(VOVWORLD) - ចាប់ពីថ្ងៃទី១៦ ដល់ថ្ងៃទី២៤ ខែវិច្ឆិកា ឆ្នាំ២០២៥ លោកនាយករដ្ឋមន្ត្រី ហ្វាម មិញ ជីញ អញ្ជើញទៅបំពេញទស្សនកិច្ចជាផ្លូវការនៅសាធារណរដ្ឋគុយវ៉ែត អាល់ហ្សេរី ចូលរួមកិច្ចប្រជុំកំពូល G20 និងបំពេញសកម្មភាពទ្វេភាគីនៅអាហ្វ្រិកខាងត្បូង។ នេះមិនត្រឹមតែជាដំណើរទស្សនកិច្ចការទូតធម្មតានោះទេ ប៉ុន្តែជាសកម្មភាពជាបន្តបន្ទាប់ដែលដាក់គ្រឹះសម្រាប់ជំហានសំខាន់ៗ ក្នុងយុទ្ធសាស្ត្របើកទូលាយភាពជាដៃគូ និងលើកកម្ពស់ឋានៈអន្តរជាតិរបស់វៀតណាមក្នុងដំណាក់កាលថ្មី។
(VOVWORLD) - រដ្ឋបាលរបស់លោកប្រធានាធិបតី Donald Trump នៅថ្ងៃទី ១៣ ខែវិច្ឆិកាបានប្រកាសថា ខ្លួនបានសុក្រឹត្យកិច្ចព្រមព្រៀងពាណិជ្ជកម្មជាមួយប្រទេសអាហ្សង់ទីន ហ្គាតេម៉ាឡា អេក្វាឌ័រ និងអែល សាល់វ៉ាឌ័រ។ កិច្ចព្រមព្រៀងទាំងនេះមិនត្រឹមតែនាំមកនូវអត្ថប្រយោជន៍ពាណិជ្ជកម្មដល់ភាគីពាក់ព័ន្ធប៉ុណ្ណោះទេ ប៉ុន្តែថែមទាំងឆ្លុះបញ្ចាំងពីការយកចិត្តទុកដាក់របស់រដ្ឋបាលសហរដ្ឋអាមេរិកចំពោះតំបន់ឥទ្ធិពលប្រពៃណី ក្នុងបរិបទដែលមានការប្រកួតប្រជែងភូមិសាស្ត្រនយោបាយកាន់តែខ្លាំងឡើងនៅក្នុងពិភពលោក។
(VOVWORLD) - ការងារចំនួនប្រជាជនគឺជាភារកិច្ចយុទ្ធសាស្ត្រកំពូលមួយ ដែលផ្សាភ្ជាប់យ៉ាងជិតស្និទ្ធទៅនឹងធនធានមនុស្សនិងការអភិវឌ្ឍប្រកបដោយចីរភាពរបស់ប្រទេសជាតិ។ នៅក្នុងបរិបទដែលវៀតណាមកំពុងប្រឈមមុខនឹងហា និភ័យនៃការថយចុះការសម្រាលកូន និងបញ្ហាប្រឈមនៃភាពចាស់របស់ប្រជាជន មតិយោបល់ជាច្រើន លើសេចក្តីព្រាងច្បាប់ចំនួនប្រជាជនដែលបានបង្ហាញនៅក្នុងសម័យប្រជុំលើកទី ១០ នៃរដ្ឋសភានីតិកាលទី ១៥ ឆ្លុះបញ្ចាំងពីចក្ខុវិស័យនៃការអភិវឌ្ឍមនុស្សគ្រប់ជ្រុងជ្រោយ ដោយចាត់ទុកគោលនយោបាយប្រជាជនជាគោលនយោបាយអភិវឌ្ឍន៍មនុស្ស។
