅ Mu Cang Chai ហើយទាក់ទាញភ្ញៀវទេសចរមកទស្សនា និងទទួលបទពិសោធន៍យ៉ាងច្រើនកុះករ។

05/06/2024

ដំណើរកម្សាន្តលើផ្លូវរថភ្លើងដ៏ស្រស់ស្អាតបំផុតនៅប្រទេសវៀតណាម

(VOVWORLD) - រថភ្លើងទេសចរណ៍ដែលមានឈ្មោះថា “ដំណើរតភ្ជាប់បេតិកភណ្ឌភូមិភាគកណ្ដាល” ដែលតភ្ជាប់ខេត្ត Thua Thien Hue ជាមួយទីក្រុង Da Nang បានដំណើរការជាផ្លូវការចាប់ពីថ្ងៃទី ២៦ ខែមីនា។ នេះជាដំណើរកម្សាន្តដោយរថភ្លើង ដែលបានឆ្លងកាត់ខ្សែផ្លូវរថភ្លើងដ៏ស្រស់ស្អាតបំផុតនៅប្រទេសវៀតណាម។ ភ្ញៀវទេសចរដែលធ្វើដំណើរតាមរថភ្លើង អាចគយគន់ទេសភាពដ៏ស្រស់បំព្រងបំផុត ជាពិសេសគឺចំណោតជម្រាលភ្នំ Hai Van និងឈូងសមុទ្រ Lang Co។

29/05/2024

ផ្សារស្នេហា Xuan Duong៖ ពិធីបុណ្យដ៏វិសេសវិសាលរបស់ជនជាតិ Nung នៅ Bac Kan

(VOVWORLD) - ផ្សារស្នេហា Xuan Duong គឺជាពិធីបុណ្យដ៏វិសេសវិសាលរបស់បងប្អូនជនជាតិ Nung នៅឃុំ Xuan Duong ស្រុក Na Ri ខេត្ត Bac Kan។ ពិធីបុណ្យនេះមានប្រវត្តិយូរលង់ណាស់មកហើយ ជាមួយនឹងសកម្មភាពវប្បធម៌ សិល្បៈប្លែកៗជាច្រើន។ ជាពិសេស ផ្សារស្នេហា គឺជាឱកាសសម្រាប់គូស្នេហ៍ដែលធ្លាប់ស្រឡាញ់គ្នាតែមិនអាចរៀបការជាមួយគ្នា ឬមិត្តភក្តិចាស់ៗកាលពីមុន បានជួបជុំគ្នាម្តងទៀតក្នុងបរិយាកាសពោរពេញទៅដោយមនោសញ្ចេតនានៃចង្វាក់ភ្លេង Sli។

15/05/2024

រីករាយនឹងបទពិសោធន៍ទេសចរណ៍សហគមន៍នៅភូមិ Miền

(VOVWORLD) - មន្ទីរទេសចរណ៍ហាណូយ និងគណៈកម្មាធិការប្រជាជនស្រុក Ba Vi ទើបនឹងរៀបចំពិធីប្រកាសទីកន្លែងទេសចរណ៍សហគមន៍ភូមិ Mien នៅភូមិ Hop Son ឃុំ Ba Vi ទីក្រុងហាណូយ។ ដោយមានប្រៀបខ្លាំងជាម្ចាស់កម្មសិទ្ធិនៃ "កំណប់ទ្រព្យ" ដែលមិនអាចកាត់ថ្លៃបាននោះគឺរបរផ្សំរុក្ខជាតិឱសថបុរាណ ភូមិ Mien ត្រូវបានគេរំពឹងថា នឹងជាគោលដៅដ៏គួរឱ្យចាប់អារម្មណ៍សម្រាប់ភ្ញៀវទេសចរ ដើម្បីរីករាយនឹងបទពិសោធន៍នៃការថែទាំសុខភាពដោយរុក្ខជាតិឱសថ។

13/05/2024

Xin Man - Ha Giang៖ សម្រស់ទឹកដីព្រំប្រទល់នៃមាតុភូមិ

(VOVWORLD) - Xin Man ជាស្រុកមួយដែលស្ថិតនៅភាគពាយព្យនៃខេត្ត Ha Giang។ អាស្រ័យដោយមានធនធានធម្មជាតិដ៏សម្បូរបែប វប្បធម៌វិសេសវិសាល ទេសភាពស្រស់បំព្រងនិងកេរ្តិ៍ដំណែលប្រវត្តិសាស្ត្រជាច្រើន Xin Man គឺជាទីកន្លែងគួរឲ្យទាក់ទាញសម្រាប់ភ្ញៀវទេសចរ។

