(VOVWORLD) - ថ្ងៃទី ១៩ ខែវិច្ឆិកាឆ្នាំនេះ ជាថ្ងៃគូសសម្គាល់រយៈពេល ១ពាន់ថ្ងៃ នៃការផ្ទុះឡើងជម្លោះរុស្ស៊ី - អ៊ុយក្រែន (២៤ កុម្ភៈ ២០២២)។ ជម្លោះនៅតែមានបម្រែបម្រួលដែលពិបាកព្យាករណ៍បាន ប៉ុន្តែមានក្តីសង្ឃឹមខ្លះថា ជម្លោះអាចនឹងបញ្ចប់តាមរយៈផ្លូវការទូតក្នុងពេលឆាប់ៗនេះ។
(VOVWORLD) - លោកប្រធានរដ្ឋ Luong Cuong និងគណៈប្រតិភូជាន់ខ្ពស់វៀតណាមទើបតែបានបញ្ចប់ដោយជោគជ័យនូវដំណើរទស្សនកិច្ចជាផ្លូវការនៅសាធារណរដ្ឋឈីលី និងសាធារណរដ្ឋប៉េរូ និងចូលរួមសប្ដាហ៍កិច្ចប្រជុំកំពូលនៃកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ឆ្នាំ ២០២៤។ ដំណើរទស្សនកិច្ចនេះទទួលបានលទ្ធផលលេចធ្លោជាច្រើន ហើយពូនជ្រុំទំនាក់ទំនងមិត្តភាពសហប្រតិបត្តិការជាមួយឈីលី និងប៉េរូ បើកឱកាសសហប្រតិបត្តិការថ្មីៗជាច្រើន។ ទន្ទឹមនឹងនោះ បន្តអះអាងនូវការរួមចំណែកយ៉ាងសកម្មនិងប្រកបដោយទំនួលខុសត្រូវរបស់វៀតណាមក្នុងយន្តការសហប្រតិបត្តិការពហុភាគី APEC ផងដែរ។
(VOVWORLD) - លោកនាយករដ្ឋមន្ត្រី Pham Minh Chinh និងភរិយានឹងដឹកនាំគណៈប្រតិភូជាន់ខ្ពស់វៀតណាម អញ្ជើញទៅចូលរួមកិច្ចប្រជុំកំពូល G20 នៅទីក្រុង Rio de Janeiro ប្រទេសប្រេស៊ីល ពីថ្ងៃទី ១៦ ដល់ថ្ងៃទី ១៩ ខែវិច្ឆិកា តបតាមការអញ្ជើញរបស់ប្រធានាធិបតីប្រេស៊ីល ប្រធាន G20 ឆ្នាំ២០២៤ លោក Luiz Inácio Lula da Silva និងភរិយា ហើយបំពេញដំណើរទស្សនកិច្ចជាផ្លូវការនៅសាធារណរដ្ឋ ដូមីនីកែន ពីថ្ងៃទី១៩ ដល់ថ្ងៃទី២១ ខែវិច្ឆិកា តបតាមការអញ្ជើញរបស់ប្រធានាធិបតីនៃសាធារណរដ្ឋដូមីនីកែន លោក Luis Abinader និងភរិយា។
(VOVWORLD) - វៀតណាមកំពុងរៀបចំទិវាបុណ្យមហាសាមគ្គីជនជាតិទាំងមូលនៅតាមតំបន់លំនៅដ្ឋាន ដើម្បីអបអរសាទរទិវាបង្កើត រណសិរ្សមាតុភូមិវៀតណាម (១៨ វិច្ឆិកា)។ ប្រពៃណីសាមគ្គីភាពរាប់ពាន់ឆ្នាំ បានជួយប្រជាជាតិវៀត ណាមដណ្តើមបានឯករាជ្យ សេរីភាព កសាង និងអភិវឌ្ឍន៍ប្រទេសជាតិ។ ស្មារតីនៃផែនមហាសាមគ្គីដើរតួនាទីកាន់តែសំខាន់ក្នុងយុគសម័យថ្មី របស់ប្រជាជាតិវៀតណាម។
(VOVWORLD) - នាថ្ងៃទី ១៣ ខែវិច្ឆិកា ដំណាក់កាលទី ១ នៃសម័យប្រជុំលើកទី ៨ រដ្ឋសភាវៀតណាមនីតិកាលទី ១៥ បានបិទបញ្ចប់ក្រោយរយៈពេល ១៩ថ្ងៃកន្លះ ធ្វើការ។ ក្នុងដំណាក់កាលទី១នេះ រដ្ឋសភាបានបង្ហើយការងារបុគ្គលិក សួរដេញដោលនិងឆ្លើយសំណួរដេញដោល ពិភាក្សាអំពីបញ្ហាសេដ្ឋកិច្ចសង្គម និងអនុម័តលើសេចក្តីសម្រេចចិត្តអភិវឌ្ឍន៍សេដ្ឋកិច្ច-សង្គមឆ្នាំ២០២៥។
(VOVWORLD) - ចាប់ពីថ្ងៃទី ១១ ដល់ថ្ងៃទី ១៦ ខែវិច្ឆិកា នៅទីក្រុងលីម៉ា ប្រទេសប៉េរូ សប្តាហ៍កំពូលនៃវេទិការសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) លើកទី ៣១ ត្រូវបានរំពឹងថានឹងរក្សាសន្ទុះកិច្ចសន្ទនាដ៏សំខាន់រវាងសេដ្ឋកិច្ចសមាជិក តាមនោះ ជំរុញកំណើនក្នុងបរិបទពាណិជ្ជកម្មពិភពលោកដែលកំពុងប្រឈមមុខនឹងបញ្ហាជាច្រើន។
