ព្រឹត្តិការណ៍

09/08/2021

ពូនជ្រុំដោយឥតឈប់ឈរទំនាក់ទំនងមិត្តភាពវៀតណាម-ឡាវ

(VOVWORLD) - តាមការអញ្ជើញរបស់អគ្គលេខាបក្ស ប្រធានរដ្ឋនៃសាធារណៈរដ្ឋប្រជាធិបតេយ្យប្រជាមានិតឡាវ នៅថ្ងៃច័ន្ទ ទី៩ ខែសីហា នេះ ប្រធានរដ្ឋវៀតណាមលោក Nguyen Xuan Phuc បានចាប់ផ្ដើមដំណើរទស្សនកិច្ចមិត្តភាពជាផ្លូវការនៅឡាវ។ ដំណើរទស្សនកិច្ចនេះគឺជាការបញ្ជាក់ថា ទោះជាកាលៈទេសៈអន្តរជាតិនិងតំបន់មានការវិវឌ្ឍន៍យ៉ាងស្មុគស្មាញ ជាពិសេសគឺការផ្ទុះរាលដាលនៃជម្ងឺរាតត្បាត កូវីដ ១៩ ក៏ដោយ ប៉ុន្តែប្រទេសទាំងពីរវៀតណាមនិងឡាវនៅតែសាមគ្គី ស្រុះចិត្តគំនិតជានិច្ច រួមគ្នាជំនះលើគ្រប់ការលំបាកឧបសគ្គនិងអភិវឌ្ឍន៍ដើម្បីសុភមង្គលរបស់ប្រជាជននៃប្រទេសទាំងពីរ។

06/08/2021

ពិភពលោកដោះស្រាយចំណោតដ៏លំបាកអំពីសមភាពវ៉ាក់សាំង

(VOVWORLD) - អស់រយៈពេលមួយឆ្នាំកន្លះកន្លងមក ហើយជំងឺរាតត្បាតកូវីដ -១៩ បានឆ្លងរាលដាលនៅទូទាំងពិភពលោក ជាមួយនឹងវីរុសបំប្លែងខ្លួនដ៏គ្រោះថ្នាក់ និងមិនអាចព្យាករណ៍ទុកជាមុនបានឡើយ។ គេមានក្ដីសង្ឈឹមថា វ៉ាក់សាំងបង្ការកូវីដ ១៩ គឺជាថ្នាំកំចាត់ជំងឺរាតត្បាតបាន យ៉ាងឆាប់រហ័ស ប៉ុន្តែការដែលពិភពលោកបានប្រើប្រាស់វ៉ាក់សាំងដែលមិនសមហេតុផល និងខ្វះសមភាព បានបណ្ដាលឲ្យជំងឺរាតត្បាតកូវីដ ១៩ មិនទាន់បញ្ចប់នៅលើពិភពលោកបានឡើយ។ ជំងឺរាតត្បាតកូវីដ ១៩ បានបង្ហាញពីវិសមភាពយ៉ាងធ្ងន់ធ្ងររវាងបណ្ដាប្រទេស និងចំណោតអំពីសមភាពវ៉ាក់សាំងពិតជាពិបាកដោះស្រាយណាស់។

05/08/2021

វៀតណាមតែងតែយកចិត្តទុកដាក់និងធានាការធ្វើចំណាកស្រុកប្រកបដោយសុវត្ថិភាព ការពារនិងប្រយុទ្ធប្រឆាំងនឹងការជួញដូរមនុស្ស

