(VOVWORLD) - ធុរជន វ័យក្មេង Vu Gia Luyen គឺជាគំរូមួយរូបក្នុងចំណោមគំរូវ័យក្មេងឆ្នើមវៀតណាមទាំង ១០ រូបក្នុងឆ្នាំ ២០២១ ដែលត្រូវបានប្រគល់ជូនដោយមជ្ឈិមសម្ព័ន្ធយុវជនកុម្មុយនិស្តហូជីមិញ។
(VOVWORLD) - ដោយមានការខិតខំប្រឹងប្រែងជំនះពុះពារលើការលំបាក ដើម្បីនាំទេសចរណ៍សហគមន៍ឲ្យដំណើរការប្រកបដោយប្រសិទ្ធភាពនោះ ក្នុងឆ្នាំ ២០២១ លោក Giang A De នៅឃុំ La Pan Tan ស្រុក Mu Cang Chai ខេត្ត Yen Bai មានកិត្តិយសទទួលបានពានរង្វាន់ “យុវជនរស់នៅយ៉ាងល្អ” ដែលត្រូវបានមជ្ឈឹមសម្ព័ន្ធយុវជនវៀតណាមប្រគល់ជូន។ រាល់ការលះបង់របស់លោកបានបំផុសគំនិតក្នុងការអភិវឌ្ឍទេសចរណ៍សហគមន៍ដល់បងប្អូនជនជាតិ Mong នៅតំបន់ខ្ពង់រាបនេះ។
(VOVWORLD) - “តាំងពីនៅតូច ខ្ញុំតែងមានសុបិនបានពាក់ អាវពណ៌ខៀវរបស់កងទ័ពជើងទឹក សុបិនបានចេញទៅនាយសមុទ្រ ដើម្បីស្វែងយល់ពីកន្លែងឆ្ងាយដាច់ស្រយាលនៃមាតុភូមិ ហើយអាចគ្រប់គ្រងនាវាចម្បាំងទំនើបៗ ដើម្បីការពារមាតុភូមិ”។ នោះគឺជាការចែករំលែករបស់អនុនាវីឯក លោក Nguyen Tien Duy ប្រធានផ្នែកនាវាចរណ៍ នាវាលេខ ០១៦ កងពលតូចលេខ ១៦២ ភូមិភាគទី ៤ កងទ័ពជើងទឹក នៅពេលដែលលោកមានកិត្តិយសទទួលបានពានរង្វាន់ “គំរូយុវជនឆ្នើមទាំង១០របស់វៀតណាម” និង “គំរូយុវជនឆ្នើមទាំង១០របស់កងទ័ពក្នុងឆ្នាំ២០២១”។
(VOVWORLD) - សិល្បការិនីប្រជាជន Tuyet Mai ជាអ្នកដែលមានសំឡេងមាស និងជាសំឡេងមួយក្នុងចំណោមសំឡេងដែលបានបង្កើតឡើងម៉ាកយីហោវិទ្យុសំឡេងវៀតណាម។ ពេលនេះ សិល្បការិនី Tuyet Mai បានលាចាកលោកទៅហើយ ប៉ុន្តែសម្លេងដ៏ក្រអូន ស្រទន់របស់លោកស្រី តាមរយៈកម្មវិធីវិទ្យុ តាំងពីយូរណាស់មកហើយបានក្លាយជាអ្វីដ៏ជិតស្និទ្ធ គួរឲ្យទាក់ចិត្តចំពោះមិត្តអ្នកស្ដាប់ជាច្រើនកុះករ។
(VOVWORLD) - ក្នុងរយៈពេលជាច្រើនខែកន្លងមកនេះ គិលានុប ដ្ឋាយិកា H'Wi Buon Yă (អាយុ ៣៣ ឆ្នាំ) ដែលធ្វើការនៅបន្ទប់សង្គ្រោះបន្ទាន់នៃគិលានដ្ឋានស្រុក Ea Kar ត្រូវបានចាត់តាំងឲ្យទៅធ្វើការនៅមន្ទីរពេទ្យបណ្ដោះអាសន្នលេខ១សម្រាប់ព្យាបាលអ្នកជម្ងឺកូវីដ-១៩ នៅខេត្ត Dak Lak។ អ្នកស្រី H'Wi ចាត់ទុកអ្នកជម្ងឺជាសមាជិកគ្រួសារអញ្ចឹង ដែលតែងតែត្រៀមខ្លួនជាស្រេច នៅពេលដែលអ្នកជម្ងឺត្រូវការជំនួយ។
(VOVWORLD) - មកដល់ភូមិឃុំជនជាតិ Mong នៅតំបន់ខ្ពង់រាប ភាគពាយ័ព្យ លោកអ្នកច្រើនតែប្រទះឃើញរូបភាពលោកយាយ ម្ដាយ និងក្រមុំជនជាតិ Mong ឆ្លៀតពេលទំនេរ អង្គុយប៉ាក់ កាត់ដេរសម្លៀកបំពាក់ជនជាតិ។ ហើយមានស្ត្រីជនជាតិ Mong ដែលចេះទាញយកប្រយោជន៍ពីការងារនេះ ដោយបណ្តាក់ទុនបើកហាងកាត់ដេរសម្លៀកបំពាក់ជនជាតិ ដើម្បីបង្កើតប្រាក់ចំណូលដោយស្ថិរភាពសម្រាប់គ្រួសារ ព្រមទាំងរួមចំណែកថែរក្សាលក្ខណៈវប្បធម៌ដ៏ស្រស់ស្អាតរបស់ជនជាតិខ្លួន ក្នុងនោះមាន អ្នកស្រី Mua Thi Tong ជនជាតិ Mong នៅភូមិ Na Phieng ឃុំ Chieng Kheo ស្រុក Mai Son ខេត្ត Son La។
