(VOVWORLD) - នាថ្ងៃទី ៣០ ខែធ្នូ ឆ្នាំ ១៩៥៥ វៀតណាមនិងឥណ្ឌូនេស៊ីបានបង្កើតទំនាក់ទំនងការទូតជាផ្លូវការ។ ក្រោយរយៈពេលជិត ៦ ទស្សវត្សរ៍ ក្នុងឆ្នាំ ២០១៣ ទំនាក់ទំនងវៀតណាម-ឥណ្ឌូនេស៊ីត្រូវបានលើកកំពស់ទៅជាដៃគូយុទ្ធសាស្ត្រ។ ក្រឡេកមើលដំណើរកន្លងផុតទៅ ប្រទេសទាំងពីរសម្រេចបានសមិទ្ធផលសំខាន់ៗជាច្រើនលើគ្រប់វិស័យ។
(VOVWORLD) - គុនថៃ (Muay) គឺជាសិល្បៈក្បាច់គុនបុរាណថៃដែលត្រូវបាននាំចូលប្រទេសវៀតណាមចាប់តាំងពីទសវត្សរ៍ទី ៩០ នៃសតវត្សមុន។ រហូតមកដល់បច្ចុប្បន្ន Muay ថៃបានក្លាយទៅជាវិញ្ញាសារកីឡាដ៏ពេញនិយម ដែលត្រូវបានរួមបញ្ចូលក្នុងកម្មវិធីបណ្តុះបណ្តាល និងការប្រកួតប្រជែងយ៉ាងទូលំទូលាយ។
(VOVWORLD) - ក្នុងប៉ុន្មានឆ្នាំថ្មីៗនេះ កម្មវិធីជួបប្រាស្រ័យផ្លាស់ប្តូរប្រជាជនជាមួយប្រជាជននិយាយរួម និងយុវជនជាមួយយុវជននិយាយដោយឡែក តែងតែជាវិស័យមួយដែលត្រូវបានថ្នាក់ដឹកនាំនៃប្រទេសទាំង២ វៀតណាម និងកម្ពុជាយកចិត្តទុកដាក់ជំរុញ។ សកម្មភាពផ្លាស់ប្តូរយុវជនប្រព្រឹត្តទៅយ៉ាងផុលផុសក្នុងទម្រង់ជាច្រើនទាំងនៅថ្នាក់មជ្ឈិម និងថ្នាក់មូលដ្ឋាន។ កាលពីខែវិច្ឆិកាកន្លងទៅ កម្មវិធី “ជំនួបមិត្តភាពយុវជនវៀតណាម - កម្ពុជា” ឆ្នាំ ២០២៣ ត្រូវបានរៀបចំឡើងនៅទីក្រុងហាណូយ និងខេត្ត Quang Ninh ដែលរួមចំណែកបង្កើនការផ្លាស់ប្តូរ និងការយល់ដឹងគ្នាទៅវិញទៅមករវាងយុវជននៃប្រទេសទាំងពីរ។
(VOVWORLD) - ក្នុងសុន្ទរកថាចូលកាន់តំណែងជាប្រធានអាស៊ានប្ដូរវេនឆ្នាំ២០២៤ ក្នុងពិធីបិទកិច្ចប្រជុំកំពូលអាស៊ានលើកទី៤៣ និងកិច្ចប្រជុំកំពូលពាក់ព័ន្ធនៅទីក្រុងហ្សាកាតា ប្រទេសឥណ្ឌូណេស៊ីនាពេលកន្លងទៅ នាយករដ្ឋមន្ត្រីឡាវ លោក Sonexay Siphandone បានប្រកាសជាផ្លូវការនូវប្រធានបទឆ្នាំអាស៊ាន២០២៤គឺ "ជំរុញការតភ្ជាប់និងភាពធន់" ដែលជាសញ្ញានៃអាណត្តិមួយដ៏រស់រវើក និងប្រកបដោយប្រសិទ្ធភាព។ នេះក៏ជាលើកទី៣ហើយដែលប្រទេសឡាវកាន់តំណែងដ៏សំខាន់នេះ។
