(VOVWORLD) -ໂດຍເປັນຫົວໜ້າໜ່ວຍງານ ໜ່ວຍສ້ອມແປງກົນຈັກ, ໄຟຟ້າ ທີ່ຂຶ້ນກັບ ໂຮງງານຜະລິດອຸປະກອນເຕັກໂນໂລຊີ, ບໍລິສັດ ຫຸ້ນສ່ວນ ກົນຈັກໄຟຟ້າ ທົ໋ງເຍິດ, ທ່ານ ຫງວຽນດຶກເກື່ອງ ແມ່ນແບບຢ່າງແຮງງານຜະລິດເກັ່ງ, ມີຄວາມດຸໝັ່ນຂະຫຍັນພຽນ, ມີຫົວຄິດປະດິດສ້າງ. ຫວ່າງມໍ່ໆມານີ້, ທ່ານເປັນກຽດໄດ້ຮັບນາມມະຍົດ ເປັນພົນລະເມືອງດີເດັ່ນຂອງນະຄອນຫຼວງ ຮ່າໂນ້ຍ ປີ 2018 ໂດຍຄະນະກຳມະການປະຊາຊົນນະຄອນ ຮ່າໂນ້ຍ ມອບໃຫ້.
(VOVWORLD) -ເຖິງວ່າ ມີ ອາຍຸ 74 ປີແລ້ວກໍ່ຕາມ, ແຕ່ລຸງ ໂຮ່ວັນເສິມ ຢູ່ບ້ານ ນ່າຫະ 2, ຕາແສງ ຈ່ຽງມຸງ, ເມືອງ ມາຍເຊີນ, ແຂວງ ເຊີນລາ ຍັງມີຄວາມກະຕືລືລົ້ນຕໍ່ກັບອາຊີບລ້ຽງເຜິ້ງທີ່ສຸດ. ປັດຈຸບັນ ລຸງ ເສິມ ພວມລ້ຽງ ແລະ ດູແລຝູງເຜິ້ງ ກວ່າ 1.000 ຝູງ ສ້າງລາຍຮັບເປັນຕື້ທຸກປີ. ບົດຂຽນຂອງນັກຂ່າວ ຮວ່າງລອງ ປະຈຳເຂດຕາເວັນຕົກສ່ຽງເໜືອ ທີ່ມີຫົວຂໍ້ວ່າ ຊາວ ກະສິກອນອາວຸໂສແຂວງ ເຊີນລາ ລ້ຽງເຜິ້ງ ສ້າງລາຍຮັບນັບເປັນຕື້ໃນທຸກປີ.
(VOVWORLD) -ນັກສິລະປະການດີເດັ່ນດ້ານ ອາຫານການກິນ ຟ້າມທິແອ໊ງຕວຽດ, ເຈົ້າຂອງຮ້ານອາຫານ ແອ໊ງຕວຽດ ເຮືອນເລກທີ 25 ຖະຫນົນ ໝ໋າໄມ ເມືອງ ຮ່ວານກຽມ, ຮ່າໂນ້ຍ ແມ່ນຊື່ເອີ້ນທີ່ລື້ງເຄີຍສຳລັບຜູ້ນິຍົມອາຫານພື້ນເມືອງຂອງຊາວ ຮ່າໂນ້ຍ. ຍາມໃດນັກສິລະປະການ ຟ້າມທິແອ໊ງຕວຽດກໍ່ສຸມຈິດສຸມໃຈໃນການໂຄສະນາດ້ານວັດທະນະທຳອາຫານການກິນພື້ນເມືອງຂອງຫວຽດນາມ ອອກສູ່ໂລກ. ນັກສິລະປະການດີເດັ່ນ ຟ້າມທິແອ໊ງຕວຽດ ຫາກໍ່ໄດ້ຮັບການເຊີດຊູແມ່ນພົນລະເມືອງດີເດັ່ນຂອງນະຄອນຫລວງ ຮ່າໂນ້ຍ ປີ 2018 ແລະ ທ່ານນາງ ແມ່ນຜູ້ທຳອິດໃນຂົງເຂດອາຫານການກິນໄດ້ຮັບນາມມະຍົດອັນສູງສົ່ງນີ້.