(VOVWORLD) - រឿងរ៉ាវដ៏គួរឲ្យឈឺចាប់អំពីជនជាតិវៀតណាមចំនួន ៣៩ នាក់ដែលត្រូវស្លាប់នៅលើរថយន្តកុងតឺន័រកំពុងធ្វើដំណើរពីបែលហ្ស៊ិកទៅកាន់ចក្រភពអង់គ្លេសកាលពីខែតុលា ឆ្នាំ ២០១៩ បានញាំងឲ្យក្លាយជារឿងរ៉ាវស៊ើបអង្កេតឃាតកម្មធំបំផុតនៅក្នុងប្រវត្តិសាស្ត្ររបស់ប៉ូលីស Essex នៅចក្រភពអង់គ្លេស។ នៅក្នុងបរិបទដែលការជួញដូរមនុស្សខុសច្បាប់ទៅកាន់បណ្តាប្រទេសអឺរ៉ុបកំពុងមានការវិវឌ្ឍដ៏ស្មុគស្មាញ ប៉ុន្តែវៀតណាមតែងតែយកចិត្តទុកដាក់ ដោយធានាការធ្វើចំណាកស្រុកប្រកបដោយសុវត្តិភាព បង្ការនិងប្រយុទ្ធប្រឆាំងការជួញដូរមនុស្សក្នុងបរិបទនៃការធ្វើសមាហរណកម្មអន្តរជាតិកាន់តែស៊ីជម្រៅ។

04/08/2021

សាមគ្គីនិងស្រុះចិត្តគំនិតគ្នាដើម្បីប្រយុទ្ធប្រឆាំងនឹងជំងឺរាតត្បាត

(VOVWORLD) - អគ្គលេខាគណៈកម្មាធិការមជ្ឈឹមបក្សកុម្មុយ និស្តវៀតណាម លោក Nguyen Phu Trong នាថ្ងៃទី ២៩ ខែកក្កដា ឆ្នាំ ២០២១ បានចេញសេចក្តីអំពាវនាវដល់ជនរួមជាតិ សមមិត្ត យុទ្ធ ជនទូទាំងប្រទេសនិងជនរួមជាតិនៅក្រៅប្រទេសស្តីពីការងារបង្ការនិងប្រយុទ្ធប្រឆាំងជំងឺរាតត្បាត។ ក្នុងការប្រយុទ្ធប្រឆាំងនឹងជំងឺរាតត្បាត ដោយស្មារតី “ប្រយុទ្ធប្រឆាំងនឹងជំងឺរាតត្បាតដូចប្រយុទ្ធជាមួយសត្រូវ”សេចក្តីអំពាវនាវរបស់លោកអគ្គលេខាបក្ស បានកោះហៅបក្សទាំងមូលនិងប្រជាជនទាំងមូល លើកកម្ពស់ប្រពៃណីសាមគ្គីភាព ជួយគ្នាទៅវិញទៅមករបស់ប្រជាជាតិ បង្កើតកម្លាំងពលំនិងជំនឿជឿជាក់ ដើម្បីវៀតណាមរឹងមាំជំនះពុះពារលើជំងឺរាតត្បាតនេះ។

03/08/2021

នៅពីក្រោយការសម្រេចចិត្តបញ្ចប់ភារកិច្ចប្រយុទ្ធរបស់អាមេរិកនៅអ៊ីរ៉ាក់

(VOVWORLD) - នៅថ្ងៃទី២៦ ខែកក្កដា កន្លងទៅ រដ្ឋអំណាចអាមេរិកបានសម្រេចចិត្ត នឹង បញ្ជប់ទាំងស្រុងភារកិច្ចប្រយុទ្ធរបស់កងទ័ពខ្លួននៅសមរភូមិអ៊ីរ៉ាក់នាចុងឆ្នាំ២០២១ តាមនោះបញ្ចប់ជាផ្លូវការនូវយុទ្ធនាការដាក់ពង្រាយកងទ័ពនៅឯបរទេស ក្នុងអំឡុងពេលជិត២ទសវត្សរិ៍កន្លងមកនេះ។ ទោះជាយ៉ាងណាក៏ដោយ នេះ មិនមែនជាការសម្រេចចិត្តដកទ័ពដោយឯកតោភាគីដូចនឹងវិធីបញ្ចប់ការប្រយុទ្ធនៅអាហ្គានីស្ថានឡើយ ប៉ុន្តែតាមរយៈកិច្ចព្រមព្រៀងជាក់ស្ដែងមួយរវាងអាមេរិកនិងអ៊ីរ៉ាក់ គឺជាការបោះជំហានមួយត្រូវបានចាត់ទុកថា មានការគិតគូរផលប្រយោជន៍យុទ្ធសាស្ត្រពីភាគីទាំងពីរ។

