ការរកឃើញវៀតណាម

16/04/2025

បំពង់បង្ហូរប្រេងសាំង Truong Son - រឿងព្រេងនៃដំណើរឯកភាពទឹកដីមាតុភូមិ

(VOVWORLD) - ក្នុងការតស៊ូប្រឆាំងចក្រពត្តិអាមេរិក សង្គ្រោះជាតិ ផ្លូវ Truong Son ប្រៀបប្រដូចជាសរសៃឈាមដ៏ធំសម្បើមសម្រាប់ដឹកជញ្ជូនកងទ័ព ស្បៀងអាហារ និងបរិក្ខារយោធាពីសមរភូមិក្រោយភាគខាងជើងទៅកាន់សមរភូមិមុខភាគខាងត្បូង។ នៅលើបណ្តាញចរាចរណ៍ដ៏មហិមារនោះ មានបំពង់បង្ហូរប្រេងសាំងដែលមានប្រវែង ១៧០០ គីឡូម៉ែត្រ ដែលលាតសន្ធឹងតាមបណ្ដោយប្រទេសជាតិ ហើយត្រូវបានពង្រីកឡើងដល់ជិត ៥០០០ គីឡូម៉ែត្រ ចាប់ពីខេត្ត Quang Ninh, Lang Son ទៅកាន់ខេត្ត Binh Phuoc។

09/04/2025

ផ្លូវ Truong Son - ខ្សែផ្លូវយោធាដែលមានតែមួយគ្មានពីរ

(VOVWORLD) - ក្នុងបុព្វហេតុបង្រួបបង្រួមប្រទេសជាតិ ផ្លូវ Truong Son បានក្លាយជានិមិត្តរូបអមតៈ ដែលបង្ហាញពីឆន្ទៈប្តេជ្ញាតស៊ូប្រយុទ្ធ ប្ដេជ្ញាយកជ័យជំនះរបស់ប្រជាជាតិវៀតណាម។ នៅលើផ្លូវរឿងព្រេងនេះ កងទ័ព យុវជនស្ម័គ្រចិត្ត និងកងសេនាជននៅខ្សែជួរមុខបានជំនះលើគ្រោះថ្នាក់ទាំងឡាយ បើកផ្លូវ ការពារផ្លូវ ដើម្បីធានាការដឹកជញ្ជូនជំនួយពីភាគខាងជើង ទៅកាន់សមរភូមិភាគខាងត្បូង។ នេះមិនត្រឹមតែជាសរសៃឈាមចរាចរណ៍ ជាស្ពានតភ្ជាប់សមរភូមិក្រោយជាមួយនឹងសមរភូមិមុខប៉ុណ្ណោះទេ ថែមទាំងក៏ជានិមិត្តរូបនៃសេចក្តីប្រាថ្នានៃឯករាជ្យ សេរីភាព និងឯកភាពជាតិទៀតផង។

02/04/2025

លក្ខណៈវិសេសវិសាលនៃភោជនីហារ Lang Son

(VOVWORLD) - ខេត្ត Lang Son ស្ថិតនៅភាគឦសាននៃប្រទេសវៀតណាម។ មិនត្រឹមតែជាទឹកដីព្រំដែនដែលមានទេសភាពធម្មជាតិដ៏អស្ចារ្យ ទីតាំងប្រវត្តិសាស្ត្រល្បីៗ និងវប្បធម៌ដែលសំបូរទៅដោយអត្តសញ្ញាណជនជាតិប៉ុណ្ណោះទេ ទីនេះក៏មានមុខម្ហូបដ៏ពិសេសដោយឡែក បង្កប់នូវរសជាតិនៃតំបន់ព្រៃភ្នំទៀតផង។

