(VOVWORLD) - ទទួលការអញ្ជើញរបស់ប្រធានព្រឹទ្ធសភាជប៉ុន លោក Sekiguchi Masakazu ប្រធានរដ្ឋសភាវៀតណាម លោក Tran Thanh Man និងលោកជំទាវ រួមជាមួយគណៈប្រតិភូជាន់ខ្ពស់រដ្ឋសភាវៀតណាម បានអញ្ជើញទៅបំពេញទស្សនកិច្ចជាផ្លូវការនៅប្រទេសជប៉ុនចាប់ពីថ្ងៃទី ៣ ដល់ថ្ងៃទី ៧ ខែធ្នូ។ ដំណើរទស្សនកិច្ចនេះមានគោលបំណង ជំរុញទំនាក់ទំនងសហប្រតិបត្តិការនៃរដ្ឋសភាវៀតណាមជាមួយសភាជប៉ុន បង្កើតកម្លាំងចលករថ្មីសម្រាប់សន្ទុះអភិវឌ្ឍន៍នៃប្រទេសទាំងពីរ។
(VOVWORLD) - អញ្ជើញថ្លែងក្នុងសន្និបាតទូទាំងប្រទេសអំពីការជ្រួតជ្រាបនិងបូកសរុបការអនុវត្តសេចក្តីសម្រេចចិត្តមជ្ឈិមលេខ ១៨ កាលពីថ្ងៃទី១ ខែធ្នូ អគ្គលេខាបក្សកុម្មុយនិស្តវៀតណាមលោក តូ ឡឹម បានសង្កត់ធ្ងន់ថា មិនអាចពន្យាពេលទៀតទេ ក្នុងការអនុវត្តបដិវត្តន៍ក្នុងការបង្រួមក្បាលម៉ាស៊ីននៃប្រព័ន្ធនយោបាយ ដើម្បីឱ្យក្បាលម៉ាស៊ីនដំណើរការប្រកបដោយប្រសិទ្ធភាពនិងមានគុណភាពខ្ពស់។ នេះគឺជាភារកិច្ចដ៏សំខាន់ពិសេសដែលត្រូវតែអនុវត្តន៍ដោយការប្ដេជ្ញាចិត្តខ្ពស់បំផុត និងសកម្មភាពយ៉ាងប្ដូរផ្ដាច់របស់ប្រព័ន្ធនយោបាយទាំងមូល។
(VOVWORLD) - នៅថ្ងៃទី៣០ ខែវិច្ឆិកា សម័យប្រជុំលើកទី៨ នៃរដ្ឋសភាវៀតណាមនីតិកាលទី១៥ នឹងបិទបញ្ចប់។ រាល់ការសម្រេចចិត្តនៅក្នុងសម័យប្រជុំលើកនេះ នឹងរួមចំណែកដល់ ការបំពេញតម្រូវការនៃបុព្វហេតុផ្លាស់ប្ដូរថ្មី ដោះស្រាយការលំបាកឧបសគ្គ រំដោះធន ធានដោយទាន់ពេលវេលា ផ្តោតការយកចិត្តទុកដាក់ខ្ពស់លើការអភិវឌ្ឍសេដ្ឋកិច្ច សង្គម។
(VOVWORLD) - បញ្ហានៃការផ្លាស់ប្តូរថ្មី និងការរៀបចំឡើងវិញប្រព័ន្ធនយោបាយឲ្យបង្រួម និងដំណើរការប្រកបដោយប្រសិទ្ធភាព គឺជាកិច្ចការសំខាន់ជាពិសេសរបស់បក្សនិងរដ្ឋ។ សេចក្តីសន្និដ្ឋាននៃសន្និបាតមជ្ឈិមបក្សនីតិកាលទី ១៣ នៅថ្ងៃទី ២៥ ខែវិច្ឆិកាកន្លងមក និងប្រសាសន៍ នាពេលថ្មីៗនេះរបស់អគ្គលេខាបក្ស លោក តូ ឡឹមបានកំណត់យ៉ាងច្បាស់ថា នេះជាបដិវត្តន៍មួយដែលត្រូវការស្រុះចិត្តគំនិតខ្ពស់ លើការយល់ដឹងនិងសកម្មភាពរបស់បក្សទាំងមូល និងប្រព័ន្ធនយោបាយទាំងមូល។
