(VOVWORLD) -ດ້ວຍຄວາມດຸໝັ່ນຂະຫຍັນພຽນ ປະຢັດມັດທະຍັດ ຜ່ານຜ່າຄວາມຫຍຸ້ງຍາກ, ພະຍາຍາມອອກແຮງງານ ເພື່ອສ້າງຊີວິດໃຫ້ອີ່ມໜຳສຳລານ ແລະ ຜາສຸກ ພ້ອມທັງເບິ່ງແຍງຊ່ວຍເຫຼືອຜູ້ທຸກຍາກ, ນີ້ກໍ່ແມ່ນຄຸນທາດທີ່ດີເດັ່ນຂອງທ່ານ ຮວິ່ງວັນແດດ ອາຍຸ 57 ປີ ຢູ່ບ້ານ ຝູເລິ້ຍເທື້ອງ, ຕາແສງ ອານດິ້ງ, ເມືອງ ໝໍ໋ເກິຍນາມ, ແຂວງ ເບນແຈ. ທ່ານ ແດດ ໄດ້ຮັບການເຊີດຊູແມ່ນຕົວແບບທີ່ດີເດັ່ນ ຂອງທ້ອງຖິ່ນໃນການປະຕິບັດບັ້ນຂົນຂວາຍຮ່ຳຮຽນ ແລະ ເຮັດຕາມແນວຄິດຄຸນສົມບັດ, ແບບແຜນການດຳລົງຊີວິດຂອງປະທານ ໂຮ່ຈີມິນ
(VOVWORLD) -ເຂດສີ່ຫຼຽມລອງຊວຽນ ເມື່ອກ່ອນນີ້ແມ່ນເຂດດິນຮົກເຮື້ອວ່າງເປົ່າ ແມ່ນເຂດດິນສົ້ມຢູ່ເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມ. ດ້ວຍລະດັບມອງກວ້າງເຫັນໄກ, ກ້າຄິດກ້າທຳ, ອະດີດນາຍົກລັດຖະມົນຕີ ຫວໍວັນກຽດ ເຊິ່ງປະຊາຊົນຢູ່ເຂດນີ້ເຄີຍເອີ້ນທ່ານວ່າ “ລຸງ ເສົາເຢິນ” ໄດ້ຕົກລົງປະຕິບັດແຜນນະໂຍບາຍ ໃຫ້ຂຸດລະບົບລຳຄອງ T4, T5, T6 ເພື່ອລ້າງສົ້ມ, ປ່ອຍນ້ຳແກ່ງອອກສູ່ທະເລທາງທິດຕາເວັນຕົກ, ບຸກເບີກພື້ນທີ່ເຂດສີ່ຫຼຽມລອງຊວຽນ. ຈາກຊີວິດທີ່ທຸກຍາກລຳບາກເມື່ອກ່ອນນີ້ ມາຮອດປັດຈຸບັນປະຊາຊົນນັບລ້ານຄົນຢູ່ເຂດນີ້ ກໍ່ໄດ້ຊີວິດອີ່ມໜຳສາລານ ແລະ ສົມບູນພູນສຸກ
(VOVWORLD) -ນັກສິລະປະການ ຮວ່າງຮ໊ວາ ແມ່ນຜູ້ທຳອິດໃນແຂວງ ບັກກ້ານ ໄດ້ຮັບນາມມະຍົດນັກສິລະປະການປະຊາຊົນ. ທ່ານໄດ້ມີກິດຈະກຳຄົ້ນຄວ້ານັບຮ້ອຍກິດຈະກຳ ແລະ ບົດຂຽນນັບຮ້ອຍບົດກ່ຽວກັບວັດທະນະທຳ, ການເຫຼື້ອມໃສຂອງບັນດາຊົນເຜົ່າ ໄຕ່, ນຸ່ງ. ເຖິງວ່າອາຍຸໄດ້ສູງແລ້ວກໍ່ຕາມ, ແຕ່ທ່ານກໍ່ຍັງຫ້າວຫັນປະກອບສ່ວນເຂົ້າໃນການຮັກສາ ແລະ ເສີມຂະຫຍາຍວັດທະນະທຳພື້ນເມືອງ ໂດຍປູ່ຍ່າຕາຍາຍປະໄວ້ໃຫ້