02/08/2021

២៦ឆ្នាំដែលវៀតណាមរួមដំណើរនិងអភិវឌ្ឍជាមួយសហគមន៍អាស៊ាន

(VOVWORLD) - ថ្ងៃទី២៨ ខែកក្កដា ឆ្នាំ២០២១ ជាថ្ងៃខួបគម្រប់ ២៦ ឆ្នាំ ដែលវៀតណាមចូលជាសមាជិកសមាគមន៍ប្រជាជាតិអាស៊ីអាគ្នេយ៍ (អាស៊ាន) ជាផ្លូវការ (២៨ កក្កដា ១៩៩៥ - ២៨ កក្កដា ២០២១)។ ក្រោយ រយៈពេលជិត៣ទសវត្សធ្វើសមាហរណកម្មជាមួយតំបន់ វៀតណាមបានក្លាយទៅជាសមាជិកមួយដ៏សកម្ម ម្ចាស់ការមានការទទួលខុសត្រូវ មានឥទ្ធិពលលើរចនាសម្ព័ន្ធឯកភាពក៏ដូចជាការរក្សាសន្តិភាព វិបុលភាពនៃតំបន់អាស៊ាន។ វៀតណាមបានរួមដៃនិងមានការរួមវិភាគ ទានប្រកបដោយប្រសិទ្ធភាពទៅក្នុងដំណើរការ កសាងសហគមន៍អាស៊ានមួយដ៏សុក្រិត ដោយយកប្រជាជនធ្វើជាមជ្ឈភាព។

30/07/2021

សហរដ្ឋអាមេរិកនិងចិនប្រឹងប្រែងស្វែងរកសម្លេងរួម

(VOVWORLD) - ក្នុងសប្ដាហ៍នេះ ព្រឹត្តិការណ៍មួយក្នុងចំណោមព្រឹត្តិការណ៍ការទូតអន្តរជាតិដ៏ លេចធ្លោនោះ គឺដំណើរទស្សនកិច្ចនៅទីក្រុង Tianjin (ចិន) ចាប់ពីថ្ងៃទី២៥ដល់ថ្ងៃទី២៦ កក្កដា របស់អនុរដ្ឋមន្រ្តីការបរទេសអាមេរិកលោកស្រី Wendy Sherman។ ប្រព្រឹត្តទៅ ក្នុងបរិបទដែលទំនាក់ទំនងរវាងប្រទេសមហាអំណាចសេដ្ឋកិច្ចដ៏ធំបំផុតទាំងពីរនេះ ត្រូវបានគេចាត់ទុកថា កំពុងស្ថិតនៅកម្រិតទាបបំផុតក្នុងអំឡុងពេលច្រើនទសវត្សរិ៍ កន្លងមក ដំណើរទស្សនកិច្ចលើកនេះត្រូវបានរំពឹងថា អាចជួយទម្លុះទម្លាយភាពជាប់ គាំង នាំមកនូវយថាទស្សន៍កែលម្អទំនាក់ទំនងអាមេរិក-ចិននាពេលខាងមុខ។