26/03/2025

អញ្ជើញមកដល់ភូមិទេសចរណ៍សហគមន៍នៅតំបន់ជនបទថ្មី Yen Chau

(VOVWORLD) - ភូមិ Kha ឃុំ Sap Vat ស្រុក Yen Chau ខេត្ត Son La នៅតែរក្សាបាននូវលក្ខណៈវប្បធម៌ដ៏ពិសេសដោយឡែកជាច្រើនរបស់ប្រជាពលរដ្ឋជនជាតិ Thai ដោយគួបផ្សំជាមួយនឹងទេសភាពធម្មជាតិដ៏ស្រស់បំព្រង។ ទីនេះត្រូវបានគេវិនិយោគ ដើម្បីអភិវឌ្ឍន៍គំរូ ទេសចរណ៍សហគមន៍ដោយតភ្ជាប់នឹងការកសាងជនបទថ្មី។ នេះគឺជាគោលដៅមួយក្នុងចំណោមគោលដៅដ៏ទាក់ទាញសម្រាប់ភ្ញៀវទេសចរនៅលើដំណើរទស្សនា Son La - ភាគពាយ័ព្យ។

19/03/2025

អញ្ជើញមកទស្សនាកសិដ្ឋានកាហ្វេពិសេសនៅខេត្ត Dak Lak

(VOVWORLD) - Dak Lak ត្រូវបានគេចាត់ទុកថាជា "រាជធានីនៃកាហ្វេ" របស់ប្រទេសវៀតណាមនៅតំបន់ Tay Nguyen។ ទីនេះមិនត្រឹមតែល្បីល្បាញដោយសារគ្រាប់កាហ្វេប្រកបដោយគុណភាពប៉ុណ្ណោះទេ ថែមទាំងទាក់ទាញភ្ញៀវទេសចរជាមួយនឹងភាពស្រស់ស្អាតនៃរដូវផ្ការីកទៀតផង។ កសិដ្ឋានកាហ្វេដែលមានផ្ការីកស្គុះស្គាយបង្អួតសម្រស់ពណ៌សក្បុស ភាយក្លិនក្រអូបឈ្ងុយឈ្ងប់ និងរសជាតិកាហ្វេពិសេស បានធ្វើឱ្យទីនេះក្លាយជាគោលដៅទាក់ទាញសម្រាប់ភ្ញៀវទេសចរគ្រប់រូប។

12/03/2025

ទស្សនាយុទ្ធភូមិចាស់ - មូលដ្ឋាន H9 Dak Lak

(VOVWORLD) - ក្រោយរយៈពេលជាងពាក់កណ្តាលសតវត្សនៃការបង្រួមបង្រួមប្រទេសជាតិ មូលដ្ឋានតស៊ូនៅខេត្ត Dak Lak ដែលត្រូវបានហៅថា មូលដ្ឋាន H9 បច្ចុប្បន្នស្ថិតនៅស្រុក Krong Bong ខេត្ត Dak Lak នៅតែរក្សាបានស្លាកស្នាមប្រវត្តិសាស្ត្រដ៏អងអាច់គ្លាហាន។ ក្នុងដំណាក់កាលឆ្នាំ ១៩៦៥-១៩៧៥ ទីនេះជាមជ្ឈមណ្ឌលដឹកនាំរបស់ខេត្ត ជាបញ្ជាការដ្ឋាននិងជាងចំណុចស្នូលដ៏សំខាន់ក្នុងការចល័តធនធានមនុស្សនិងសម្ភារៈ ដល់សមរភូមិភាគខាងត្បូង បង្កើតបុព្វបទសម្រាប់ជ័យជំនះ Buon Ma Thuot (១០ មីនា ១៩៧៥) រួមចំណែកដល់ជ័យជំនះដ៏អស្ចារ្យនៃនិទាឃរដូវឆ្នាំ ១៩៧៥ ដើម្បីបង្រួបបង្រួមប្រទេសជាតិ។ ជាមួយនឹងសារៈសំខាន់ជាប្រវត្តិសាស្ត្រនោះ មូលដ្ឋាន H9 Dak Lak ត្រូវបានទទួលស្គាល់ជាកេរ្តិ៍ដំណែប្រវត្តិសាស្ត្ររបស់ជាតិ និងជាអាស័យដ្ឋានក្រហមសម្រាប់ការអប់រំប្រពៃណីស្នេហាជាតិនៅក្នុងខេត្ត Dak Lak។