(VOVWORLD) - តំបន់អាស៊ីប៉ាស៊ីហ្វិកដ៏ពោរពេញទៅដោយភាពស្វាហាប់ដោយមានចំនួនប្រជាជនស្មើ ២/៣ នៃចំនួនប្រជាជនពិភពលោក ច្រើនតែរងផលប៉ះពាល់យ៉ាងធ្ងន់ធ្ងរដោយគ្រោះមហន្តរាយ គ្រោះធម្មជាតិ និងជំងឺរាតត្បាត។ យ៉ាងណាមិញ ប្រភពធនធានសម្រាប់សកម្មភាពផ្ដល់ជំនួយនិងសង្គ្រោះមនុស្សធម៌ នៅមានកម្រិតនៅកន្លែងជាច្រើន។ សមាគមកាកបាទក្រហមនៃប្រទេសនានាក្នុងតំបន់និយាយដោយឡែក និងលើពិភពលោកនិយាយរួម បានចូលរួមចែករំលែកបទពិសោធន៍ សហប្រតិបត្តិការធ្វើសកម្មភាពដើម្បីលើកកម្ពស់សមត្ថភាពនៃសកម្មភាពមនុស្សធម៌ ព្រមទាំងបង្ការ ទប់ទល់នឹងគ្រោះមហន្តរាយផងដែរ។
(VOVWORLD) - ក្នុងប៉ុន្មានឆ្នាំថ្មីៗនេះ វៀតណាម និងកម្ពុជាបានជំរុញកិច្ចសហប្រតិបត្តិការលើវិស័យជាច្រើន ក្នុងនោះកិច្ចសហប្រតិបត្តិការបណ្តុះបណ្តាលទទួលបានការយកចិត្តទុកដាក់យ៉ាងខ្លាំង ជាមួយ នឹងកម្មវិធីសកម្មភាពដ៏ជាក់ស្តែង និងមានប្រសិទ្ធភាពជាច្រើន។ ជារៀងរាល់ឆ្នាំ ការផ្លាស់ប្ដូរសិស្សានុសិស្ស និងនិស្សិតរវាងប្រទេសទាំងពីរកាន់តែកើនឡើងៗ។ យោងតាមរបាយការណ៍ស្តីពីលទ្ធផលនៃការអនុវត្តភារកិច្ចសម្រាប់ឆ្នាំសិក្សា ២០២២-២០២៣ ទិសដៅ និងភារកិច្ចសំខាន់ៗសម្រាប់ឆ្នាំសិក្សា ២០២៣-២០២៤ របស់ក្រសួងអប់រំ និងបណ្តុះបណ្តាលវៀតណាម បានឲ្យដឹងថា បច្ចុប្បន្ននេះ មាននិស្សិតបរទេសប្រមាណ ២២០០០នាក់ដែលកំពុងសិក្សានៅប្រទេសវៀតណាម ក្នុងនោះមាននិស្សិតកម្ពុជាប្រមាណ៤.០០០នាក់។
(VOVWORLD) - ក្នុងកម្មវិធី “ទិវាបុណ្យមិត្តភាពពិសេសវៀតណាម - ឡាវ ឆ្នាំ ២០២៣” ក្រោមប្រធានបទ “ព័ត៌មាននិងទូរគមនាគមន៍ - ចំណុចភ្លឺក្នុងទំនាក់ទំនងសហប្រតិបត្តិការវៀតណាម - ឡាវ” ដែលធ្វើឡើងនៅ ទីក្រុង Hue ចាប់ពីថ្ងៃទី ១១ ដល់ថ្ងៃទី ១៥ ខែវិច្ឆិកា នាយកដ្ឋានផ្សាយជាភាសាបរទេស (VOV៥) គឺជាអង្គភាពតំណាងរបស់វិទ្យុសម្លេងវៀតណាម ដែលចូលរួមពិព័រណ៍នៅទីនេះ។ ដោយការចូលរួមទិវាបុណ្យជាលើកដំបូង រួមជាមួយនឹងប្រវត្តិសាស្ត្រ ៦៩ ឆ្នាំនៃកម្មវិធីផ្សាយសម្លេងជាភាសាឡាវ និង ៧៨ ឆ្នាំនៃនាយកដ្ឋានផ្សាយជាភាសាបរទេសនោះ វិទ្យុសម្លេងវៀតណាមបាននឹងកំពុងរួមចំណែកក្នុងការពូនជ្រុំចំណងមិត្តភាពពិសេសរវាងវៀតណាមនិងឡាវ។