08/05/2024

បទពិសោធន៍ទេសចរណ៍ដ៏ស្និទ្ធស្នាលជាមួយសត្វដំរីនៅឧទ្យានជាតិ Yok Don

(VOVWORLD) - អ្នកទស្សនានៅពេលមកដល់ឧទ្យានជាតិ Yok Don ស្រុក Buon Don ខេត្ត Dak Lak ម្ដងៗ នឹងអាចចូលគយគន់ព្រៃព្រឹក្សា ស្វែងយល់ពីសកម្មភាពប្រចាំថ្ងៃរបស់សត្វដំរី មើលដំរីពីចម្ងាយ មើលពួកវាស៊ីផឹកទឹក ងូតទឹក និងដើរកម្សាន្តក្នុងព្រៃ។ ទាំងនេះគឺជាសកម្មភាពក្នុងកម្មវិធីទេសចរណ៍ស្និទ្ធស្នាលជាមួយសត្វដំរី ដែលត្រូវបានអនុវត្តន៍នៅឧទ្យានជាតិ Yok Don អស់រយៈពេលជិត ៦ ឆ្នាំកន្លងមក។

29/04/2024

អភិរក្សនិងពង្រីកតម្លៃប្រវត្តិសាស្ត្រនៃ “ព្រៃឈើនាយឧត្តមសេនីយ៍ Vo Nguyen Giap”

(VOVWORLD) - “ព្រៃឈើនាយឧត្តមសេនីយ Vo Nguyen Giap” ស្ថិតនៅភូមិ Nhot ឃុំ Gia Phu ស្រុក Phu Yen (Son La)។ នេះមិនត្រឹមតែជាកេរ្តិ៍ដំណែលប្រវត្តិសាស្ត្រប្រកបដោយអត្ថន័យប៉ុណ្ណោះទេ ថែមទាំងជាកន្លែងកត់សម្គាល់នូវមនោសញ្ចេតនារបស់ជនរួមជាតិបណ្ដាជនជាតិនៅខេត្ត Son La និងតំបន់ភាគពាយ័ព្យចំពោះលោកនាយឧត្តមសេនីយ៍ និងកងទ័ពវៀតណាមក្នុងយុទ្ធនាការ Dien Bien Phu កាលពី ៧០ ឆ្នាំមុនទៀតផង។

24/04/2024

ផ្លូវបំបែកជាបី Co Noi - បទចម្រៀងវីរភាពអមតៈក្នុងយុទ្ធនាការ Dien Bien Phu

(VOVWORLD) - ជាចំណុចប្រសព្វនៃខ្សែផ្លូវចរាចរណ៍តភ្ជាប់តំបន់ដីសណ្តប៉ែកខាងជើង តំបន់បដិវត្តន៍ Việt Bắc អន្តរតំបន់ ៣ (Hai Phong, Kien An, Thai Binh, Hung Yen, Hai Duong), អន្តរតំបន់ ៤ (Thanh Hoa, Nghe An, Ha Tinh, Quang Binh, Quang Tri, Thua Thien) ជាមួយសមរភូមិ Dien Bien Phu ផ្លូវបំបែកជាបី Co Noi ចំណុះភូមិសាស្ត្រឃុំ Co Noi ស្រុក Mai Son ខេត្ត Son La គឺជាចំណុចផ្លូវចរាចរណ៍ដ៏សំខាន់នៅលើខ្សែផ្លូវភ្លើង។ នៅទីនេះ សាច់ស្រស់ឈាមស្រស់របស់កម្មាភិបាល យុទ្ធជន យុវជនស្ម័គ្រចិត្ត និងប្រជាជនរាប់មិនអស់ត្រូវបានបង្ហូរ រួមចំណែកសរសេរបទចម្រៀងវីរភាពអមតៈសម្រាប់ជ័យជំនះ Dien Bien Phu (៧ ឧសភា ១៩៥៤)។

17/04/2024

ឃ្លាំងឯកសារបណ្ណសារជាតិស្ដីពីយុទ្ធនាការ Dien Bien Phu

(VOVWORLD) - ក្នុងឱកាសរំលឹកខួបលើកទី ៧០ នៃជ័យជំនះ Dien Bien Phu (៧ ឧសភា ១៩៥៤ - ៧ ឧសភា ២០២៤) និងខួបលើកទី ៧០ នៃទិវាចុះហត្ថលេខាលើកិច្ចព្រមព្រៀងទីក្រុងហ្សឺណែវ (២០ កក្កដា ១៩៥៤ - ២០ កក្កដា ២០២៤) នាពេលថ្មីៗនេះ នៅទីក្រុងហាណូយ មជ្ឈមណ្ឌលបណ្ណសារជាតិ ៣ នៃនាយកដ្ឋានបណ្ណសារជាតិ (ក្រសួងមហាផ្ទៃ) បានឧទ្ទេសនាមឯកសារបណ្ណសារជាតិស្តីពីយុទ្ធនាការ Dien Bien Phu និងសន្និសីទទីក្រុងហ្សឺណែវឆ្នាំ ១៩៥៤។ នេះគឺជាលើកដំបូងហើយ ដែលឃ្លាំងឯកសារបណ្ណសារស្ដីពីយុទ្ធនាការ Dien Bien Phu ត្រូវបានតាំងបង្ហាញដល់ សាធារណៈជន។