(VOVWORLD) - អស់រយៈពេលជាង៣០ឆ្នាំកន្លងមក សិប្បករ Y Thai Eban ជនជាតិ Ede នៅទីក្រុង Buon Ma Thuot ខេត្ត Dak Lak បានលះបង់ទាំងកម្លាំងកាយនិងកម្លាំងចិត្តដើម្បីថែរក្សានិងអភិវឌ្ឍន៍របរឆ្លាក់រូបចម្លាក់ឈើ ប្រែក្លាយដុំឈើទៅជាស្នាដៃសិល្បៈ។ លោកជាសិប្បករមួយក្នុងចំណោមសិប្បករតិចតួចនៅខេត្ត Dak Lak ដែលនៅតែរក្សាបាននូវការជក់ចិត្តនឹងការឆ្លាក់រូបចម្លាក់ឈើ ហើយរកបានប្រាក់ចំណូលពីការងារនេះ។
(VOVWORLD) - ខ្លាជាសត្វមួយក្នុងចំណោមសត្វស័ក្តិសិទ្ធទាំង១២ ជានិមិត្តរូបនៃកម្លាំងខ្លាំងក្លា និងភាពអង់អាច។ សត្វខ្លាជាច្រើនត្រូវបានចិញ្ចឹមនៅក្នុងសួនសត្វ ប៉ុន្តែដោយមានសភាវគតិជាសត្វព្រៃ វាអាចបង្កគ្រោះថ្នាក់ដល់អ្នកថែទាំ ប្រសិនបើខ្វះការប្រុងប្រយ័ត្ន។ ការថែទាំខ្លាពិតជាជួបការលំបាកនិងគ្រោះថ្នាក់ជាច្រើនមែន ប៉ុន្តែនៅតែមានមនុស្សដែលជក់ចិត្ត ស្រឡាញ់ការងារនេះយ៉ាងពិតប្រាកដ។ ពួកគេបានផ្សាភ្ជាប់ ហើយថែទាំខ្លាដូច “សត្វចិញ្ចឹម” របស់ខ្លួនអញ្ចឹង។
(VOVWORLD) - នៅពេលដែលទីក្រុង Can Tho អនុវត្តន៍ការរក្សាគម្លាតសង្គមតាមសារាចរណ៍របស់នាយករដ្ឋមន្រ្តីរដ្ឋាភិបាល លោក Tran Vu Truong កើតនៅឆ្នាំ១៩៨៣ នាយកក្រុមហ៊ុនឯកបុគ្គលទទួលខុសត្រូវមានកម្រិត រថយន្ត Truong Dung នៅសង្កាត់ Thuong Thanh ខ័ណ្ឌ Cai Rang ទីក្រុង Can Tho បានសម្រេចចិត្តបញ្ឈប់អាជីវកម្មសេវាដឹកជញ្ជូនដើម្បីធ្វើការងារសប្បុរសធម៌។ សកម្មភាពរបស់ម្ចាស់អាជីវកម្មវ័យក្មេងរូបនេះបានរីកសាយភាយដល់មនុស្សជាច្រើន ហើយទាក់ទាញសប្បុរសជនផ្សេងៗរួមដៃគ្នាជួយឧបត្ថម្ភប្រជាជនដែលកំពុងជួបការលំបាក។
(VOVWORLD) - ក្នុងរយៈពេលជាច្រើនឆ្នាំដែលត្រូវបានចាត់ចែងការងារទៅបង្រៀននៅថ្នាក់រៀនភូមិ Ia Tong ឃុំ Ia Der អាស្រ័យដោយការឃោសនានិងបញ្ចុះបញ្ចូលយ៉ាងប៉ិនប្រសប់ អ្នកគ្រូ Ksor H'Nhiêm (សាលាមត្តេយ្យ ៣០/៤ ស្រុក Ia Grai) បានចលនាឲ្យកុមារមត្តេយ្យទាំង១០០% ទៅសាលារៀន ព្រមទាំងរៀបចំថ្នាក់រៀនពាក់កណ្ដាលអន្តេវាសិកនៅក្នុងភូមិក្រីក្រមួយនេះ។ ប្រការដ៏សំខាន់បំផុតនោះគឺ ប្រជាជននៅទីនេះបានផ្លាស់ប្តូរមនសិការហើយសម្របសម្រួលយ៉ាងសកម្មជាមួយសាលាក្នុងការថែទាំកុមារមត្តេយ្យ អាស្រ័យដោយទឹកចិត្តដ៏ស្មោះស្ម័គ្ររបស់អ្នកគ្រូ Ksor H'Nhiêm។