(VOVWORLD) - ច្បាប់ស្តីពីការផ្លាស់ប្តូរឌីជីថលគ្រោងនឹងត្រូវបានអនុម័តនៅក្នុងសម័យប្រជុំលើកទី ១០ រដ្ឋសភាវៀតណាមនីតិកាលទី១៥។ ច្បាប់នេះមិនត្រឹមតែចែងយ៉ាងច្បាស់អំពី ការទទួលខុសត្រូវរបស់ភ្នាក់ងារ និងអង្គការនានាក្នុងការកសាងហេដ្ឋារចនាសម្ព័ន្ធ ឌីជីថល និងទិន្នន័យឌីជីថលប៉ុណ្ណោះទេ ថែមទាំងលើកកម្ពស់សិទ្ធិ កាតព្វកិច្ច និងការ ចូលរួមរបស់ប្រជាជននៅក្នុងលំហឌីជីថលទៀតផង។ នេះគឺជាជំហានមួយដែល បង្ហាញពីការប្តេជ្ញាចិត្តរបស់វៀតណាមក្នុងការស្ថាបនាបរិយាកាសឌីជីថលដើម្បី ប្រជាជន និងដើម្បីការអភិវឌ្ឍប្រកបដោយចីរភាព។
(VOVWORLD) - កិច្ចប្រជុំកំពូលលើកទី ៣០ នៃបណ្ដាភាគីដែលចូលរួមអនុសញ្ញាក្របខ័ណ្ឌអង្គការសហប្រជាជាតិស្តីពីការប្រែប្រួលអាកាសធាតុ (COP30) នៅទីក្រុង Belem ប្រទេសប្រេស៊ីល នាថ្ងៃទី ១០ ខែវិច្ឆិកា បានឈានចូលដល់ដំណាក់កាលចរចាដ៏លំបាកជាផ្លូវការ ដើម្បីសម្រេចបាននូវគោលដៅដ៏មហិច្ឆតាលើការកាត់បន្ថយការបំភាយឧស្ម័នផ្ទះកញ្ចក់ ការផ្លាស់ប្តូរថាមពល និងហិរញ្ញវត្ថុអាកាសធាតុ។
(VOVWORLD) - ការបើកការដ្ឋានសាងសង់ក្នុងពេលដំណាលគ្នានៃសាលាអន្តេវាសិកអន្តរកម្រិត បឋមសិក្សា និងមធ្យមសិក្សាជាង ៧០ កន្លែង សម្រាប់ជនជាតិភាគតិច នៅក្នុងឃុំព្រំដែនជាច្រើននៅថ្ងៃទី ៩ ខែវិច្ឆិកា មិនត្រឹមតែជាការវិនិយោគលើហេដ្ឋារចនាសម្ព័ន្ធអប់រំសុធសាធនោះទេ។ នោះក៏ជាសក្ខីភាពបង្ហាញយ៉ាងច្បាស់ថា រដ្ឋកំពុងអនុវត្តន៍ជាក់ស្តែងរាល់ការប្តេជ្ញាចិត្តរបស់ខ្លួនលើសិទ្ធិមនុស្ស ជាពិសេសសិទ្ធិទទួលបានការអប់រំ សិទ្ធិទទួលបានសិទ្ធិស្មើភាពគ្នាសម្រាប់កុមារនៅក្នុងតំបន់ដែលមានការលំបាក និងសិទ្ធិទទួលបានការអភិវឌ្ឍយ៉ាងទូលំទូលាយនៃសហគមន៍ជនជាតិភាគតិច។