ດ້ວຍບົດຮຽນ, ປະສົບການ ເຂົ້າຮ່ວມບັນດາການເຄື່ອນໄຫວ ເພື່ອວົງຄະນາຍາດຄົນພິການມາເປັນເວລາຫຼາຍປີ, ນາງ ຫງວຽນທິຖຸຍເງິນ ປະທານສະມາຄົມຄົນພິການເມືອງ ແທັງຊວນ, ຮ່າໂນ້ຍ ໄດ້ຈັດບັນດາລາຍການເຄື່ອນໄຫວຊ່ວຍເຫຼືອຄົນພິການ ເພື່ອຊ່ວຍເຂົາເຈົ້າເຊື່ອມຕົວເຂົ້າກັບສັງຄົມ
(VOVWORLD) -ເມື່ອເວົ້າເຖິງອາຊີບແກະຄວັດສະຫຼັກ, ຝັງໂລຫະ ແມ່ນຕ້ອງເວົ້າເຖິງນັກສິລະປະການປະຊາຊົນ ຫງວຽນງອກຈ້ອງ. ທ່ານແມ່ນໜຶ່ງໃນຈຳນວນນັກສິລະປະການສີ່ຄົນທີ່ມີຄຸນງາມຄວາມດີໃນການກໍ່ຕັ້ງ ແລະ ຟື້ນຟູອາຊີບນີ້ ແລະ ໄດ້ຮັບການເຊີດຊູຈາກວົງການນາຍຊ່າງວ່າ ເປັນນາຍຊ່າງແກະຄວັດສະຫຼັກຝັງໂລຫະພຽງໜຶ່ງດຽວຢູ່ດິນແດນ ຮ່າໂນ້ຍ
(VOVWORLD) -ລຸງ ລ້າຍຝູແທັກ ຢູບ້ານ ຈຸງຍາ ຕາແສງ ເຫງຍໂດ ເມືອງ ເກົ່າເຢິ໊ຍ ຮ່າໂນ້ຍ, ແມ່ນນາຍຊ່າງພຽງຄົນດຽວໃນວົງຕະກຸນ ລ້າຍ ຍັງຮັກສາເຄັດລັບການຜະລິດເຈ້ຍເຮັດພະລາຊະດຳລັດ. ປີນີ້ລຸງໄດ້ມີອາຍຸ 61 ປີແລ້ວ ແຕ່ລາວຍັງມີຄວາມເປັນຫ່ວງຕໍ່ອາຊີບທີ່ມີມາກວ່າ 600 ປີມານີ້ຂອງວົງຕະກຸນຕົນ ເຊິ່ງມີຄວາມສ່ຽງຈະຖືກສູນຫາຍ ເມື່ອບໍ່ມີໃຜສືບຕໍ່ຮັກສາອາຊີບນີ້.
(VOVWORLD) - ດ້ວຍວິຖີຊີວິດທີ່ລຽບງ່າຍ, ມີຄວາມໃກ້ຊິດສະໜິດສະໝົມ, ມີກຳລັງຄວາມສາມາດໃນການຊີ້ນຳນຳພາ ແລະ ມີຈິນຕະນາການຍຸດທະສາດດີເລີດນັ້ນ, ອະດີດປະທານປະເທດ, ພົນເອກ ເລດຶກແອັງ ສົມແລ້ວທີ່ເປັນລູກສິດຂອງ ປະທານ ໂຮ່ຈີມິນ. ໃນຖານະຕຳແໜ່ງຮອງລັດຖະມົນຕີ ກະຊວງປ້ອງກັນປະເທດ, ທັງເປັນຜູ້ບັນຊາການທະຫານອາສາສະໝັກ ຫວຽດນາມ ຢູ່ ກຳປູເຈຍ, ພົນເອກ ເລດຶກແອັງ ໄດ້ມີຄວາມຕັດສິນອັນສະຫຼາດສ່ອງໃສໃນການຊ່ວຍເຫຼືອປະເທດ ກຳປູເຈຍ ໃຫ້ຫຼຸດພົ້ນອອກຈາກລະບອບດັບສູນເຊື້ອຊາດ. ສ່ວນໃນຖານະຕຳແໜ່ງປະທານປະເທດ, ທ່ານໄດ້ເຮັດຫຼ້ອນໜ້າທີ່ຂອງປະທານປະເທດ ຊື່ງລັດຖະທຳມະນູນ ຫວຽດນາມ ໄດ້ກຳນົດໄວ້ ແລະ ມີລັດຖະນະໂຍບາຍຫຼາຍຢ່າງໃນການເພີ່ມພູນຄູນສ້າງນ້ຳໃຈມິດຕະພາບລະຫວ່າງ ຫວຽດນາມ ກັບບັນດາປະເທດບ້ານໃກ້ເຮືອນຄຽງ.