28/07/2021

សញ្ញាសម្គាល់នៃការសម្រេចចិត្តស្របតាមបំណងប្រាថ្នារបស់ប្រជាជន

(VOVWORLD) - សម័យប្រជុំលើកដំបូងនៃអាណត្តិរដ្ឋសភានីតិកាល ទី១៥បានបិទបញ្ចប់នៅថ្ងៃពុធ ទី២៨ កក្កដា នេះ ក្រោយពីការធ្វើការអស់រយៈពេលជាង១សប្ដាហ៍នៅរដ្ឋធានីហាណូយ។ ទោះជាពេលវេលាត្រូវបានកាត់បន្ថយបើធៀបនឹងការគ្រោងទុកដំបូងក៏ដោយ ប៉ុន្តែនេះគឺជាសម័យប្រជុំពិសេសមួយ មិនត្រឹមតែនៅការបោះឆ្នោត អនុម័ត លើ កម្មាភិបាលជាន់ខ្ពស់នៃក្បាលម៉ាស៊ីនរដ្ឋប៉ុណ្ណោះទេ ថែមទាំងពិសេសជាងនេះទៅទៀត សម័យប្រជុំបានបង្ហាញយ៉ាងច្បាស់បំផុតនូវស្មារតីរួមដំណើរជាមួយរដ្ឋាភិបាល សាមគ្គីជាមួយប្រជាជនដើម្បីជំនះពុះពារលើការលំបាកលំបិនបង្កឡើងដោយជម្ងឺរាតត្បាតកូវីដ ១៩។

27/07/2021

ឯកភាពសកម្មភាពក្នុងការប្រយុទ្ធប្រឆាំងនឹងបម្រែបម្រួលអាកាសធាតុ

(VOVWORLD) - កាលពីចុងសប្តាហ៍មុននេះ ក្រុមប្រទេសសេដ្ឋកិច្ចនាំមុខ (G20) បានបើកកិច្ចប្រជុំពិសេស ថ្នាក់រដ្ឋមន្រ្តីនៅទីក្រុង Naples (ទីក្រុងណាប៉ូលីនៃប្រទេសអ៊ីតាលី) ដែលផ្តោតសំខាន់លើប្រធានបទអំពីអាកាសាធាតុ។ ជាលើកដំបូងនៅក្នុងប្រវត្តិសាស្រ្តរបស់ក្រុមប្រទេស G20 ដែលក្រុមនេះបានបើកកិច្ចប្រជុំជំនាញកម្រិតខ្ពស់ ស្តីពីប្រធានបទអាកាសធាតុ។ តាមនោះ ទោះបី ជា លទ្ធផលដែលទទួលបាននៅមានកំហិតក៏ដោយ ក៏ប៉ុន្តែកិច្ចប្រជុំនៅតែត្រូវបានចាត់ទុកថាជាជំហានលើកទឹកចិត្តក្នុងបរិបទនៃការប្រយុទ្ធប្រឆាំងនឹងការប្រែប្រួលអាកាសធាតុរបស់ពិភពលោកនាបច្ចុប្បន្ននេះ។

26/07/2021

វៀតណាមរួមវិភាគទានប្រកបដោយប្រសិទ្ធភាពទៅក្នុងការងាររបស់ក្រុមប្រឹក្សាសន្តិសុខអង្គការសហប្រជាជាតិ

(VOVWORLD) - ក្រុមប្រឹក្សាសន្តិសុខអង្គការសហប្រជាជាតិបន្តបង្ហាញ និងពង្រីកតួនាទីជាយន្តការដ៏សំខាន់ជួរមុខ ដែលមានទំនួលខុសត្រូវ ក្នុងការថែរក្សាសន្តិភាព និងសន្តិសុខអន្តរជាតិ។ ក្រុមប្រឹក្សាសន្តិសុខអង្គការសហប្រជាជាតិបានឯកភាពគ្នាលើឯកសារគ្រប់ប្រភេទចំនួន ៦៣ ដើម្បីពិភាក្សាអំពីស្ថានភាពនៅគ្រប់ទ្វីបទាំងអស់ ដ៏ដូចជាបញ្ហាក្តៅគគុកជាច្រើននៅលើពិភពលោកផងដែរ។