07/03/2025

វត្ត Non Nuoc - វត្តបុរាណដ៏វិសេសវិសាល

(VOVWORLD) - វត្ត Non Nuoc ស្ថិតនៅក្នុងតំបន់កេរ្តិ៍ដំណែលវិហារ Soc ក្នុងស្រុក Soc Son ទីក្រុងហាណូយ ត្រូវបានចាត់ទុកជាវត្តដែលមានសសរឈើផ្ជិតច្រើនជាងគេនៅប្រទេសវៀតណាម។ នេះក៏ជាវត្តបុរាណដ៏ស្រស់ស្អាតបំផុតមួយនៅប្រទេសវៀតណាមដែរ។

26/02/2025

Plei Op - ភូមិមានអាយុកាល ១០០ ឆ្នាំនៅកណ្តាលទីក្រុង Pleiku

(VOVWORLD) - ភូមិ Plei Op ឬហៅថាភូមិ Op ត្រូវបានបង្កើតឡើងក្នុងឆ្នាំ ១៩២៧ ហើយបច្ចុប្បន្នមានអាយុកាលជិត ១០០ ឆ្នាំហើយ។ បើទោះបីមានទីតាំងស្ថិតនៅចំកណ្តាលទីក្រុង Pleiku ក៏ដោយ ភូមិ Op ត្រូវបានហ៊ុំព័ទ្ធជុំវិញដោយជ្រលងភ្នំ Ia Lam និងទឹកជ្រោះចំនួនពីរ គឺ Ia Nin និង Ia Nak ដែលហូរច្រិចៗទាំងយប់ទាំងថ្ងៃ ដោយបង្កើតឡើងទេសភាពដ៏មនោរម្យ និងសុខក្សេមក្សាន្ត។

19/02/2025

ដំណើរកម្សាន្តនិទាឃរដូវទៅតំបន់ដីដ៏ពិសិដ្ឋនៃរាជវង្ស Tran

(VOVWORLD) - ទីក្រុង Dong Trieu (ខេត្ត Quang Ninh) គឺជាតំបន់ដីពោពេញទៅដោយស្លាកស្នាមប្រវត្តិសាស្ត្រនិងវប្បធម៌នៃរាជវង្ស Tran (១២២៦-១៤០០) ដែលជារាជវង្សសក្តិភូមិដ៏ល្បីល្បាញមួយក្នុងប្រវត្តិសាស្ត្រវៀតណាម។ នៅទីនេះ ជាកន្លែងប្រមូលផ្តុំវត្ថុបុរាណវប្បធម៌និងសាសនាពិសេសជាច្រើនក្នុងសម័យរាជវង្ស Tran។ តាមរយៈការឡើងចុះនៃប្រវត្តិសាស្ត្រ ទីក្រុង Dong Trieu បានក្លាយជាគោលដៅដ៏ពិសិដ្ឋ ទាក់ទាញពុទ្ធបរិស័ទ ភ្ញៀវទេសចរនិងប្រជាជនយ៉ាងច្រើនកុះករ មកគោរពវិញ្ញាណក្ខន្ធនិងរំលឹកគុណូបការៈរបស់បណ្តាស្តេច Tran។

11/02/2025

ភូមិទេសចរណ៍ជាទីមនោរម្យរបស់សហគមន៍ជនជាតិ Tay នៅខេត្ត Ha Giang

(VOVWORLD) - ភូមិទេសចរណ៍ ជនជាតិ Tay នៅជុំវិញ ទីក្រុង Ha Giang ខេត្ត Ha Giang គឺជាគោលដៅទាក់ទាញភ្ញៀវទេសចរណ៍ក្នុងស្រុកនិងបរទេសយ៉ាសច្រើនកុះករ។ ផ្ទះឈើបុរាណដែលមានដំបូលប្រក់ស្លឹកចាក ហ៊ុំព័ទ្ធជុំវិញដោយវាលស្រែកាំជណ្ដើរលាតសន្ធឹងលើចង្កេះភ្នំ។ ភូមិទាំងនេះ គឺជាកន្លែងដ៏គួរឱ្យចាប់អារម្មណ៍ សម្រាប់ស្វែងយល់ក្នុងឱកាសដើមឆ្នាំថ្មី និងដើមនិទាឃរដូវ។