(VOVWORLD) -ເກີ່ລາວ ແມ່ນໜຶ່ງໃນຈໍານວນຊົນເຜົ່າສ່ວນໜ້ອຍທີ່ມີປະຊາກອນໜ້ອຍຢູ່ ຫວຽດນາມ. ຊາວເຜົ່າ ເກີ່ລາວ ຍັງມີຊື່ເອີ້ນອື່ນອີກຄື: ຕື໊ດື, ຮໍກີ, ວາວເດ່. ຊົນເຜົ່າ ເກີ່ລາວ ອົບພະຍົບມາຢູ່ ຫວຽດນາມ ໂດຍຫ່າງຈາກນີ້ປະມານ 150 –200 ປີ. ຊາວເຜົ່າ ເກີ່ລາວ ແບ່ງອອກເປັນກຸ່ມຢູ່ຕາມທ້ອງຖິ່ນຕ່າງໆ ເຊິ່ງລວມມີ ເກີ່ລາວຂຽວ, ເກີ່ລາວຂາວ, ເກີ່ລາວແດງ ດ້ວຍຈຳນວນພົນລະເມືອງທັງໝົດຍັງບໍ່ຮອດ 3.000 ຄົນ, ອາໄສຕົ້ນຕໍຢູ່ແຂວງ ຮ່າຢາງ. ກ່ອນໜ້ານີ້ ຊາວເຜົ່າ ເກີ່ລາວ ມີພາສາສະເພາະ, ແຕ່ມາໃນປັດຈຸບັນ ຄົນ ເກີ່ລາວ ສ່ວນຫຼາຍແມ່ນບໍ່ຮູ້ພາສາຂອງຊົນເຜົ່າຕົນ. ໃນການພົບປະແລກປ່ຽນວັດທະນະທຳກັບຊົນເຜົ່າອື່ນ, ເຂົາເຈົ້າອາດຈະໃຊ້ພາສາ ກວານຮ໋ວາ, ພາສາ ນຸ່ງ ຫຼື ພາສາ ປູແປ໊ວ, ເຮີມົງ.
(VOVWORLD) -ຄວາມອົດທົນ, ດຸໝັ່ນຂະຫຍັນພຽນ, ປະດິດຄິດສ້າງ ແມ່ນບັນດາຄຸນນະທຳອັນດີງາມຂອງບັນດານັກຮົບເກົ່າ, ນັກສິລະປະການ ຟ້າມຄັກຮ່າ, ປະທານສະມາຄົມໝູ່ບ້ານອາຊີບ ຫັດຖະກໍາ ຫວ້ານຟຸກ. ທ່ານ ຮ່າ ແມ່ນໜຶ່ງໃນບັນດາຜູ້ທີ່ມີຄຸນງາມຄວາມດີອັນໃຫຍ່ຫຼວງໃນການຟື້ນຟູໝູ່ບ້ານອາຊີບຕ່ຳແພໄຫມຫວ້ານຟຸກ, ເມືອງ ຮ່າດົງ, ຮ່າໂນ້ຍ, ເຊິ່ງເຄີຍມີໄລຍະໜຶ່ງທີ່ຫຍຸ້ງຍາກລຳບາກ, ເບິ່ງຄືວ່າ ປະຊາຊົນໃນໝູ່ບ້ານບໍ່ສາມາດຮັກສາອາຊີບນີ້ໄວ້ໄດ້ແລ້ວ.
(VOVWORLD) - ແຕ່ຫຼາຍພັນປີກ່ອນນີ້, ຢູ່ເຂດດິນແດນ ໄຕງວຽນ ໄດ້ປະກົດມີເຄື່ອງດົນຕີຊະນິດໜຶ່ງທີ່ມີຄວາມເປັນເອກະລັກສະເພາະທີ່ສຸດ ແລະ ໄດ້ສືບທອດກັນມາຈົນເຖິງປະຈຸບັນ,ນັ້ນແມ່ນປະເພດເຄື່ອງດົນຕີນອນຢູ່ໃນລະບົບເຄາະຕີ ເຊິ່ງເຄີຍເອີ້ນວ່າ ລະນາດຫີນ,ບັນດາຊົນເຜົ່າ ໄຕງວຽນ ເອີ້ນວ່າ ກອງລູ (ໝາຍຄວາມວ່າ ຄ້ອງຫີນ). ສຽງລະນາດຫີນບາງເທື່ອກໍ່ດັງກ້ອງໄປທົ່ວເຂດພູຜາປ່າໄມ້, ບາງເທື່ອກໍ່ດັງຄືສຽງນ້ຳຫ້ວຍໄຫຼ. ສຽງລະນາດຫີນຄືດັ່ງແທນໃຫ້ຄຳເລົ່າຂານ, ເປັນກຳລັງໃຈຍາມທຸກຍາມສຸກໃນການດຳລົງຊີວິດຂອງປະຊາຊົນປະຈຳຖິ່ນ.