(VOVWORLD) - កិច្ចប្រជុំកំពូលរវាងសហរដ្ឋអាមេរិក និងប្រទេសអាស៊ីកណ្តាលចំនួន ៥ រួមមានកាហ្សាក់ស្ថាន អ៊ូសបេគីស្ថាន កៀហ្ស៊ីស៊ីស្ថាន តាជីគីស្ថាន និងតូមិននីស្ថាន (C៥+១ ) បានប្រព្រឹត្តទៅនាថ្ងៃទី ៦ ខែវិច្ឆិកា នៅទីក្រុងវ៉ាស៊ីនតោន។ ព្រឹត្តិការណ៍នេះ មិនត្រឹមតែរំលឹកខួបលើកទី ១០ នៃការបង្កើតយន្តការ C៥+១ ប៉ុណ្ណោះទេ ប៉ុន្តែថែមទាំងគូសសញ្ញាសម្គាល់នៃកាយវិការដ៏សំខាន់របស់សហរដ្ឋអាមេរិក ក្នុងយុទ្ធសាស្ត្របង្កើនឥទ្ធិពលរបស់ខ្លួននៅតំបន់អាស៊ីកណ្តាល ដែលសម្បូរទៅដោយធនធានធម្មជាតិ និងមានទីតាំងភូមិសាស្ត្រដ៏សំខាន់។
(VOVWORLD) - បន្ទាប់ពីរយៈពេល ៤ ខែនៃការអនុវត្តគំរូអាជ្ញាធរមូលដ្ឋាន ២ កម្រិត វៀតណាមសម្រេចបានជោគជ័យដំបូងក្នុងការរៀបចំគំរូរដ្ឋបាលឡើងវិញ។ រយៈពេលនេះបង្ហាញពីរបៀបដែលក្បាលម៉ាស៊ីនរដ្ឋឆ្លើយតបទៅនឹងការផ្លាស់ប្តូរ របៀបដែលប្រជាជនទទួលយកការផ្លាស់ប្តូរ និងសំខាន់ជាងនេះទៅទៀត៖ គំរូនេះកំពុងផ្តើមឡើងទិសដៅសម្រាប់ដំណាក់កាលបន្ទាប់។
(VOVWORLD) - សេចក្ដីព្រាងឯកសារ “ការវាយតម្លៃរយៈពេល ៥ ឆ្នាំ អនុវត្តន៍យុទ្ធសាស្ត្រ អភិវឌ្ឍន៍សេដ្ឋកិច្ចសង្គមរយៈពេល ១០ ឆ្នាំ ២០២១ - ២០៣០” ដែលត្រូវបានដាក់ជូន មហាសន្និបាតបក្សលើកទី១៤ បានធ្វើអត្ថាធិប្បាយថា៖ នៅក្នុងបរិបទដែលស្ថានភាព ពិភពលោកមានការប្រែប្រួលជាច្រើន ជំងឺរាតត្បាត និងគ្រោះមហន្តរាយធម្មជាតិកើត មានយ៉ាងធ្ងន់ធ្ងរនោះ សេដ្ឋកិច្ចវៀតណាមក្នុងរយៈពេល ៥ ឆ្នាំ ២០២១ - ២០២៥ នៅ តែសម្រេចបាននូវលទ្ធផលសំខាន់ៗ និងលេចធ្លោ។
(VOVWORLD) - ប្រព្រឹត្តទៅចាប់ពីថ្ងៃទី ១០ ដល់ថ្ងៃទី ២១ ខែវិច្ឆិកា នៅទីក្រុង Belem ដែលជាទីក្រុងស្ថិតនៅកណ្តាលព្រៃអាម៉ាហ្សូន ប្រទេសប្រេស៊ីល សន្និសីទលើកទី ៣០ នៃបណ្ដាភាគីចូលរួមអនុសញ្ញាក្របខ័ណ្ឌអង្គការសហប្រជាជាតិស្តីពីការប្រែប្រួលអាកាសធាតុ (COP៣០) ត្រូវប្រឈមមុខនឹងបញ្ហាធំៗជាច្រើន ខណៈដែលការប្រយុទ្ធប្រឆាំងនឹងការប្រែប្រួលអាកាសធាតុកំពុង លេចឡើងហានិភ័យនៃការងាកចេញមិនចំគោលដៅដែលបានដាក់ចេញ។