(VOVWORLD) - នៅថ្ងៃទី ១១ ខែវិច្ឆិកា សន្និសីទលើកទី ២៩ នៃបណ្ដាភាគីដែលចូលរួមអនុសញ្ញាក្របខ័ណ្ឌអង្គការសហប្រជាជាតិស្តីពីការប្រែប្រួលអាកាសធាតុ (COP២៩) បានប្រព្រឹត្តទៅនៅទីក្រុងបាគូ ប្រទេស Ajecbaizan។ ចូលរួម COP ២៩ វៀតណាមគាំទ្រទស្សនៈដែលថា ប្រទេសអភិវឌ្ឍន៍ចាំបាច់ត្រូវធានាគោលដៅហិរញ្ញវត្ថុអាកាសធាតុ ហើយប្រកាសជាសាធារណៈនិងប្រកបដោយតម្លាភាពនូវប្រភពចំណូល និងចំណាយតាមរយៈរបាយការណ៍ប្រចាំឆ្នាំ។ វៀតណាមស្នើថា ការចំណាយលើការសម្របខ្លួននិងការកាត់បន្ថយផលប៉ះពាល់គួរតែមានភាពស្រដៀងគ្នា។
(VOVWORLD) - ទទួលសេចក្ដីអញ្ជើញរបស់ប្រធានាធិបតីនៃសាធារណរដ្ឋឈីលី លោក Gabriel Boric Font និងប្រធានាធិបតីនៃសាធារណរដ្ឋប៉េរូ លោកស្រី Dina Ercilia Boluarte Zegarra ប្រធានរដ្ឋវៀតណាម លោក Luong Cuong នឹងអញ្ជើញទៅបំពេញទស្សនកិច្ចជាផ្លូវការនៅសាធារណរដ្ឋឈីលី និងសាធារណរដ្ឋប៉េរូ និងចូលរួមកិច្ចប្រជុំកំពូលវេទិកាសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ឆ្នាំ ២០២៤ ចាប់ពីថ្ងៃទី ៩ ដល់ថ្ងៃទី ១៦ ខែវិច្ឆិកា។ ដំណើរទស្សនកិច្ចលើកនេះ រួមចំណែកក្នុងការបន្តពង្រឹងទំនាក់ទំនងមិត្តភាពជាប្រពៃណី ពង្រឹងទំនុកចិត្តនយោបាយ ជំរុញទំនាក់ទំនងរវាងវៀតណាមជាមួយឈីលី និងប៉េរូ ហើយបង្កើនការសម្របសម្រួលជាមួយបណ្តាប្រទេសក្នុងការឆ្លើយតបនឹងបញ្ហាប្រឈមជាសកលនានា ទន្ទឹមនឹងនោះ បង្ហាញសារអំពីយុគសម័យថ្មីនៃការស្ទុះឈានទៅមុខរបស់ប្រទេសជាតិផងដែរ។
(VOVWORLD) - ថ្ងៃទី ៩ ខែវិច្ឆិកា ជារៀងរាល់ឆ្នាំ គឺជាទិវាច្បាប់វៀតណាម ជាទិវាលើកតម្កើងរដ្ឋធម្មនុញ្ញ ច្បាប់ និងអប់រំមនុស្សគ្រប់រូបនៅក្នុងសង្គមអំពីការគោរពច្បាប់ដោយយកច្បាប់ជាចម្បង។ ក្រោយរយៈពេលជិត ៤០ ដំណើរការផ្លាស់ប្តូរថ្មីប្រទេសជាតិ ប្រព័ន្ធច្បាប់របស់វៀតណាមបាន កែសម្រួលគ្រប់វិស័យនៃជីវភាពរស់នៅ ឆ្លើយ តបទៅនឹងតម្រូវការគ្រប់គ្រង និងអភិវឌ្ឍន៍របស់ប្រទេសជាតិកាន់តែល្អពីមួយថ្ងៃទៅមួយថ្ងៃ។ នៅចំពោះមុខឱកាសអភិវឌ្ឍន៍ថ្មី របស់ប្រទេសជាតិ ការកសាងច្បាប់កំពុងទាមទារឲ្យមានផ្នត់គំនិតថ្មីក្នុងការតាក់តែងច្បាប់ ដោយបំផុសរាល់ប្រភពធនធានទាំងអស់សម្រាប់ការអភិវឌ្ឍ។
(VOVWORLD) - បេក្ខជនមកពីគណបក្សសាធារណរដ្ឋ គឺអតីតប្រធានាធិបតីអាមេរិក លោក Donald Trump ត្រូវបានចាត់ទុកថា នឹងទទួលបានជ័យជំនះក្នុងការបោះឆ្នោតប្រធានាធិបតីអាមេរិកឆ្នាំ ២០២៤ និងក្លាយទៅជាប្រធានាធិបតីទី ៤៧ របស់សហរដ្ឋអាមេរិក។ លទ្ធផលនេះ ទំនងជានឹងបង្កើតការផ្លាស់ប្តូរដ៏ធំធេងនៅអាមេរិក និងជុំវិញពិភពលោក។