(VOVWORLD) - នាថ្ងៃទី២៨ ខែវិច្ឆិកា ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចាប់ផ្តើមព្រះរាជដំណើរបំពេញទស្សនកិច្ចផ្លូវរដ្ឋ រយៈពេលពីរថ្ងៃនៅប្រទេសវៀតណាម (ថ្ងៃទី២៨ និង២៩ ខែវិច្ឆិកា) តបតាមសេចក្តីអញ្ជើញរបស់ប្រធានរដ្ឋនៃសាធារណរដ្ឋសង្គមនិយមវៀតណាម លោក លឿង គឿង។ ដំណើរទស្សនកិច្ចនេះ បានធ្វើឡើងតែប៉ុន្មានថ្ងៃបន្ទាប់ពីប្រធានរដ្ឋសភាវៀតណាម លោក ទ្រិន ថាញ់មិន ទៅបំពេញទស្សនកិច្ចជាផ្លូវការនៅកម្ពុជា និងចូលរួមមហាសន្និបាតលើកទី១២ នៃសន្និសីទអន្តរជាតិរបស់គណបក្សនយោបាយអាស៊ី និងសម័យប្រជុំពេញអង្គលើកទី១១ នៃសភាអន្តរជាតិ “សម្រាប់ការអត់ឱន និងសន្តិភាព”។ ដំណើរទស្សនកិច្ចនេះ បង្ហាញពីចំណងមិត្តភាព ការជឿទុកចិត្ត និងការយកចិត្តទុកដាក់របស់ព្រះមហាក្សត្រកម្ពុជាចំពោះប្រទេសវៀតណាម។
(VOVWORLD) - បន្ទាប់ពីបានដំណើរការចរចារដ៏តឹងតែងអស់រយៈពេលពីរសប្តាហ៍ នៅក្នុងរដ្ឋធានី បាគូ របស់ប្រទេសអាស៊ែបៃហ្សង់មក កិច្ចប្រជុំកំពូលលើកទី ២៩ នៃភាគីចូលរួមអនុសញ្ញាក្របខ័ណ្ឌអង្គការសហប្រជាជាតិស្តីពីការប្រែប្រួលអាកាសធាតុ - COP២៩ បានបិទនៅថ្ងៃទី ២៤ ខែវិច្ឆិកា ជាមួយនឹងកិច្ចព្រមព្រៀងហិរញ្ញវត្ថុអាកាសធាតុថ្មីដែលនាំមកការខកចិត្តសម្រាប់បណ្តាប្រទេសកំពុងអភិវឌ្ឍន៍។
(VOVWORLD) - ប្រធានរដ្ឋសភាវៀតណាម លោក ត្រិន ថាញ់មិន ទើបតែបានបញ្ចប់ដំណើរទស្សនកិច្ចជាផ្លូវការនៅព្រះរាជាណាចក្រកម្ពុជា ចូលរួមមហាសន្និបាតលើកទី១២ នៃសន្និសីទអន្តរជាតិរបស់បណ្ដាគណបក្សនយោបាយនៅអាស៊ី (ICAPP) ហើយបានថ្លែងសុន្ទរកថាក្នុងសម័យប្រជុំពេញអង្គលើកទី១១ នៃសភាអន្តរជាតិដើម្បីភាពអត់ឱន និងសន្តិភាព (IPTP ១១)។ ដំណើរទស្សនកិច្ចនេះបានរួមចំណែកក្នុងការពង្រឹងទំនុកចិត្តជាយុទ្ធសាស្រ្តនិងធ្វើឱ្យស៊ីជម្រៅថែមទៀតនូវទំនាក់ទំនងវៀតណាម-កម្ពុជា។ ជាពិសេស វៀតណាមបានបង្ហាញសារអំពីការត្រៀមខ្លួនជាស្រេចគាំទ្រគំនិតផ្តួចផ្តើមដែលរួមចំណែកដល់សន្តិភាព ស្ថិរភាពក្នុងតំបន់ និងពិភពលោក។