(VOVWORLD) -ໄປຢາມໝູ່ບ້ານ ແຫ້ງດ່ານ, ຕາແສງ ເຕິນເລິບ, ເມືອງ ດານເຟື້ອງ, ນະຄອນ ຮ່າໂນ້ຍ, ຖາມຫາເຮືອນນັກຮົບເກົ່າ ຫງວຽນຕື໋ຮຸ່ງ, ປະຊາຊົນໃນໝູ່ບ້ານໃຜໆກໍຮູ້ຈັກເຖິງ. ລຸງ ຮຸ່ງ ເປັນຄົນທີ່ຮັກແພງ ແລະ ເຄົາລົບນັບຖືຂອງພໍ່ແມ່ປະຊາຊົນໃນໝູ່ບ້ານ ຍ້ອນຄວາມສະໝັກໃຈໃນການປະກອບສ່ວນຢ່າງຫຼວງຫຼາຍ ບໍ່ວ່າຈະເປັນເງິນຄຳກໍຄືກຳລັງເຫື່ອແຮງໃນການສ້າງສາບ້ານເກີດເມືອງນອນເປັນສີຂຽວ - ສະອາດ - ງາມຕາ. ນັກຮົບເກົ່ານັ້ນ ເປັນກຽດໄດ້ຮັບການຮັບຮອງເອົາເປັນໜຶ່ງໃນຈຳນວນ ພົນລະເມືອງດີເດັ່ນ 10 ຄົນຂອງນະຄອນຫຼວງຮ່າໂນ້ຍປີ 2018.
(VOVWORLD) -ເລທືເຮືອງ ກຳເນີດໃນຄອບຄົວທີ່ມີມູນເຊື້ອດ້ານສິລະປະດົນຕີ, ຄວາມຮັກທີ່ມີຕໍ່ກັບສິລະປະໃນຕົວຂອງ ເຮືອງ ໄດ້ເກີດຂຶ້ນແບບທຳມະຊາດ. ດ້ວຍຄວາມເມົາມົວ ແລະ ຜູກພັນກັບຂຸ່ຍ flute ນັບແຕ່ຄາວຍັງນ້ອຍ, ເລທືເຮືອງ ໄດ້ສະແດງໃຫ້ເຫັນເຖິງຄວາມສາມາດຂອງຕົນຢ່າງໄວວາ ແລະ ໄດ້ຮຽນຈົບຢູ່ສະຖາບັນດົນຕີ ຫວຽດນາມ ດ້ວຍກຽດນິຍົມອັນດັບ 1 ໃນປີ 2001. ຫຼັງຈາກນັ້ນ ເຮືອງໄດ້ໄປຮຽນຕໍ່ຢູ່ສະຖາບັນດົນຕີ ລາຊະວົງ ແດນມາກ ເປັນເວລາ 4 ປີແລະ ຮຽນກັບບັນດານັກສິລະປິນເປົາຂຸ່ຍທີ່ມີຊື່ສຽງໃນໂລກ. ເຮືອງ ໄດ້ໄປສະແດງຢູ່ງານສະແດງສິລະປະດົນຕີສາກົນຫຼາຍຄັ້ງ ແລະ ໄດ້ປະສົບຜົນສຳເລັດເມື່ອຍາມໃດລາວກໍໄດ້ເອົາສີສັນດົນຕີຫວຽດນາມ ເຂົ້າໃນການສະແດງຂອງຕົນ.
(VOVWORLD) -ນາຍຄູ ຈິ້ງງັອກຈີ່ງ ແມ່ນຜູ້ສຸດຈິດສຸດໃຈ ແລະ ອຸທິດສ່ວນຈົນສຸດຄວາມສາມາດຂອງຕົນໃຫ້ແກ່ຂະແຫນງການສຶກສາ. ປີນີ້ ທ່ານ ມີອາຍຸ 84 ປີແລ້ວ, ແຕ່ ທ່ານຍັງດຳລົງຕຳແຫນ່ງເປັນຜູ້ອຳນວຍການສູນຫນູນຊ່ວຍພັດທະນາການສຶກສາເຂດພູດອຍ (HEDO) ທີ່ຢູ່ ເຮືອນເລກທີ 4 ຖະຫນົນຈີ້ງຮ່ວາຍດຶກ ຮ່າໂນ້ຍ. ນາຍຄູ ຈິ້ງງອກຈີງ ຫາກໍ່ໄດ້ຮັບການເຊີດຊູແມ່ນຫນຶ່ງໃນຈຳນວນພົນລະເມືອງດີເດັ່ນ 10 ຄົນຂອງນະຄອນຫລວງ ຮ່າໂນ້ຍປີ 2018.