(VOVWORLD) - ក្រោយពីបង្ហាញមុខបាន៣ឆ្នាំ ដោយមានការចូលមើលជាង ២,១ លានដង នៃ MV បទចម្រៀង "កញ្ញាវៀងច័ន្ទ" មកទល់នឹងពេលនេះ មិត្តវ័យក្មេងជាច្រើននៅតែចងចាំបទចម្រៀងនេះរបស់អ្នកចម្រៀង តន្ត្រីករវ័យក្មេង កើតឆ្នាំ២០០០ លោក Bui Tuan Ngoc ដែលនិពន្ធជូនមជ្ឈដ្ឋានវ័យក្មេងវៀតណាម និងឡាវ។ ដោយមានបំណង់បន្តប្រើប្រាស់តន្ត្រីធ្វើជាស្ពានចងមេត្រីរវាងមជ្ឈដ្ឋានវ័យក្មេងនៃប្រទេសទាំងពីរ លោក Tuan Ngoc បន្តនិពន្ធបទចម្រៀង និងវីដេអូបទចម្រៀងមួយចំនួនសម្រាប់យុវជនក្នុងឆ្នាំ ២០២៣ - ២០២៤ ដើម្បីរឹតបន្តឹងថែមទៀតនូវទំនាក់ទំនងពិសេសវៀតណាម-ឡាវ តាមរយៈគម្រោងតន្ត្រីដោយមានឈ្មោះថា "សាមគ្គី"។
(VOVWORLD) - នៅដើមខែតុលា ឆ្នាំ ២០២៣ គ្លីនិក Medlatec Cambodia ចំណុះប្រព័ន្ធ សុខាភិបាល Medlatec Vietnam ត្រូវបានបើកសម្ពោធជាផ្លូវការ ដោយនាំមកនូវសេវាសុខាភិបាលប្រកបដោយភាពងាយស្រួល បច្ចេកវិទ្យាខ្ពស់បម្រើប្រជាជន ក៏ដូចជាបង្កើតឱកាសសហប្រតិបត្តិការសម្រាប់វេជ្ជបណ្ឌិត មន្ទីរពេទ្យ គ្លីនិកនៅក្នុងប្រទេសកម្ពុជា អំពីការធ្វើតេស្ត និងធ្វើរោគវិនិច្ឆ័យតាមរូបភាព៤.០។ ស្ថិតនៅក្នុងរាជធានីភ្នំពេញ Medlatec Cambodia ត្រូវបានបង្កើតឡើងក្នុងគោលបំណងចូលរួមចំណែកក្នុងការអភិវឌ្ឍវិស័យសុខាភិបាលនៃរាជធានីភ្នំពេញ ក៏ដូចជាប្រទេស កម្ពុជាផងដែរ។
(VOVWORLD) - លោកអ្នកនាងនិងប្រិយមិត្តជាទីមេត្រី! គិលានដ្ឋានពេទ្យយោធា-ស៊ីវិល Thồng Pè នៅស្រុក Kham Cot ខេត្ត Bolikhamxay ប្រទេសឡាវ អស់រយៈពេល ១៦ ឆ្នាំមកនេះ បាននិងកំពុងពង្រីកបេសកកម្មរបស់ខ្លួនបានយ៉ាងល្អ ជាមួយនឹងសកម្មភាពជាក់ស្តែង និងប្រកបដោយអត្ថន័យជាច្រើន។ ទីកន្លែងនេះបានក្លាយជាទីបង្អែកដ៏ទុកចិត្តរបស់ប្រជាជនឡាវនៅតាមភូមិស្រុកព្រំដែន និងជាផ្ទះមិត្តភាពនៅតំបន់ព្រំដែនរួមឡាវ-វៀតណាមផងដែរ។ ដើម្បីបង្កើតឡើងសមិទ្ធិផលនោះគឺដោយ មានការរួមចំណែករបស់បុគ្គល និងអង្គការជាច្រើន ប៉ុន្តែលេចធ្លោជាងគេគឺលោកវេជ្ជបណ្ឌិត Nguyen Viet Duc ជាអ្នកដែលបានផ្សាភ្ជាប់នឹងគិលានដ្ឋាន Thong Pe អស់រយៈពេល ១០ ឆ្នាំកន្លងមក។ មិនត្រឹមតែប៉ុណ្ណោះទេ លោកវេជ្ជបណ្ឌិត Duc ក៏ត្រូវបានចាត់ទុកជាអ្នកនាំសារនៃសេចក្តីស្រឡាញ់ និងចំណងសាមគ្គីភាពដ៏ស្អិតរមួតរវាងវៀតណាម និងឡាវទៀតផង។