(VOVWORLD) - ប្រព្រឹត្តទៅចាប់ពីថ្ងៃទី ១៨ ដល់ ទី ១៩ ខែវិច្ឆិកានៅទីក្រុង Rio de Janeiro ប្រទេសប្រេស៊ីល កិច្ចប្រជុំកំពូលក្រុមប្រទេសមានសេដ្ឋកិច្ចអភិវឌ្ឍន៍និងកំពុងរីកចម្រើនឈានមុខគេរបស់ពិភពលោក - G20 ឆ្នាំនេះ បានកត់ត្រានូវវឌ្ឍនភាពដ៏ធំធេងក្នុងកិច្ចខិតខំប្រឹងប្រែងប្រយុទ្ធប្រឆាំងនឹងភាពក្រីក្រនៅលើពិភពលោក។ ទោះជាយ៉ាងណាក៏ដោយ អង្គប្រជុំមិនអាចជំរុញរបកគំហើញសំខាន់ៗស្តីពីហិរញ្ញវត្ថុអាកាសធាតុនិងការផ្លាស់ប្តូរថាមពលដូចការរំពឹងទុកនោះឡើយ ហើយនៅតែពុះជ្រៀកបែងចែកផ្នែកភូមិសាស្ត្រនយោបាយ។
(VOVWORLD) - ក្នុងប្រវត្តិសាស្ត្រវៀតណាម វិស័យអប់រំបានដើរតួនាទីពិសេសចំពោះរាល់អព្ភូតហេតុអភិវឌ្ឍន៍របស់ប្រទេសជាតិ។ ក្នុងបរិបទដែលពិភពលោកកំពុងស្ថិតក្នុងដំណាក់កាល ផ្លាស់ប្តូរមានចរិតលក្ខណៈសម័យកាល ការប្រកួតប្រជែងលើគុណភាពធនធានមនុស្សនឹងកំណត់នូវឱកាសអភិវឌ្ឍន៍របស់ប្រទេសនីមួយៗ ហើយតួនាទីរបស់វិស័យអប់រំកាន់តែមានសារៈ សំខាន់ជាងពេលណាៗទាំងអស់ ដោយនៅតែត្រូវបានកំណត់ជាគោលនយោបាយចម្បងរបស់ប្រទេសជាតិ ខណៈដែលវៀតណាម កំពុងឈានចូលយុគសម័យថ្មី។ ប្រការនេះត្រូវបានថ្នាក់ដឹក នាំវៀតណាមគូសបញ្ជក់ នៅក្នុងការថ្លែងមតិនាពេលថ្មីៗនេះ ក្នុងឱកាសទិវាគ្រូបង្រៀនវៀតណាម ថ្ងៃទី ២០ ខែវិច្ឆិកា។
(VOVWORLD) - អគ្គលេខាគណៈកម្មា ធិការមជ្ឈិមបក្សកុម្មុយនិស្តវៀតណាម លោក តូ ឡឹម និងលោកជំទាវបានអញ្ជើញទៅបំពេញទស្សនកិច្ចផ្លូវការនៅប្រទេសម៉ាឡេស៊ី ចាប់ពីថ្ងៃទី ២១ ដល់ថ្ងៃទី ២៣ ខែវិច្ឆិកា តបតាមសេចក្តីអញ្ជើញរបស់នាយករដ្ឋមន្ត្រីម៉ាឡេស៊ី លោក Anwar Ibrahim និងលោកជំទាវ។ ដំណើរទស្សនកិច្ចនេះបានធ្វើឡើងក្នុងបរិបទដែលទំនាក់ទំនងទ្វេភាគីមានការអភិវឌ្ឍន៍ដ៏ខ្លាំងក្លា និងទូលំទូលាយ ជាពិសេសចាប់តាំងពីប្រទេសទាំងពីរបានលើកកម្ពស់ទំនាក់ទំនងទៅភាពជាដៃគូយុទ្ធសាស្ត្រក្នុងឆ្នាំ ២០១៥ ដែលរួមចំណែកអភិវឌ្ឍន៍ទំនាក់ទំនងរវាងប្រទេសទាំងពីរឡើងដល់កម្ពស់ថ្មីមួយ។