(VOVWORLD) -ປັດຈຸບັນ, ແຂວງ ເຊີນລາ ມີ 18 ຊົນເຜົ່າອ້າຍນ້ອງດຳລົງຊີວິດຢູ່ຮ່ວມກັນ, ແຕ່ລະຊົນເຜົ່າ ກໍລ້ວນແຕ່ມີຮີດຄອງປະເພນີທີ່ແຕກຕ່າງກັນ, ຕາມນັ້ນແລ້ວ, ຊຸດອາພອນກໍມີບັນດາເອກະລັກສະເພາະ ດ້ວຍສີສັນລວດລາຍທີ່ເປັນເອກກະລັກພິເສດ. ສຳລັບຊາວຊົນເຜົ່າ ຢູ່ແຂວງ ເຊີນລາ ເກືອບທັງໝົດ, ຊຸດອາພອນປະຈຳເຜົ່າ ແມ່ນໜຶ່ງໃນບັນດາປັດໄຈທີ່ສ້າງເປັນສີສັນວັດທະນະທຳຂອງເຜົ່າຕົນ. ຊຸດອາພອນ ທັງແມ່ນເຄື່ອງໝາຍທໍາອິດ ເພື່ອຮູ້ຈັກເຖິງ, ທັງເປັນການສ່ອງແສງເຖິງດ້ານເສດຖະກິດ, ສັງຄົມຂອງເຂດຊົນເຜົ່າ ແລະ ກໍ່ເປັນການຢັ້ງຢືນເຖິງຂີດໝາຍປະຫວັດສາດແຫ່ງຍຸກສະໄໝຂອງເຜົ່າພັນຕ່າງໆ.
(VOVWORLD) -ໃນຈຳນວນນັກປະພັນ 18 ທ່ານ ທີ່ເປັນກຽດໄດ້ຮັບລາງວັນ ໂຮ່ຈີມິນ ກ່ຽວກັບວັນນະຄະດີ ສິລະປະ ປີ 2016 ນັ້ນ, ວົງການວິຈິດສິນ ມີນັກແກະສະຫຼັກ ພຽງທ່ານດຽວ ທີ່ໄດ້ຮັບລາງວັນອັນສູງສົ່ງນີ້. ນັ້ນແມ່ນ ນັກແກະສະຫຼັກ ຕະກວາງບ້າວ. ນອກຈາກໄດ້ຮັບລາງວັນ ໂຮ່ຈີມິນ ແລ້ວ, ທ່ານ ຕະກວາງບ້າວ ຍັງໄດ້ຮັບຫຼາຍລາງວັນມີຊື່ສຽງອື່ນໆອີກ. ທ່ານເປັນນັກສິລະປິນທີ່ເກັ່ງຫຼາຍດ້ານ, ທັງແຕ້ມຮູບ, ທັງຄວັດແກະສະຫຼັກ, ປະຕິມາກໍາຮູບປັ້ນນຳອີກ.
(VOVWORLD) -ຊົນເຜົ່າ ຢ້າວ ຢູ່ແຂວງ ລ່າວກາຍ ມີຫຼາຍຮີດຄອງປະເພນີທີ່ແປກປະຫຼາດ ແລະ ງານບຸນທີ່ເປັນເອກະລັກສະເພາະ. ພິທີເປີດປະຕູປ່າ ຂອງຊາວເຜົ່າ ຢ້າວ ຢູ່ບ້ານ ແຈ່ງ, ຕາແສງ ຊວນຢາວ, ເມືອງ ບ໋າວຖັງ, ແຂວງ ລ່າວກາຍ ໄດ້ສ້ອນແຝງຫລາຍສິ່ງຫຼາຍຢ່າງທີ່ເປັນໜ້າປະທັບໃຈ. ບົດຂຽນ: “ພິທີເປີດປະຕູປ່າຂອງຊາວເຜົ່າ ຢ້າວ” ຂອງນັກຂ່າວ ທູຮັ່ງ.
(VOVWORLD) -ເຖິງວ່າ ຮຽນຈົບພຽງແຕ່ຊັ້ນມັດທະຍົມຕອນປາຍ ແລະ ບໍ່ໄດ້ເຂົ້າຮ່ວມຊຸດຮຽນກ່ຽວກັບກົນຈັກ, ເຕັກນິກທາງການໃດໆກໍຕາມ ແຕ່ດ້ວຍຄວາມເມົາມົວ ແລະ ມີຫົວຄິດປະດິດສ້າງ, ອ້າຍ ຕະດິ່ງຮູຍ ຢູ່ ບ້ານ ອານໝີ໋, ຕາແສງ ເທຶ້ອງວຶກ ເມືອງ ເຈືອງໝີ໋ ນະຄອນ ຮ່າໂນ້ຍ ກໍໄດ້ປະສົບຜົນສຳເລັດໃນການປະດິດສ້າງເຄື່ອງຈັກກະສິກຳອະເນກປະສົງ. ບັນດາເຄື່ອງຈັກກະສິກຳເຫລົ່ານີ້ ໄດ້ຊ່ວຍພໍ່ແມ່ຊາວກະສິກອນຫລຸດຜ່ອນແຮງງານ ແລະ ນຳມາເຊິ່ງສະມັດຕະພາບສູງ.
